ນັກເທຣດເງິນດິຈິຕອລ ຫັນໄປຊື້-ຂາຍ ກັນເທິງແອັພ Telegram ຫຼັງ ລບ ຈີນ ສັ່ງປິດເວັບເທຣດ

ເມື່ອເວັບເທຣດ Bitcoin ໃນຈີນຖືກສັ່ງໃຫ້ປິດບໍລິການກັນຖ້ວນໜ້າ ກໍ່ເຮັດໃຫ້ຜູ້ໃຊ້ງານ Bitcoin ໃນຈີນບໍ່ເຫັນດີກັບລັດທະບານເລີຍຕ້ອງຊອກຫາວິທີການອື່ນໃນການເທຣດຜ່ານທາງທາງ WeChat ແຕ່ກໍ່ຍັງບໍ່ອາດຫຼົບຫຼີກສາຍຕາຂອງລັດທະບານໄດ້ຄືືເກົ່າ ຈິ່ງເຮັດໃຫ້ພວກເຂົາຍ້າຍມາເພິ່ງແອັພ Telegram.

“ກ່ອນໜ້ານີ້ ແອັພສົນທະນາທີ່ທາງນັກເທຣດໃຊ້ເພື່ອຊື້-ຂາຍແບບ OTC ນັ້ນຄື WeChat ແຕ່ໃນຂະນະນີ້ທາງ Broker ກຳລັງຍ້າຍໄປໃຊ້ Platform ທີ່ບໍ່ໄດ້ມີບໍລິສັດໃນຈີນເປັນເຈົ້າຂອງເພື່ອໃຫ້ຕົນເອງຍັງເທຣດໄດ້ຢູ່”

ມີນັກເທຣດຈຳນວນຫຼາຍທີ່ພາກັນຍ້າຍໄປຊື້-ຂາຍບິທຄອຍນ໌ ເທິງ Telegram ເພາະແອັພດັ່ງກ່າວມີຄວາມປອດໄພໃນການເຂົ້າລະຫັດບົດສົນທະນາ (Encrypt) ເຮັດໃຫ້ການຖອດລະຫັດຈາກທາງລັດທະບານນັ້ນເປັນໄປໄດ້ຍາກ.

ບັນຫາຄື Telegram ຖືກ Block ໃນຈີນ

ດັ່ງທີ່່ເຮົາຮູ້ກັນແລ້ວວ່າ ລັດທະບານຈີນສັ່ງບຼ໋ອກແອັບສົນທະນາ ແມ່ນກະທັ້ງ Social Network ຈາກທາງນອກ (ໂດຍສະເພາະຈາກຝັ່ງສະຫະລັດອາເມລິກາ ດ້ວຍເຫດຜົນທາງດ້ານຄວາມປອດໄພຂອງຂໍ້ມູນ) ເປັນເວລາດົນນານມາແລ້ວ ເນື່ອງຈາກລັດທະບານຈີນບໍ່ສາມາດກວດສອບບົດສົນທະນາຂອງປະຊາຊົນໄດ້ ເຊິ່ງຕ່າງຈາກ WeChat ທີ່ມີການຕິດຕາມ ແລະ ເຝົ້າລະວັງຈາກທາງເຈົ້າໜ້າທີ່ລັດຕະຫຼອດ 24 ຊົ່ວໂມງ. ແຕ່ວ່າບັນຫານີ້ກໍ່ຖືກແກ້ໄຂໄດ້ດ້ວຍ VPN (Virtual private network) ທີ່ເຮັດໃຫ້ການເຊື່ອມຕໍ່ອິນເຕີເນັດນັ້ນມີຄວາມເປັນສ່ວນຕົວ, ບໍ່ສາມາດກວດສອບໄດ້ ແລະ ທີ່ສຳຄັນຍັງສາມາດໃຊ້ເປີດແອັພ ຫຼື ເວັບໄຊທ໌ທີ່ຖືກບຼ໋ອກຈາກລັດທະບານໄດ້ ເຊັ່ນ: Google, Facebook ລວມເຖິງ Telegram ນຳ.

ປະເດັນທີ່ໜ້າສົນໃຈຄື ກ່ອນໜ້ານີ້ມີລາຍງານວ່າທາງລັດທະບານຈີນຈະທຳການແບນການໃຊ້ງານ VPN ໃນເດືອນ ກຸມພາ ປີ 2018 ທີ່ຈະມາເຖິງນີ້ ແລະ ທັນທີທີ່ຂ່າວນີ້ີແຜ່ອອກໄປພຽງວັນດຽວ ລັດທະບານກໍ່ອອກມາແກ້ຕົວວ່າທາງການບໍ່ມີແຜນທີ່ຈະແບນ VPN ແຕ່ປະການໃດ. ກົງກັນຂ້າມ ຫວ່າງບໍ່ດົນມານີ້ສຳນັກຂ່າວ CTV News ຂອງປະເທດການາດາ ໄດ້ລາຍງານຂ່າວວ່າທາງການຈີນໄດ້ຈັບກຸມຊາຍຄົນໜຶ່ງທີ່ເປີດທຸລະກິດຂາຍ VPN ພ້ອມທັງສັ່ງປິດທຸລະກິດດັ່ງກ່າວ ແລະ ຍຶດລາຍໄດ້ທີ່່ເຂົາໄດ້ມາອີກລວມມູນຄ່າເຖິງ 1,080 ຫຍວນ.

Be the first to comment

Leave a Reply

Your email address will not be published.


*