ການ Hard Fork ຂອງ Ethereum ທີ່ຈະມາເຖິງ ເຮັດໃຫ້ລາຄາພຸ່ງຂຶ້ນສູງສຸດໃນຮອບເດືອນ

ຫວ່າງບໍ່ດົນມານີ້ທາງ Ethereum Foundation ໄດ້ປະກາດວ່າຈະທຳການ hard fork ລະບົບຂອງ Ethereum ໃຫ້ກາຍເປັນເວີຊັ່ນ Metropolis ແລະ ຫຼັງຈາກການປະກາດດັ່ງກ່າວເຮັດໃຫ້ລາຄາຂອງ Ethereum ພຸ່ງສູງຂຶ້ນໄປແຕະ 300+ ໂດລາ ໃນຊ່ວງເວລາພຽງສອງວັນ.

ປະລິມານການຊື້-ຂາຍ Ethereum ທົ່ວໂລກລາຍວັນໄດ້ພຸ່ງຂຶ້ນຈາກ 600 ລ້ານໂດລາໄປເປັນ 2.2 ພັນລ້ານໂດລາໃນຊ່ວງເວລາດັ່ງກ່າວ ເຊິ່ງຫຼຽນອັນດັບ 3 ຂອງໂລກຢ່າງ Bitcoin Cash ຕອນນີ້ກໍ່ມີປະລິມານການຊື້-ຂາຍໄລ່ລຽງກັນມາຕິດໆທີ່ 1.2 ພັນລ້ານໂດລາພາຍໃນ 24 ຊົ່ວໂມງ.

ການ hard fork ຂອງ Ethereum ນັ້ນແຕກຕ່າງຈາກຂອງ Bitcoin ທີ່ມີການເກີດ chain split ຫຼື ການແຍກ Blockchain ອອກມາ, ໃນຂະນະທີ່ຂອງ Ether ນັ້ນເປັນການປັບປຸງ ແລະ ພັດທະນາລະບົບຕ່າງໆຕາມທີ່ນັກພັດທະນາໄດ້ອອກມາປະກາດໄວ້ກ່ອນໜ້ານີ້ ຈິ່ງເຮັດໃຫ້ນັກລົງທຶນມີຄວາມສະບາຍໃຈໄດ້ວ່າ Ethereum ຈະບໍ່ມີການແບ່ງແຍກຫຼຽນອີກແລ້ວຄືກັບຕອນທີ່ແຍກຕົວອອກເປັນ Ethereum Classic ເມື່ອປີທີ່ຜ່ານມາ. (ແຕ່ຄວາມຈິງແລ້ວ ບໍ່ມີຫຍັງແນ່ນອນໃນໂລກຂອງ cryptocurrency).

ດ້ວຍເຫດນີ້, ຜູ້ຊ່ຽວຊານຫຼາຍຄົນເຊື່ອວ່າການ hard fork ຂອງ Ethereum ນັ້ນຈະເປັນການນຳເອົາຫຼຽນສັນຍາອັດສະລິຍະ (smart contract) ຕົວນີ້ໄປສູ່ທິດທາງທີ່ດີກວ່າ ເຊິ່ງແຕກຕ່າງຈາກຂອງ Bitcoin ທີ່ມີແຕ່ການຂັດແຍ້ງກັນ.

Vitalik Buterin ຜູ້ກໍ່ຕັ້ງ ແລະ ພັດທະນາ Ethereum ໄດ້ອອກມາອະທິບາຍວ່າ ບາງທີການ hard fork ນັ້ນກໍ່ບໍ່ຈຳເປັນຕ້ອງລົງທ້າຍດ້ວຍການຂັດແຍ້ງກັນສະເໝີໄປ ພ້ອມກັນນັ້ນກໍ່ຍັງເນັ້ນວ່າການ hard fork ຈະຊ່ວຍໃຫ້ມີແຜນການອັບເດດລະບົບ protocol ທີ່ສະອາດກວ່າ ແລະ ດີກວ່າການ soft fork.

ການ hard fork ເປັນເວີຊັ່ນ Metropolis ນັ້ນຈະເປັນປະໂຫຍດຕໍ່ນັກພັດທະນາ, ຜູ້ໃຊ້ງານ, ທຸລະກິດ ໃນເຄືອຂ່າຍຂອງ Ethereum ບໍ່ວ່າຈະເປັນການປັບຂະໜາດຂອງການສົ່ງ “ແກສ”, ການນຳເອົາລະບົບ zk-SNARKS ມາຕິດຕັ້ງ ແລະ ການ mask (ປິດບັງ) ທີ່ຢູ່ສຳລັບການໂອນນັ້ນ ຈະເຮັດໃຫ້ Metropolis ສ້າງຄວາມເປັນສ່ວນຕົວໃຫ້ກັບຜູ້ໃຊ້ງານໄດ້ຫຼາຍຂຶ້ນທັງມີຄວາມຍືດຍຸ່ນນຳອີກ.

“ໃນຕົວຂອງ Metropolis ຈະມີລະບົບທີ່ເອີ້ນວ່າ zk-SNARKS ທີ່ສ້າງເທິງ “Zero Knowledge Proofs” ເຊິ່ງຈະຊ່ວຍໃຫ້ Blockchain ຂອງ Ethereum ສາມາດເຮັດທຸລະກຳໄດ້ແບບໄຮ້ຕົວຕົນຫຼາຍຂຶ້ນ” ກ່າວໂດຍ Josh Breslauer ໜຶ່ງໃນນັກພັດທະນາ Ethereum.

Be the first to comment

Leave a Reply

Your email address will not be published.


*