ທະນາຄານກາງຂອງອິນເດຍກຳລັງພິຈາລະນາສ້າງ ເງິນດິຈິຕອລ ເປັນຂອງຕົນເອງ

ທະນາຄານກາງແຫ່ງປະເທດອິນເດຍ ຫຼື Reserve Bank of India (RBI) ກຳລັງພິຕາລະນາເຖິງຄວາມເປັນໄປໄດ້ໃນການສ້າງເງິນດິຈິຕອລທີ່ມີເງິນຣູປີມາໜຸນຫຼັງເປັນຂອງຕົນເອງ ເພື່ອມາທົດແທນ Bitcoin.

ທາງທະນາຄານໄດ້ກ່າວສະແດງຄວາມບໍ່ມັກໃນຫຼຽນ cryptocurrency ຢ່າງ Bitcoin ແລະ ບອກວ່າມັນເປັນ “ສກຸນເງິນສ່ວນຕົວ”. ອ້າງອີງຈາກຜູ້ບໍລິຫານລະດັບສູງຂອງທະນາຄານກາງຄື Sudarshan Sen ນັ້ນໄດ້ກ່າວວ່າ:

“ສຳລັບສະກຸນເງິນດິຈິຕອລທີ່ບໍ່ໄດ້ຖືກນຳມາຜູກກັບເງິນແທ້ ຂ້າພະເຈົ້າຮູ້ສຶກບໍ່ຄ່ອຍເຫັນດີປານໃດ ເພາະຢ່າງເຊັ່ນ Bitcoin ທີ່ຖືເປັນ cryptocurrency ແບບສ່ວນຕົວ ເພາະໃນຕອນນີ້ເຮົາມີກຸ່ມຄົນທີ່ກຳລັງເລີ່ມສົນໃຈໃນເງິນດິຈິຕອລທີ່ຜູກກັບເງິນແທ້ຢູ່ ເຊິ່ງອາດຍັງບໍ່ທັນສາມາດນຳມາແທນເງິນຣູປີໄດ້ ຕາມທີ່ເຮົາກຳລັງເຝົ້າສັງເກດຢູ່”

ກ່ອນໜ້ານີ້ ທາງທະນາຄານອິນເດຍເຄີຍອອກມາປະກາດເຕືອນປະຊາຊົນກ່ຽວກັບຄວາມສ່ຽງໃນການໃຊ້ສະກຸນເງິນດິຈິຕອລຢ່າງ Bitcoin ມາແລ້ວ. ໂດຍອ້າງອີງຈາກທາງທະນາຄານນັ້ນ ສະກຸນເງິນດັ່ງກ່າວມີຄວາມສ່ຽງທາງດ້ານການເງິນ, ການປົກປ້ອງຜູ້ບໍລິໂພກ, ກົດໝາຍ ແລະ ຄວາມປອດໄພດ້ານອື່ນໆ.

Be the first to comment

Leave a Reply

Your email address will not be published.


*