ທະນາຄານກາງແຫ່ງປະເທດຈີນ ເຂົ້າພົບ Coinbase ເພື່ອຫາລືກ່ຽວກັບ “ເງິນດິຈິຕອລ”

ກຸ່ມບຸກຄະລາກອນດ້ານງານວິໄຈຈາກທະນາຄານແຫ່ງປະເທດຈີນ ຫຼື PBoC ໄດ້ເຂົ້າພົບກັບທາງ Coinbase ແລະ Ripple ເພື່ອປຶກສາຫາລືກ່ຽວກັບບັນຫາເງິນດິຈິຕອລ cryptocurrency ຕົວສຳຄັນອັນດັບຕົ້ນໆຂອງໂລກ.

ທ່ານ Yao Qian ຜູ້ອຳນວຍການພະແນກວິໄຈດ້ານເງິນດິຈິຕອລຂອງທະນາຄານກາງແຫ່ງປະເທດຈີນ ໄດ້ອອກມາຊີ້ແຈງວ່າ: “ກົດໝາຍດ້ານເງິນດິຈິຕອລນັ້ນເປັນສິ່ງທີ່ສຳຄັນຫຼາຍ” (ເຊິ່ງມີຂໍ້ມູນຈາກສຳນັກຂ່າວທ້ອງຖິ່ນແຫ່ງໜຶ່ງຂອງຈີນເຄີຍມີການກ່າວເຖິງຄວາມພະຍາຍາມຂອງທະນາຄານກາງທີ່ກຳລັງຈະເປີດສູນວິໄຈເພື່ອຄົ້ນຄວ້າກ່ຽວກັບເງິນດິຈິຕອລ ແລະ ສ້າງເປັນຂອງຕົນເອງ).

ເຫັນໄດ້ວ່າ ຈີນ ກຳລັງໃຫ້ຄວາມສົນໃຈໃນສະກຸນເງິນດິຈິຕອລເປັນພິເສດ ໂດຍສະເພາະ ICO ທີ່ມື້ວານນີ້ມີລາຍງານຂ່າວຈາກສຳນັກຂ່າວຈີນວ່າ ພວກເຂົາມີແຜນການຍົກເລີກການຂາຍ ICO ພາຍໃນປະເທດທັງໝົດເນື່ອງຈາກມັນມີຄວາມສ່ຽງສູງຫຼາຍຕໍ່ຜູ້ລົງທຶນ.

ແຮງກົດດັນຈາກລັດທະບານຈີນໃນແງ່ຂອງກົດໝາຍກ່ຽວກັບເງິນດິຈິຕອລນັ້ນ ຄ້າຍກັບວ່າຈະເພີ່ມທະວີຄວາມຮຸນແຮງຫຼາຍຂຶ້ນ ເຊິ່ງເລີ່ມຕັ້ງແຕ່ຊ່ວງຕົ້ນປີທີ່ຜ່ານມາ ທີ່ພວກເຂົາອອກມາລະງັບການຊື້-ຂາຍ Bitcoin ພາຍໃນປະເທດ ອີກທັງລາຄາຫຼຽນ Neo ທີ່ເປັນຫຼຽນສັນຊາດຈີນເອງກໍ່ລາຄາຕົກລົງມາຢ່າງໜັກຫຼັງຈາກທີ່ທາງນັກພັດທະນາອອກມາປະກາດວ່າ ພວກເຂົານັ້ນຈະບໍ່ໃຫ້ບໍລິການຊາວຈີນແລ້ວ.

Be the first to comment

Leave a Reply

Your email address will not be published.


*