ນັກລົງທຶນແຫ່ຖອນເງິນອອກຈາກຕະຫຼາດຮຸ້ນສະຫະລັດ ເຫດຜົນຍ້ອນ Bitcoin

ການຖອນເງິນທຶນອອກຈາກຕະຫຼາດຮຸ້ນ ແລະ ຕະຫຼາດຄຳ ນັ້ນເບິ່ງຄືກັບວ່າຈະພໍດີຖືກກັບຊ່ວງຂາຂຶ້ນຂອງ ບິດຄອຍນ໌ ລວມເຖິງເງິນດິຈິຕອລສະກຸນອື່ນໆເຊັ່ນດຽວກັນໃນຊ່ວງນີ້ ຫຼືວ່ານັກລົງທຶນອາດຈະເລີ່ມຮັບຮູ້ເຖິງສັກກະຍະພາບຂອງເງິນດິຈິຕອລແລ້ວກໍ່ເປັນໄດ້.

ອີງຕາມການລາຍງານຂ່າວຂອງ CNBC ໃຫ້ຮູ້ວ່າ ຕະຫຼາດຮຸ້ນໃນສະຫະລັດອາເມລິການັ້ນໄດ້ມີອັດຕາການໄຫຼອອກຂອງເງິນທຶນມາຕັ້ງແຕ່ປີ 2004 ແລ້ວ ເຊິ່ງມີເງິນທຶນປະມານ 30 ພັນລ້ານໂດລາທີ່ຖືກຖອນອອກຈາກຕະຫຼາດໃນຊ່ວງ 2 ເດືອນທີ່ຜ່ານມາ ໂດຍການຖອນເງິນນັ້ນຍັງລວມເຖິງການປ່ຽນແປງພຶດຕິກຳການຖືຫຼັກຊັບປະເພດຄຳ ແລະ ແຮ່ທາດມີຄ່າອື່ນໆອີກ.

ນັກລົງທຶນ ທີ່ກ່ອນໜ້ານີ້ເຄີຍແລກປ່ຽນຊື້-ຂາຍແຮ່ທາດຕ່າງໆເປັນຕົ້ນແມ່ນ “ຄຳ” ນັ້ນກໍ່ມີອັດຕາການລົງທຶນທີ່ຫຼຸດລົງເຊັ່ນກັນ ໂດຍຈຳນວນການເປີດພອດ (Portfolio) ແບບ 10% ໃນປີ 2013 ນັ້ນກໍ່ຫຼຸດລົງມາເຫຼືອຕາໍ່ກວ່າ 2% ແລ້ວ ໃນປີນີ້. ການລົງທຶນໃນແຮ່ທາດມີຄ່າທີ່ເລີ່ມໜ້ອຍລົງນັ້ນ ຄ້າຍຄືກັບວ່າຈະສອດຄ່ອງກັບການຖອນເງິນອອກຈາກຕະຫຼາດຮຸ້ນໂດຍລວມ ເຖິງແມ່ນວ່າຕະຫຼາດສ່ວນໃຫຍ່ນັ້ນຈະຂ້ອນຂ້າງເປັນບວກກໍ່ຕາມ.

ກ່ອນໜ້ານີ້ກໍ່ມີນັກລົງທຶນຊື່ດັງນາມວ່າ Thomas Lee ຫຼື ທີ່ປຶກສາທາງດ້ານການເງິນຈາກ Fundstrat Global Advisors ທີ່ເຄີຍອອກມາສະແດງຄວາມເຫັນສ່ວນຕົວວ່າ “Bitcoin ເປັນຕົວເລືອກການລົງທຶນທີ່ດີກວ່າຄຳ” ຜ່ານທາງລາຍການຂອງ CNBC ອີກດວຍ.

ເທັກໂນໂລຢີ Blockchain ກຳລັງສ້າງໂອກາດການລົງທຶນໃໝ່ໆເພີ່ມຂຶ້ນມາໃນປັດຈຸບັນ. ບໍລິສັດ LAToken ແລະ MyBit ໄດ້ພັດທະນາວິທີການສຳລັບເຮັດໃຫ້ທຸກຢ່າງສາມາດລົງທຶນໄດ້ດ້ວຍເງິນດິຈິຕອລ ເຊິ່ງສົ່ງຜົນໃຫ້ການລົງທຶນທີ່ຕ້ອງໃຊ້ເງິນລົງທຶນມະຫາສານນັ້ນ ກາຍເປັນເລື່ອງທີ່ຄົນທຳມະດາທົ່ວໄປສາມາດເອື້ອມເຖິງໄດ້.

ດ້ວຍລະບົບ Decentralized (ບໍ່ມີສູນກາງ) ຂອງບໍລິສັດເຫຼົ່ານີ້ ເຮັດໃຫ້ນັກລົງທຶນຕ່າງໆສາມາດທີ່ຈະເຂົ້າມາຮ່ວມລົງທຶນໄດ້ໂດຍບໍ່ຕ້ອງຈ່າຍຄ່າທຳນຽມສູງຄືກັບຕະຫຼາດທຶນແບບເກົ່າ, ໂດຍທາງ LAToken ຍັງໄດ້ສ້າງລະບົບທີ່ເຮັດໃຫ້ບໍລິສັດ Blue-Chip ຢ່າງ Apple, Amazon ແລະ ອື່ນໆກາຍເປັນ “ຫຼຽນດິຈິຕອລ” ແລະ ສາມາດທີ່ຈະຖືກຊື້ຜ່ານລະບົບດັ່ງກ່າວໄດ້.

# ອະທິບາຍສັບ: Blue-Chip ໝາຍເຖິງຮຸ້ນຂອງບໍລິສັດຂະໜາດໃຫຍ່, ມີພື້ນຖານດີ, ໝັ້ນຄົງ, ແຂງແຮງ, ມີມູນຄ່າຕະຫຼາດຂອງຮຸ້ນທີ່ສູງ (Marketcap).

Be the first to comment

Leave a Reply

Your email address will not be published.


*