ຍີປຸ່ນ ຈະເລີ່ມຕົ້ນຕິດຕາມກວດກາການຊື້ຂາຍເງິນດິຈິຕອລໃນເດືອນໜ້າ

ອົງການບໍລິການດ້ານການເງິນຂອງຍີປຸ່ນ ຫຼື Financial Services Agency (FSA) ຈະເລີ່ມຕົ້ນຕິດຕາມກວດກາການຊື້ຂາຍຫຼຽນ cryptocurrency ໃນເດືອນໜ້າ.

ອີງຕາມການລາຍງານຂອງ Japan Times ນັ້ນ ການເພີ່ມມາດຕະການກວດສອບດັ່ງກ່າວມີຂຶ້ນເພື່ອໃຫ້ແນ່ໃຈວ່າ ບໍລິສັດຜູ້ໃຫ້ບໍລິການແລກປ່ຽນເງິນດິຈິຕອລໄດ້ປະຕິບັດຕາມກົດໝາຍກ້ານການເງິນສະບັບຫຼ້າສຸດທີ່ມີການບັງຄັບໃຊ້ຕັ້ງແຕ່ເດືອນເມສາເປັນຕົ້ນມາ. ກົດໝາຍດັ່ງກ່າວ ໄດ້ສ້າງມາດຕະຖານໃໝ່ໃຫ້ແກ່ການດໍາເນີນງານຂອງເວັບເທຣດເງິນດິຈິຕອລໃນຍີປຸ່ນ ຂະນະດຽວກັນກໍ່ຍັງປະກາດໃຫ້ເງິນເຫຼົ່ານັ້ນສາມາດໃຊ້ຊຳໜີ້ສິນໄດ້ຕາມກົດໝາຍອີກດ້ວຍ.

ໜຶ່ງໃນຜູ້ບໍລິຫານຂອງ FSA ໄດ້ຊີ້ໃຫ້ເຫັນເຖິງສາເຫດຂອງການເຂັ້ມງວດເລື່ອງການເຝົ້າລະວັງບັນດາເວັບເທຣດໃນປະເທດນັ້ນໄດ້ໃຫ້ຄວາມຮ່ວມມືທາງດ້ານກົດໝາຍ ແລະ ເພື່ອໃຫ້ຕະຫຼາດດັ່ງກ່າວເຕີບໃຫຍ່ຢ່າງເຂັ້ມແຂງ.

 

ຂໍ້ບັງຄັບຂອງຮ່າງກົດໝາຍສະບັບໃໝ່ໄດ້ມີການກ່າວເຖິງການປ້ອງກັນ ແລະ ປາບປາມການຟອກເງິນ ລວມເຖິງການເຮັດ  KYC (Know your customer) ເທິງເວັບຊື້-ຂາຍເງິນດິຈິຕອລນຳ ແລະ ມີການບັງຄັບໃຫ້ເວັບເທຣດຕ່າງໆເພີ່ມມາດຕະການຮັກສາຄວາມປອດໄພທາງອິນເຕີເນັດເພື່ອປົກປ້ອງເງິນຂອງຜູ້ໃຊ້ງານຈາກການຖືກ Hack.

ກົດໝາຍຍັງໄດ້ກ່າວວ່າ ເວັບເທຣດເງິນດິຈິຕອລທຸກເວັບໃນຍີປຸ່ນຈະຕ້ອງລາຍງານຕົວກັບທາງລັດທະບານພາຍໃນທ້າຍເດືອນນີ້ ແລະ ຈະຕ້ອງຮັບຮູ້ວ່າພວກເຂົາຈະຕ້ອງປະຕິບັດຕາມກົດໝາຍໃໝ່ທີ່ທາງ FSA ອາດຈະມີແຜນການກວດກາສະຖານທີ່ໃນກໍລະນີມີຄວາມຈຳເປັນອີກດ້ວຍ.

ເມື່ອເດືອນທີ່ຜ່ານມາມີລາຍງານວ່າທາງ FSA ໄດ້ກໍ່ຕັ້ງທີມງານປະມານ 30 ຄົນເອົາໄວ້ສຳລັບຄອຍເຝົ້າລະວັງເວັບຊື້-ຂາຍເງິນດິຈິຕອລທັງໝົດ 20 ເວັບພາຍໃນປະເທດ.

ສາເຫດຫຼັກອາດມາຈາກການທີ່ກ່ອນໜ້ານີ້ມີຄະດີສໍ້ໂກງກ່ຽວກັບເງິນດິຈິຕອລເພີ່ມຂຶ້ນເຖິງ 33 ຄະດີໃນຍີປຸ່ນ ແລະ ມີເມັດເງິນທັງໝົດປະມານ 500,000 ໂດລາທີ່ສູນເສຍໄປ ບວກກັບກໍລະນີຂອງເວັບເທຣດລະດັບໂລກຢ່າງ Mt Gox ຖືກແຮັກ ຈິ່ງເຮັດໃຫ້ຜູອອກກົດໝາຍໃນຍີປຸ່ນໄດ້ຍົກເອົາເຫດການດັ່ງກ່າວມາເປັນເຫດຜົນໃນການຮ່າງກົດໝາຍດ້ານ cryptocurrency ຂຶ້ນມາ.

Be the first to comment

Leave a Reply

Your email address will not be published.


*