ຕະຫຼາດແລກປ່ຽນເງິນດິຈິຕອລໃນຍີປຸ່ນ ກາຍເປັນເບີໜຶ່ງຂອງໂລກ ຫຼັງຈີນສັ່ງປິດບໍລິການໃນປະເທດ

ຕະຫຼາດ Bitcoin ໃນຍີປຸ່ນ ກາຍເປັນອັນດັບໜຶ່ງອີກຄັ້ງທາງດ້ານປະລິມານການຊື້-ຂາຍ ໂດຍສາມາດຍາດສ່ວນແບ່ງຕະຫຼາດໄປແລ້ວເຖິງ 50.75% ຂອງຕະຫຼາດໂລກຫຼັງລັດທະບານຈີນສັ່ງຫ້າມ ແລະ ໄດ້ປິດເວັບເທຣດ Cryptcurrency ພາຍໃນປະເທດ.

ເມື່ອບໍ່ດົນມານີ້ ລັດທະບານຈີນໄດ້ເອົາຈິງເອົາຈັງກັບການຈັດການເລື່ອງຂອງ Bitcoin ແລະ ເງິນດິຈິຕອລສະກຸນອື່ນໆໃນປະເທດ ພ້ອມກັບໃຫ້ເຫດຜົນວ່າສະກຸນເງິນດິຈິຕອລທຸກປະເພດເປັນສິ່ງຜິດກົດໝາຍໃນ ສປ ຈີນ ຂະນະດຽວກັນກໍ່ໄດ້ສັ່ງປິດບໍລິການເວັບເທຣດເງິນດິຈິຕອລໄປແລ້ວຫຼາຍແຫ່ງ, ແຕ່ວ່າເວັບເທຣດຊື່ດັ່ງຢ່າງ OKCoin ແລະ Huobi ນັ້ນຍັງຄົງໄດ້ຮັບອະນຸຍາດໃຫ້ບໍລິການໄດ້ຈົນຮອດວັນທີ 30 ຕຸລາ 2017 ເນື່ອງຈາກທັງ 2 ເວັບນີ້ເປັນເວັບໃຫ້ບໍລິການຂະໜາດໃຫຍ່ ແລະ ມີລູກຄ້າຫຼາຍກວ່າເວັບອື່ນ ຈິ່ງຕ້ອງໃຊ້ເວລາໃນການຈັດການຄືນເງິນໃຫ້ກັບລູກຄ້າ.

ແຕ່ເບິ່ງຈາກສະຖານະການແລ້ວ ບັນດານັກລົງທຶນເງິນດິຈິຕອລໃນຈີນສ່ວນໃຫຍ່ແມ່ນບໍ່ເຫັນດີກັບການກະທຳທີ່ບໍ່ສາມາດຄາດເດົາໄດ້ຂອງລັດທະບານຈີນ ເຊິ່ງເຫດການໃນຄັ້ງນີ້ສົ່ງຜົນໃຫ້ມູນຄ່າຕະຫຼາດເງິນດິຈິຕອລທົ່ວໂລກຕົກລົງຢ່າງຮຸນແຮງ (ໃນໄລຍະສັ້ນ) ກ່ອນທີ່ຈະຄ່ອຍໆໄຕ່ຂຶ້ນມາເທື່ອລະໜ້ອຍ.

ກ່ອນໜ້າທີ່ຈະມີການ “ແບນ” ເວັບຊື້-ຂາຍ-ແລກປ່ຽນ (ເວັບເທຣດ) ເງິນດິຈິຕອລໃນຈີນນັ້ນ ຕະຫຼາດແລກປ່ຽນ Bitcoin ໃນສະຫະລັດມັກຈະຕົກເປັນທີ 3 ຂອງໂລກມາໂດຍຕະຫຼອດ, ແຕ່ທັນທີທີ່ມີການປະກາດປິດຕົວຂອງເວັບ BTCC, Huobi ແລະ OkCoin ອອກມານັ້ນ ກໍ່ເຮັດໃຫ້ນັກລົງທຶນຍ້າຍຕະຫຼາດໄປທີ່ຍີປຸ່ນທັນທີ ເຊິ່ງປະລິມານການຊື້-ຂາຍໄລຍະສັ້ນສົ່ງຜົນໃຫ້ຕະຫຼາດແລກປ່ຽນໃນສະຫະລັດເພີ່ມຂຶ້ນເປັນ 20% ຂອງສ່ວນແບ່ງຕະຫຼາດໂລກ ແລະ ກາຍເປັນອັນດັບ 2 ຂອງໂລກຮອງຈາກຍີປຸ່ນ.

Be the first to comment

Leave a Reply

Your email address will not be published.


*