ບໍລິສັດດ້ານ FinTech ເປີດຂາຍ ICO ສຳລັບເຄືອຂ່າຍກູ້ຢືມເງິນທົ່ວໂລກ

ບໍລິສັດ Start Up ສັນຊາດອາເມລິກາລາຕິນ ຊື່ວ່າ: “Ripio” (ທີ່ກ່ອນໜ້ານີ້ໃຊ້ຊື່ BitPagos) ໄດ້ເປີດລະດົມທຶນຜ່ານ ICO ສຳລັບເຄືອຂ່າຍໃຫ້ກູ້ຢືມເງິນທົ່ວໂລກ ເມື່ອອາທິດທີ່ຜ່ານມາ.

ກ່ອນໜ້ານີ້ ບໍລິສັດດັ່ງກ່າວໄດ້ເປີດໃຫ້ບໍລິການດ້ານການເງິນ ແລະ ຫຼຽນ cryptocurrency ຕັ້ງແຕ່ປີ 2013, ເປີດບໍລິການເຄຣດິດດ້ານ blockchain ເມື່ອທ້າຍປີທີ່ຜ່ານມາ ແລະ ໄດ້ເຂົ້າຮອບສຸດທ້າຍໃນງານ TechCrunch Distrupt ໄປຫວ່າງບໍ່ດົນມານີ້ ໂດຍ Ripio ນັ້ນໄດ້ດຶງດູດນັກລົງທຶນ venture capital ຕ່າງໆຢ່າງຫຼວງຫຼາຍ ບໍ່ວ່າຈະເປັນ Tim Draper, Pantera Capital ແລະ Medici Ventures ຂອງ Overstock.

ຂະນະນີ້ີ້ ບໍລິສັດດັ່ງກ່າວມີແຜນການທີ່ຈະຍົກລະດັບຄວາມໜ້າເຊື່ອຖືໃຫ້ກັບຕະຫຼາດການຢືມເງິນທົ່ວໂລກຜ່ານການເປີດຕົວ Ripio Credit Network (RCN) ໂດຍຈຸດມຸ່ງໝາຍຂອງ RCN ນັ້ນກໍ່ເພື່ອເຮັດໃຫ້ຂັ້ນຕອນການຢືມເງິນດ້ວຍເຄຣດິດມີຄວາມເປັນກາງຫຼາຍຂຶ້ນ ເຊິ່ງຈະຕັດບັນຫາເລື່ອງກົດໝາຍລະຫວ່າງປະເທດ ແລະ ອຸປະສັກທາງການເມືອງອອກໄປ ຖືເປັນຂັ້ນຕອນທີ່ລະບົບການເງິນ ແລະ ການທະນາຄານປັດຈຸບັນກຳລັງໃຊ້ຢູ່.

“ດ້ວຍປະສົບການທາງດ້ານການເງິນທີ່ມີມາຍາວນານ Ripio Credit Network ເລັງເປົ້າທີ່ຈະສ້າງເຄືອຂ່າຍລະດັບໂລກທີ່ມີຄວາມເປັນ decentralized ແລະ ໜ້າເຊື່ອຖື ທີ່ສາມາດເຮັດໃຫ້ແນວຄິດ ແລະ ໂຄງການຕ່າງໆທົ່ວໂລກສາມາດເປັນຈິງໄດ້” ກ່າວໂດຍທ່ານ Sebastian Serrano, CEO ທັງເປັນຜູ້ກໍ່ຕັ້ງ Ripio International.

RCN ນັ້ນຈະຈັບເອົາ smart contract ຂອງ Ethereum ມາໃຊ້ສ້າງ Platform ແບບ decentralized ທີ່ຜູ້ປ່ອຍກູ້ ແລະ ຜູ້ກູ້ຢືມສາມາດເຊື່ອມໂຍງກັນໃນຮູບແບບ “trustless” ຫຼື ບໍ່ຈຳເປັນຕ້ອງມີຄວາມໄວ້ວາງໃຈກັນ ເນື່ອງຈາກວ່າທຸລະກຳນັ້ນຈະບໍ່ໄດ້ເຮັດຜ່ານລະບົບທະນາຄານ ເຊິ່ງ Ripio ຫວັງວ່າຄ່າທຳນຽມໃນການບໍລິຫານນັ້ນຈະຫຼຸດລົງຫຼາຍ ແລະ ຈະສົ່ງຜົນເຮັດໃຫ້ຜູ້ກູ້ຢືມສາມາດທີ່ຈະຢືມເງິນໃນອັດຕາດອກເບ້ຍທີ່ຕາໍ່ກວ່າທະນາຄານໃນປັດຈຸບັນ.

ສິ່ງທີ່ເຮັດໃຫ້ RCN ແຕກຕ່າງຈາກລະບົບການຢືມເງິນແບບ P2P ອື່ນໆກໍ່ຄື ‘co-signing agents’ ເຊິ່ງອ້າງອີງຈາກ Ripio ນັ້ນ ເທັກໂນໂລຢີດັ່ງກ່າວຈະຫຼຸດຄວາມສ່ຽງຂອງຜູ້ປ່ອຍກູ້ ໂດຍການຈັດການໜີ້ສິນຂອງຜູ້ກູ້ຢືມໃນປະເທດຂອງເຂົາເຈົ້າ ແລະ ຈະມີການເກັບໜີ້ໃນກໍລະນີຜິດນັດ.

ຕາມແຜນຂອງ RCN ນັ້ນ ລະບົບເຄືອຂ່າຍດັ່ງກ່າວຈະຖືກເປີດຕົວໃນເດືອນ ເມສາ ປີ 2018 ໂດຍບໍລິສັດດັ່ງກ່າວກຳລັງທະຍອຍປ່ອຍຫຼຽນ RCN ຫຼື ສະກຸນເງິນດິຈິຕອລຫຼັກຂອງ Platform ດັ່ງກ່າວຜ່ານການລະດົມທຶນ ICO ທີ່ຈະເລີ່ມຕົ້ນຂຶ້ນໃນຊ່ວງເດືອນຕຸລານີ້.

Be the first to comment

Leave a Reply

Your email address will not be published.


*