ມາເລເຊຍກຳລັງກຽມຮ່າງກົດໝາຍກ່ຽວກັບ cryptocurrency ໃນທ້າຍປີນີ້

ທະນາຄານກາງຂອງມາເລເຊຍກຳລັງກຽມຮ່າງກົດໝາຍກ່ຽວກັບ cryptocurrency ໃນທ້າຍປີນີ້

ທ່ານ Muhammad bin Ibrahim ຜູ້ວ່າການທະນາຄານ Bank Negara Malaysia (BNM) ໄດ້ໃຫ້ສຳພາດກັບນັກຂ່າວໃນກອງປະຊຸມເມື່ອບໍ່ດົນມານີ້ ວ່າລັດທະບານມີຄວາມຕ້ອງການທີ່ຈະຮ່າງກົດໝາຍສຳລັບການຊື້-ຂາຍ-ແລກປ່ຽນ cryptocurrency ໃນປະເທດ ເຊິ່ງຈະຕ້ອງມີການປັບປ່ຽນກົດໝາຍປ້ອງກັນ ແລະ ປາບປາມການຟອກເງິນ ລວມເຖິງຜູ້ກໍ່ການຮ້າຍດ້ານການຟອກເງິນທີ່ມີຢູ່. (ອ້າງອີງຈາກ Free Malaysia Today)

ທ່ານ Bin Ibrahim ກ່າວວ່າ:

“ຂ້າພະເຈົ້າຫວັງວ່າພາຍໃນທ້າຍປີນີ້ ທາງເຮົາຈະສາມາດຮ່າງກົດໝາຍ ແລະ ແນວທາງກ່ຽວກັບ cryptocurrency ໄດ້ ໂດຍສະເພາະໃນດ້ານການປ້ອງກັນການຟອກເງິນ ແລະ ການກໍ່ການຮ້າຍ ເຮົາຕ້ອງການທີ່ຈະເຮັດໃຫ້ແນ່ໃຈວ່າແນວທາງເຫຼົ່ານີ້ມີຄວາມຊັດເຈນຕໍ່ຜູ້ທີ່ຕ້ອງການຈະເຂົ້າມາລົງທຶນໃນວົງການດັ່ງກ່າວ”.

ແຕ່ໃນຂະນະດຽວກັນ ພວກເຂົາກໍ່ບໍ່ໄດ້ເປີດເຜີຍໃຫ້ເຫັນແນວທາງຂອງຮ່າງກົດໝາຍໃນອະນາຄົດນັ້ນຈະເປັນແບບໃດ ຫຼື ວ່າຈະມີຮ່າງກົດໝາຍຕົວອື່ນໆມາສອດແຊກນຳ. ຢ່າງໃດກໍ່ຕາມ ການອອກມາເຄື່ອນໄຫວດັ່ງກ່າວກໍ່ຖືເປັນການປ່ຽນທ່າທີຂອງທະນາຄານກາງມາເລເຊຍທີ່ກ່ອນໜ້ານີ້ເມື່ອປີ 2014 ພວກເຂົາເຄີຍອອກມາປະກາດວ່າຈະບໍ່ເຮັດໃຫ້ Bitcoin ຖືກກົດໝາຍ ໂດຍໃນເວລານັ້ນທາງ BNM ບອກວ່າພວກເຂົາຈະບໍ່ພິຈາລະນາ Bitcoin ໃຫ້ເປັນສະກຸນເງິນທີ່ສາມາດຊຳລະໜີ້ໄດ້ຕາມກົດໝາຍ.

Be the first to comment

Leave a Reply

Your email address will not be published.


*