ປະທານບໍລິສັດ McAfee ຢືນຢັນ “ການແບນເວັບເທຣດໃນຈີນ ຈະບໍ່ສົ່ງຜົນຕໍ່ການຂຸດ Bitcoin”

ທ່ານ John McAfee ຜູ້ກໍ່ຕັ້ງບໍລິສັດຜະລິດຊອຟແວຣ໌ຮັກສາຄວາມປອດໄພຊື່ດັງຂອງໂລກ (McAfee) ໄດ້ອອກມາ tweet ຂໍ້ຄວາມຂອງຕົນເອງຜ່ານ tweeter ທີ່ມີພາບການຮ່ວມຮັບປະທານອາຫານກັບ ທ່ານ Jihan Wu ຜູ້ກໍ່ຕັ້ງ Bitmain ແລະ ຜູ້ສະໜັບສະໜູນ Bitcoin Cash ຢ່າງທ່ານ Roger Ver.

ປະທານບໍລິສັດ McAfee ໄດ້ອະທິບາຍເຖິງສະຖານະຂອງ cryptocurrency ໃນປະເທດຈີນ ທີ່ມີຜູ້ໃຊ້ງານ tweeter ລາຍໜຶ່ງໄດ້ຕັ້ງຄຳຖາມທີ່ຖືເປັນເລື່ອງສຳຄັນຫຼາຍສຳລັບຕະຫຼາດ Bitcoin ເຊິ່ງນັ້ນກໍ່ຄືການທີ່ລັດທະບານຈີນຈະແບບການຂຸດ Bitcoin ອີກຫຼືບໍ່ ໂດຍຫຼັງຈາກນັ້ນທ່ານ McAfee ກໍ່ຕອບວ່າ: “ພວກເຂົາຈະບໍ່ແບນການຂຸດບິທຄອຍນ໌” ຂະນະດຽວກັນກໍ່ໄດ້ຕອບຄຳຖາມຂອງຜູ້ໃຊ້ງານອີກຄົນວ່າ ທ່ານ Wu ນັ້ນມີສຳພັນທະພາບກັບລັດທະບານຫຼາຍກວ່າເຂົາ ອີກທັງຍັງມີຄວາມໜ້າເຊື່ອຖືໃນດ້ານການໃຫ້ຂໍ້ມູນກ່ຽວກັບລັດທະບານຈີນລວມທັງກົດໝາຍ cryptocurrency ນຳ.

ສົມມຸດວ່າການອອກມາຢືນຢັນດັ່ງກ່າວນັ້ນເປັນຄວາມຈິງ ມັນກໍ່ຈະຂັດແຍ້ງກັບຂ່າວລື ແລະ ລາຍງານການກວດລ້າງ Bitcoin ຂອງລັດທະບານຈີນບໍ່ໄດ້ຖືກຈຳກັດພຽງແຕ່ໃນເວັບເທຣດເທົ່ານັ້ນ. ປະເດັນຄື ມີເອກະສານສະບັບໜຶ່ງຖືກສົ່ງຕໍ່ກັນໄປໃນວົງກວ້າງວ່າທາງລັດທະບານຈີນນັ້ນກຳລັງວາງແຜນທີ່ຈະບຼ໋ອກການເຂົ້າເຖິງເວັບເທຣດໃນຕ່າງປະເທດຂອງປະ ຊາຊົນຈີນອີກດ້ວຍ ບໍ່ວ່າຈະເປັນເວັບໄຊທ໌ Bitfinex, Bitstamp ຫຼືແມ່ນແຕ່ Bithumb ຕະຫຼອດເຖິງຮູບແບບການຊື້-ຂາຍແບບ P2P ຢ່າງ LocalBitcoins ເຊັ່ນກັນ. ເຖິງແມ່ນວ່າເອກະສານດັ່ງກ່າວທີ່ວ່ານັ້ນຈະຍັງບໍ່ໄດ້ຮັບການຢືນຢັນ ແຕ່ມັນກໍ່ຖືກສົ່ງຕໍ່ໂດຍນັກພັດທະນາ Bitcoin Core ຄົນໜຶ່ງ ລວມເຖິງ CSO ຂອງ Blockstream ທີ່ກໍ່ໄດ້ອອກມາຢືນຢັນວ່າ: “ມັນມີຄວາມເປັນໄປໄດ້ສູງ“.

ປະເດັນຕໍ່ມາຄື ທາງສຳນັກຂ່າວຊື່ດັງ Wall Street Journal ໄດ້ລາຍງານຜົນການປະຊຸມລະຫວ່າງຜູ້ອອກກົດໝາຍໃນຈີນ ແລະ ຜູ້ບໍລິຫານລະດັບສູງຂອງບໍລິສັດໃນວົງການ Bitcoin ໃນຈີນ ເຊິ່ງທາງຜູ້ອອກກົດໝາຍຂອງຈີນໄດ້ກ່າວວ່າ: “ການຊື້-ຂາຍ Bitcoin ແບບ over-the-counter (OTC) ນັ້ນກໍ່ຈະຖືກແບນດ້ວຍເຊັ່ນກັນ”. ນັກຂ່າວຂອງ Wall Street Journal ໄດ້້ເຂົ້າໄປໂອ້ລົມກັບຜູ້ທີ່ຢູ່ໃນວົງການຂຸດ Bitcoin ເຊິ່ງເຂົາກໍ່ໄດ້ສະແດງຄວາມກັງວົນວ່າປະເທດຈີນນັ້ນອາດມີແຜນການທີ່ຈະສັ່ງປິດໃຫ້ບໍລິສັດຂຸດ Bitcoin ແລະ pool (ເໝືອງ) ໃນປະເທດ ເຊິ່ງຖ້າເຫດການນີ້ເກີດຂຶ້ນຈິງກໍ່ຈະເຮັດໃຫ້ແຮງຂຸດ (hash rate) ຫາຍໄປທັນທີ 65% ຂອງເຄືອຂ່າຍທັງໝົດທົ່ວໂລກ.

Be the first to comment

Leave a Reply

Your email address will not be published.


*