ຈັບແລ້ວ Hacker ທີ່ລັກ Bitcoin ມູນຄ່າຫຼາຍພັນລ້ານໂດລາ

ຜູ້ກໍ່ຕັ້ງເວັບ Mt Gox ອະດີດ CEO ນາມວ່າ Mark Karpeles ອາຍຸ 32 ປີ, ສັນຊາດຝຣັ່ງທີ່ກ່ອນໜ້ານີ້ຫາກໍ່ຂຶ້ນສານໃນປະເທດຍີ່ປຸ່ນຂໍ້ຫາ “ລັກເງິນຂອງລູກຄ້າ ຈຳນວນ 341 ລ້ານເຢນ” ໃນຊ່ວງເດືອນກັນຍາ ຫາ ເດືອນທັນວາ ປີ 2013 ເຊິ່ງເຂົາກໍ່ໃຫ້ການປະຕິເສດທຸກຂໍ້ຫາ.

ເຖິງຢ່າງໃດກໍ່ຕາມ ກໍ່ຍັງບໍ່ເປັນທີ່ຊັດເຈນວ່າຜູ້ເຄາະຮ້າຍ ແລະ ກຸ່ມຜູ້ໃຊ້ງານ Bitcoin ເຊື່ອໃນການປະຕິເສດຂອງເຂົາ ແຕ່ເຫດການຊໍ້າຮອຍກໍ່ເກີດຂຶ້ນອີກຄັ້ງເນື່ອງຈາກມື້ວານນີ້ (27/07/2017) ມີຜູ້ສົງໃສວ່າ Mark ໜ້າຈະເປັນຜູ້ຢູ່ເບື້ອງຫຼັງການແຮັກ (Hack) ເວັບ Mt Gox ແລະ ຟອກເງິນ ເຊິ່ງຖືກຈັບໃນປະເທດເກຣັກ ໂດຍທີ່ຜູ້ສົງໃສທີ່ຖືກຈັບລາຍນີ້ຊື່ວ່າ Alexander Vinnik ອາຍຸ 38 ປີ.

Vinnik  ຖືກຈັບ ພ້ອມກັບຖືກຕັ້ງຂໍ້ຫາ “ຟອກເງິນ 4 ພັນລ້ານໂດລາ” ແລະ ນັ້ນກໍ່ຄ້າຍກັບວ່າຈະເປັນແອດມີນເວັບເທຣດ Digital Currency ຊື່ດັງຄື: BTC-e.com ທີ່ກໍ່ຕັ້ງຂຶ້ນມາໃນປີ 2014 ເຊິ່ງກໍ່ພໍດີຫຼົ້ມ (ຫຼື ປິດເວັບໜີ) ກ່ອນທີ່ເຂົາຈະຖືກຈັບ.

 

ລາຍງານຈາກສຳນັກຂ່າວຕ່າງປະເທດຍັງໄດ້ກ່າວເຖິງເອກະສານທີ່ຖືກສົ່ງໄປໃຫ້ກັບຕຳຫຼວດໃນປະເທດເກຣັກ ທີ່ເຜີຍໃຫ້ເຫັນວ່າ Vinnik ມີຫຼຽນ Bitcoin ທີ່ໄດ້ Hack ມາຈາກເວັບ Mt Gox ໄວ້ໃນຄອບຄອງປະມານ  306,853 BTC ແລະ ທີ່ສຳຄັນຈໍານວນບິດຄອຍນ໌ດັ່ງກ່າວໄດ້ຖືກໂອນເຂົ້າມາໃນບັນຊີ (Wallet) ຂອງເວັບໄຊທ໌ BTC-e.com.

ຫຼັງຈາກທີ່ຂ່າວການຖືກຈັບຂອງ Vinnik ເຜີຍແຜ່ອອກສູ່ສາທາລະນະ, ຜຸ້ໃຊ້ງານ Social Network ຢ່າງ Twitter ຕ່າງກໍ່ໄດ້ທຳການສືບຫາຕໍ່ທັນທີວ່າ Vinnik ຄືຜູ້ຢູ່ເບື້ອງຫຼັງການ Hack ເວັບ Mt Gox ແທ້ຫຼືບໍ່ ເຊິ່ງໃນຂະນະດຽວກັນ Mark ກໍ່ໄດ້ອອກມາ Tweet ເຊັ່ນກັນວ່າ Vinnik ຄືໂຈນ ແລະ ເຖິງແມ່ນວ່າຜູ້ໃຊ້ງານ Twitter ຈະບໍ່ເຊື່ອໃນຄຳເວົ້າຂອງລາວກໍ່ຕາມແຕ່ກໍ່ມີຫຼາຍຄົນທີ່ retweet ໂພສຂອງລາວຕໍ່ໆກັນ.

