ນັກວິໄຈ ສາມາດສ້າງ “AI” ມັລແວຣ໌ ຫຼົບຫຼີກການກວດສອບຂອງ ແອນຕີ້ໄວຣັສ ໄດ້ສຳເລັດ

ໃນກອງປະຊຸມ Hacker ລະດັບໂລກ ຫຼື DEF CON ຄັ້ງທີ 25 ທີ່ລາສເວກັສ ສະຫະລັດອາເມລິກາ ເມື່ອວັນທີ 28-30 ກໍລະກົດ 2017 ທີ່ຜ່ານມາ ທ່ານ Hyrum Anderson ຫົວໜ້າຝ່າຍເທັກນິກວິທະຍາສາດຂອງບໍລິສັດດ້ານຄວາມປອດໄພ Endgame ໄດ້ສາທິດງານວິໄຈຈາກການດັດແປງລະບົບ OpenAI ເພື່ອໃຊ້ໃນການສ້າງ Malware ທີ່ແອນຕີ້ໄວຣັສ ບໍ່ສາມາດກວດພົບໄດ້.

ລະບົບ AI (Artificial Intelligence) ຫຼື ປັນຍາປະດິດ ນັ້ນກຳລັງມີບົດບາດໃນຍຸກປະຈຸບັນທີ່ທຸກຢ່າງກຳລັງກ້າວໄປເປັນ “Digital” ເນື່ອງຈາກສາມາດເຮັດວຽກບາງຢ່າງທີ່ມະນຸດບໍ່ສາມາດເຮັດໄດ້ ແລະ ບາງຢ່າງແທນມະນຸດໄດ້ ເຊິ່ງນັ້ນຖືໄດ້ວ່າເປັນການປະຕິວັດວົງການອຸດສະຫະກຳເກືອບທຸກຂະແໜງການ ເພາະມັນຊ່ວຍປະຢັດທັງຕົ້ນທຶນການຜະລິດ, ຕົ້ນທຶນບໍລິຫານ ແລະ ຄ່າໃຊ້ຈ່າຍທີ່ບໍ່ຈຳເປັນແທນການຈ້າງຄົນໄດ້ຢ່າງມະຫາສານ.

Hyrum Anderson ຜູ້ເຜີຍຜົນງານຂອຕົນເອງ ໄດ້ອະທິບາຍວ່າ “Machine Learning” ຫຼື ການຮຽນຮູ້ຂອງເຄື່ອງຈັກ (ຫຸ່ນຍົນ) ລ້ວນແລ້ວແຕ່ມີຈຸດບອດ ບໍ່ເວັ້ນແມ່ນກະທັ້ງຊອຟແວຣ໌ທີ່ໃຊ້ໃນແອນຕີ້ໄວຣັສ ເຊິ່ງຖ້າຫາກ ແຮັກເກີ້ (Hacker) ມີຄວາມເຂົ້າໃຈດີພໍ ກໍ່ສາມາດເຈາະເຂົ້າລະບົບໄດ້ບໍ່ຍາກ ພຽງແຕ່ປ່ຽນແປງຂໍ້ມູນໜ້ອຍດຽວກໍ່ເຮັດໃຫ້ເກີດຄວາມຜິດພາດໃນການຕີຄວາມໝາຍໄດ້.

Machine Learning ແມ່ນຫຍັງ?

Machine Learning ແມ່ນຮູບແບບການພັດທະນາໃຫ້ຄັອມພິວເຕີສາມາດຮຽນຮູ້ໄດ້ໂດຍບໍ່ຕ້ອງຂຽນໂປຣແກຣມລົງໄປໂດຍກົງ ເຊິ່ງເປັນສ່ວນໜຶ່ງຂອງ AI.

ດ້ວຍແນວຄິດທີ່ໄດ້ກ່າວມາຂ້າງເທິງນັ້ນ ທີມວິໄຈຂອງ Hyrum Anderson ຈິ່ງໄດ້ປ່ຽນ Code ຂອງມັລແວຣ໌ (Malware) ພຽງໜ້ອຍດຽວ (ພຽງບໍ່ເທົ່າໃດ Byte) ໂດຍໃຫ້ AI ຄ່ອຍໆປ່ຽນ Code ຂອງມັລແວຣ໌ ໄປເທື່ອລະໜ້ອຍເພື່ອຫາຮອຍຮົ່ວຂອງລະບົບສະແກນໃນແອັນຕີ້ໄວຣັສ (Antivirus) ໄປເລື້ອຍໆ ແລະ ເບິ່ງຜົນການຕອບສະໜອງເພື່ອຫາຈຸດທີ່ສາມາດຫຼີກລ້ຽງການກວດຈັບຢ່າງໄດ້ຜົນທີ່ສຸດ.

AI ດັ່ງກ່າວໄດ້ຮັບການສອນຊ້ຳແລ້ວຊ້ຳອີກເປັນເວລາເຖິງ 15 ຊົ່ວໂມງ ຜ່ານຕົວຢ່າງ Code 1 ແສນລາຍການ ຈິ່ງໄດ້ Code ທີ່ສາມາດຜ່ານລະບົບປ້ອງກັນຂອງໂປຣແກຣມແອນຕີ້ໄວຣັສໄດ້ເຖິງ 16%.

Be the first to comment

Leave a Reply

Your email address will not be published.


*