ກອງທຶນ Bitcoin ETF ໃນສະຫະລັດ ກຳລັງລໍຖ້າການອະນຸມັດຈາກ SEC

ບໍລິສັດໜຶ່ງໃນເມືອງ Maryland ທີ່ໃຫ້ບໍລິການດ້ານການຊື້ຂາຍກອງທຶນ (ETF) ໄດ້ຍື່ນຂໍອະນຸມັດຜະລິດຕະພັນດ້ານກອງທຶນ Future Bitcoin ໄປແລ້ວ.

ອີງຕາມແບບຟອມ Form S-1 ຂອງວັນທີ 27 ກັນຍາ, ບໍລິສັດ ProShares Capital Management ຕ້ອງການຈະສ້າງຜະລິດຕະພັນກອງທຶນອອກມາ 2 ຕົວ ໄດ້ແກ່: ProShares Bitcoin ETF ແລະ ProShares Short Bitcoin ETF ເຊິ່ງກໍ່ມີຄວາມຄ້າຍຄືກັບກອງທຶນ ETF ຕົວອື່ນໆທີ່ເຄີຍມີມາໃຫ້ເຫັນເມື່ອຫຼາຍເດືອນກ່ອນໜ້ານີ້ ໂດຍທາງ PRoShares ນັ້ນຈະບໍ່ໃຫ້ຊື້ cryptocurrency ໂດຍກົງ ແຕ່ຈະເປັນການໃຫ້ນັກລົງທຶນໄດ້້ເຂົ້າເຖິງຕະຫຼາດ  cryptocurrency ຜ່ານສັນຍາອະນຸພັນ.

ແບບຟອມດັ່ງກ່າວເປີດເຜີຍໃຫ້ເຫັນວ່າ ທາງ ProShares ມີແຜນການຕັ້ງລາຄາສະເໜີຂາຍສູງສຸດລວມ 1 ລ້ານໂດລາ ໂດຍຈະມີລາຄາຢູ່ທີ່ 25 ໂດລາຕໍ່ຮຸ້ນ ໂດຍທາງພວກເຂົາຍັງຕ້ອງການທີ່ຈະເພີ່ມຜະລິດຕະພັນດັ່ງກ່າວຂຶ້ນເທິງຕະຫຼາດແລກປ່ຽນ NYSE Arca ອີກດ້ວຍ.

“ສັນຍາຊື້-ຂາຍ Bitcoin ລ່ວງໜ້າໜັ້ນຫາກໍ່ຈະຖືກເພີ່ມເຂົ້າມາ ແລະ ມັນມີປະຫວັດການຊື້-ຂາຍທີ່ໜ້ອຍຫຼາຍ. ດັ່ງນັ້ນ, ຈິ່ງບໍ່ມີການຮັບຮອງວ່າຈະມີການຊື້ຂາຍສັນຍາອະນຸພັນ Bitcoin ຫຼາຍ ຫຼື ບໍ່”

ກ່ອນໜ້ານີ້, ເຄີຍມີບໍລິສັດສະຕາດອັບຢ່າງ LedgerX ແລະ ຜູ້ໃຫ້ບໍລິການຊື້-ຂາຍ Option ຢ່າງ CBOE ເລີ່ມທີ່ຈະຫັນມາລົງທຶນ Bitcoin ແລ້ວ, ລວມເຖິງກ່ອນໜ້ານີ້ກໍ່ມີສອງອ້າຍນ້ອງ Winklevoss ທີ່ເປັນເຈົ້າຂອງເວັບເທຣດ Gemini ເຊິ່ງເຄີຍຍື່ນເອກະສານຂໍອະນຸຍາດ SEC ເປີດຕົວກອງທຶນ Bitcoin ETF ແຕ່ກໍ່ຖືກປະຕິເສດໄປ.

Be the first to comment

Leave a Reply

Your email address will not be published.


*