ຜູ້ໃຫ້ບໍລິການເວັບເທຣດ Bitcoin ໃນຈີນ ViaBTC ກຽມບິນເປີດກິດຈະການນອກປະເທດ

ໜຶ່ງໃນຜູ້ໃຫ້ບໍລິການເວັບເທຣດເງິນດິຈິຕອລລາຍໃຫຍ່ຂອງຈີນຢ່າງ ViaBTC ອອກມາປະກາດເຖິງການເປີດຕົວເວັບເທຣດນອກດິນແດນຈີນ ເຫດອັນເນື່ອງມາຈາກລັດທະບານຈີນໄດ້ສັ່ງປິດເວັບເທຣດທຸກແຫ່ງບໍ່ເກີນທ້າຍເດືອນຕຸລາ 2017 ນີ້.

ອີງຕາມການແຈ້ງການຂອງ ViaBTC ທີ່ຕ້ອງການຈະເປີດຕົວເວັບເທຣດເງິນດິຈິຕອລນອກປະເທດຈີນ ຫຼັງລັດທະບານສັ່ງໃຫ້ຢຸດບໍລິການພາຍໃນທ້າຍເດືອນໜ້າ. ພວກເຂົາເຊື່ອວ່າ 1 ໃນ 3 ຂອງລູກຄ້າທີ່່ເຂົ້າມາໃຊ້ບໍລິການນັ້ນມາຈາກນອກປະເທດຈີນ ໂດຍທ່ານ Yang Haipo ໄດ້ກ່າວດ້ວຍຄວາມເຊື່ອໝັ້ນວ່າ: “ຜູ້ໃຊ້ງານນອກປະເທດຈີນນັ້ນຍັງຈະຄົງໃຊ້ Platform ຂອງ ViaBTC ຢູ່ຢ່າງແນ່ນອນ”.

ເມື່ອອາທິດທີ່ຜ່ານມາ ທາງ ViaBTC ໄດ້ອອກມາປະກາດປິດໃຫ້ບໍລິການໃນຈີນຢ່າງເປັນທາງການໃນວັນທີ 30 ກັນຍາ 2017 ນີ້ ໂດຍເວັບດັ່ງກ່າວໄດ້ເປີດບໍລິການມາຕັ້ງແຕ່ປີ 2016 ເຊິ່ງກ່ອນໜ້ານີ້ພວກເຂົາໄດ້ເປີດທຸລະກິດເໝືອງຂຸດບິທຄອຍນ໌ ແລະ ໃຫ້ບໍລິການດ້ານ cloud mining ກ່ອນທີ່ຈະເປີດຕົວເວັບຊື້-ຂາຍ-ແລກປ່ຽນເງິນດິຈິຕອລເປັນຂອງຕົນເອງໃນຊ່ວງເດືອນພຶດສະພາຂອງປີຜ່ານມາ ດ້ວຍເງິນລະດົມທຶນປະມານ 2.9 ລ້ານໂດລາ ຈາກ Bitmain Technologies ເຊິ່ງເປົ້າໝາຍຂອງພວກເຂົາຄືກຸ່ມລູກຄ້າໃນຈີນ ແລະ ໃນອະນາຄົດຄືການຂະຫຍາຍອອກໄປນອກປະເທດ.

ເຖິງແມ່ນວ່າ ViaBTC ຈະປິດບໍລິການເວັບເທຣດໃນຈີນ ແຕ່ຈະຍັງຄົງເປີດໃຫ້ບໍລິການເໝືອງຂຸດ Bitcoin ຕາມປົກກະຕິ ເຊິ່ງກ່ອນໜ້ານີ້ ທ່ານ Yang Haipo ໄດ້ອອກມາໃຫ້ສຳພາດກັບສື່ໃນປະເທດຈີນວ່າ ບໍລິສັດຂອງເຂົານັ້ນຍັງບໍ່ທັນໄດ້ຮັບການແຈ້ງເຕືອນໃຫ້ປິດບໍລິການແຕ່ຢ່າງໃດ ໝາຍຄວາມວ່າພວກເຂົາຍັງສາມາດທຳການຂຸດ Bitcoin ແລະ ຫຼຽນດິຈິຕອລອື່ນໆໄດ້ຕາມປົກກະຕິ.

ທ່ານ Yang Haipo ເຊື່ອວ່າ Bitcoin ແລະ ເງິນດິຈິຕອລສະກຸນອື່ນນັ້ນຈະຍັງຄົງຖືກລັບລອບຊື້-ຂາຍກັນໃນຈີນຕໍ່ໄປ ເຖິງຈະມີຄຳສັ່ງແບນຈາກທາງລັດທະບານກໍ່ຕາມ ເນື່ອງຈາກເທັກໂນໂລຢີໜຸນຫຼັງຂອງຫຼຽນເຫຼົ່ານີ້ບໍ່ແມ່ນຈະສາມາດຖືກແບນໄດ້ງ່າຍໆ.

Be the first to comment

Leave a Reply

Your email address will not be published.


*