ຈັບແລ້ວ Hacker ທີ່ເຈາະລະບົບອີເມລຂອງ Yahoo

ກະຊວງຍຸດຕິທຳຂອງສະຫະລັດ ຕັ້ງຂໍ້ຫາເຈົ້າໜ້າທີ່ໜ່ວຍສືບຂ່າວລັບຂອງລັດເຊຍ 2 ຄົນ ແລະ ຜູ້ກ່ຽວຂ້ອງອີກ 2 ລວມເປັນ 4 ຄົນ ວ່າມີການລັກລອບເຈາະຂໍ້ມູນບັນຊີຜູ້ໃຊ້ບໍລິການອີເມລຂອງເວັບໄຊທ໌ຊື່ດັງ “ຢາຮູ” ຈຳນວນ 500 ລ້ານບັນຊີ ໃນປີ 2014.

ທາງການຂອງສະຫະລັດ ລະບຸວ່າ ດາມິດທຣີ  ໂດຄູຊາເອຟ ແລະ ອິກໍ ຊັສຊິນ ເຊິ່ງເຮັດວຽກເປັນເຈົ້າໜ້າທີ່ຈາກສຳນັກງານຄວາມໝັ້ນຄົງຂອງລັດເຊຍ ສາມາດເຂົ້ົາເຖິງຂໍ້ມູນຜູ້ໃຊ້ບໍລິການຂອງບໍລິສັດ Yahoo, Google ລວມເຖິງບໍລິສັດຜູ້ໃຫ້ບໍລິການລາຍອື່ນອີກຫຼາຍແຫ່ງ ໂດຍຜູ້ຖືກກ່າວຫາທັງສອງໄດ້ຈ້າງ ອາເລັກຊີ ເບລານ ແລະ ຄາຣິມ ບາຣາຕອຟ ທຳການເຈາະຂໍ້ມູນບັນຊີອີເມລ.

 

ທ່ານ ນາງ ແມຣີ່ ແມັກຄອດ ຜູ້ຮັກສາການລັດຖະມົນຕີວ່າການກະຊວງຍຸດຕິທຳຂອງສະຫະລັດ ກ່າວວ່າ: “ເບລານ ຖືເປັນໜຶ່ງໃນແຮັກເກີທີ່ສຳນັກງານສອບສວນກາງຂອງສະຫະລັດ (FBI) ຕ້ອງການຕົວຫຼາຍທີ່ສຸດ ເນື່ອງຈາກໄດ້ເຄີຍທຳການເຈາະຂໍ້ມູນຂອງບໍລິສັດ ອີຄັອມເມີສ (e-commerce) ຫຼາຍແຫ່ງຂອງສະຫະລັດ.

ນີ້ຖືເປັນຄັ້ງທຳອິດທີ່ທາງການສະຫະລັດຟ້ອງລັດເຊຍຢ່າງເປັນທາງການ.

Be the first to comment

Leave a Reply

Your email address will not be published.


*