ນັກວິເຄາະຕະຫຼາດຮຸ້ນມືອາຊີບກ່າວ “ທະນາຄານ ກຳລັງຫວັ່ນວິຕົກກ່ຽວກັບ Bitcoin”

ນັກພະຍາກອນຕະຫຼາດມືອາຊີບ ນາມວ່າ: Gerald Celente ໄດ້ອອກມາກ່າວໃນການໃຫ້ສຳພາດຂອງເຂົາ ໂດຍເຊື່ອວ່າ: “ປັດຈຸບັນທະນາຄານ ກຳລັງຫວັ່ນວິຕົກກ່ຽວກັບ Bitcoin”

ໃນລາຍການ The Street ນັ້ນ ທ່ານ Celente ທີ່ເປັນນັກວິິເຄາະຕະຫຼາດ ແລະ ຄອຍຂຽນບົດຄວາມກ່ຽວກັບການລົງທຶນໃນວາລະສານ Trends Journal ໄດ້ອອກມາຖຽງວ່າທະນາຄານກຳລັງຢ້ານຕໍ່ກັບ Bitcoin ແລະ cryptocurrency ເນື່ອງຈາກມັນກຳລັງມາຍາດແຍ່ງ “ຕະຫຼາດ ແລະ ວຽກຂອງທະນາຄານ” ພ້ອມກັບກ່າວເສີມອີກວ່າ: “ທະນາຄານກຳລັງຫາທຸກວິທີທາງເພື່ອກຳຈັດມັນ”.

ທ່ານ Celente ຍັງໄດ້ກ່າວເຖິງຄົນດັງຈາກ Wall Street ຢ່າງ CEO ຂອງ JPMorgan Chase ຫຼື ທ່ານ Jamie Dimon ທີ່ກ່ອນໜ້ານີ້ຖືກວິພາກວິຈານຢ່າງໜັກໂດຍກຸ່ມຜູ້ໃຊ້ງານ cryptocurrency ຫຼັງຈາກທີ່່ເຂົາໄດ້ອອກມາກ່າວວ່າ Bitcoin ນັ້ນຄືເລື່ອງຫຼອກລວງ ໂດຍທ່ານ Celente ໄດ້ພະຍາກອນວ່າການກ່າວໂຈມຕີໃນລັກສະນະນີ້ຈະຍັງມີໃຫ້ເຫັນອອກມາເລື້ອຍໆຕາບໃດທີ່ Bitcoin ຍັງຄົງຢູ່.

“ທະນາຄານຈະຍັງອອກມາກ່າວຫາໃນແງ່ລົບກ່ຽວກັບມັນ ເພາະວ່າມັນຈະເຮັດໃຫ້ທະນາຄານ ແລະ ນາຍທະນາຄານນັ້ນລ້າສະໄໝໄປເລີຍ. ດັ່ງນັ້ນ, ພວກເຂົາເລີຍຕ້ອງເຮັດທຸກທາງເພື່ອຢຸດມັນໃຫ້ໄດ້”

ແລະ ໃນຂະນະທີ່ ທ່ານ Celente ກ່າວວ່າເຂົາບໍ່ໄດ້ລົງທຶນໃນ cryptocurrency ເລີຍນັ້ນ ເຂົາຊາໍ້ພັດກ່າວວ່າຕົນເອງໄປລົງທຶນກັບສິ່ງທີ່ຈັບຕ້ອງໄດ້ດີກວ່າຢ່າງຄຳແທ່ງ ເພາະເຊື່ອວ່າຕະຫຼາດນັ້ນຈະຍັງຄົງຢູ່ຕໍ່ໄປເລື້ອຍໆ ບໍ່ຕາຍໄປຈາກໂລກໃນໄລຍະເວລາໃກ້ໆນີ້ຢ່າງແນ່ນອນ. ນອກນັ້ນ, ເຂົາຍັງກ່າວວ່າສາເຫດທີ່ cryptocurrency ດຶງດູດນັກລົງທຶນໃຫ້ເຂົ້າມາລົງທຶນເປັນຈຳນວນຫຼາຍນັ້ນກໍ່ຍ້ອນໂຄງສ້າງຂອງຕະຫຼາດນັ້ນບໍ່ຕ່າງຈາກຕະຫຼາດເກັງກຳໄລອື່ນໆທົ່ວໄປ ເພາະມັນມີປັດໃຈເລື່ອງການເມືອງເຂົ້າມາກ່ຽວຂ້ອງກັບລາຄາ.

Be the first to comment

Leave a Reply

Your email address will not be published.


*