ຜູ້ຊ່ຽວຊານທາງດ້ານການຮັກສາຄວາມປອດໄພຂອງ Bitcoin ນາມວ່າ WizSecurity ທີ່ໄດ້ທຳການສືບສວນຄະດີຂອງ Mt Gox ມາເປັນເວລາຫຼາຍປີ ໄດ້ອອກມາ Tweet ວ່າການປະກາດນັ້ນກຳລັງຈະອອກມາໃນໄວໆນີ້. ພາຍຫຼັງການປະກາດຖືກເຜີຍແຜ່ອອກມາໂດຍມີໃຈຄວ່າວ່າ:

 

“ເຮົາຈະບໍ່ເວົ້າອ້ອມ ແຕ່ວ່າ Vinnik ຄືຜູ້ຕ້ອງສົງໃສຫຼັກໃນຄະດີ hack ບິດຄອຍນ໌ຂອງ Mt Gox ເລີຍແຫຼະ”

ການປະກາດຂອງ WizSecurity ໄດ້ຖືກເຜີຍແຜ່ອອກໄປຢ່າງວ່ອງໄວ ແລະ ກວ້າງຂວາງ ເຖິງວ່າກ່ອນໜ້ານີ້ຄວາມກ່ຍວຂ້ອງລະຫວ່າງ Vinnik ກັບ My Gox ຈະເຄີຍມີຂໍ້ມູນມາແລ້ວກໍ່ຕາມ ເນື່ອງຈາກໃນເດືອນກັນຍາ ປີ 2011 ນັ້ນ “private key” ຂອງກະເປົາເງິນ hot wallet ໄດ້ຖືກ Hack ໄປ ເຊິ່ງເຮັດໃຫ້ Hacker ນັ້ນສາມາດທີ່ຈະເຂົ້າໄປລັກເອົາບິດຄອຍນ໌ໃນເວັບອອກມາໄດ້ ລວມເຖິງການທີ່ພາຍຫຼັງໄດ້ມີບິດຄອຍນ໌ໂືກໂອນເຂົ້າມາໃນບັນຊີທີ່ຄວບຄຸມໂດຍ Vinnik.

ປະການກາງປີ 2013 ຈໍານວນບິດຄອຍນ໌ທີ່ຖືກ Hack ໄປມີປະມານ 630,000 BTC ສົ່ງຜົນເຮັດໃຫ້ລລະບົບຂອງ My Gox ສັບສົນວ່າການແຮັກດັ່ງກ່າວນັ້ນເປັນການຝາກເງິນ ແລະ ຍັງເຮັດໃຫ້ລະບົບສົ່ງ ບິດຄອຍນ໌ ໄປຍັງ ບັນຊີຂອງ Hacker ເປັນຈຳນວນຫຼາຍ. ມີບິດຄອຍນ໌ຈາກ My Gox ຖືກໂອນໄປຍັງບັນຊີ ຫຼື Wallet ຂອງ Vinnik ໃນ BTC-e.com ຈຳນວນ 300,000 BTC ເຊິ່ງຈຳນວນທັງໝົດນີ້ລາຍງານລະບຸວ່າໜ້າຈະເປັນບິດຄອຍນ໌ທີ່ຖືກຟອກໄປແລ້ວ ແລະ ອີກສ່ວນທີ່ເຫຼືອໄດ້ຖືກສົ່ງເຂົ້າໄປໃນ internal storage ໂດຍກົງ ແທນທີ່ຈະສົ່ງຜ່ານ Wallet ເຊິ່ງນັ້ນກໍ່ໝາຍຄວາມວ່າ Vinnik ມີສ່ວນກ່ຽວຂ້ອງກັບ BTC-e.com.

 

Be the first to comment

Leave a Reply

Your email address will not be published.


*