ມູນຄ່າຕະຫຼວດລວມຂອງ Bitcoin ເກືອບຈະທຽບເທົ່າກັບ PayPal ໃນອີກບໍ່ດົນ

ມູນຄ່າຕະຫຼວດລວມຂອງ Bitcoin ນັ້ນເກືອບຈະທຽບເທົ່າກັບບໍລິສັດການເງິນຍັກໃຫຍ່ຊື່ດັງກ້ອງໂລກຢ່າງ PayPal ແລ້ວ ເຊິ່ງຖືເປັນຄັ້ງທຳອິດຂອງບິທຄອຍນ໌ທີ່ມີມູນຄ່າຕະຫຼາດລວມເກືອບເທົ່າ PayPal.

ຫົວໜ້າຝ່າຍວິໄຈຂອງ Colu ທ່ານ Udi Wertheimer ໄດ້ກ່າວວ່າ: “ນີ້ແມ່ນການ flippening ຂອງແທ້” ເຊິ່ງໃນຂະນະທີ່ແອດມີນກຳລັງນັ່ງຂຽນບົດຄວາມຢູ່ນີ້ ມູນຄ່າຕະຫຼາດລວມຂອງບິທຄອຍນ໌ຢູ່ທີ່ 69.1 ພັນລ້ານໂດລາ ທຽບກັບຂອງ PayPal ນັ້ນຢູ່ທີ 70 ພັນລ້ານໂດລາສະຫະລັດ. ນັກວິເຄາະຕ່າງກໍ່ໃຫ້ຄວາມເຫັນວ່າມູນຄ່າຕະຫຼາດລວມຂອງບິທຄອຍນ໌ນັ້ນອາດຈະໄປໄດ້ໄກກວ່ານີ້ອີກ.

ສອງວັນກ່ອນໜ້ານີ້ (ວັນອາທິດ  13 ສິງຫາ 2017) ລາຄາຂອງບິທຄອຍນ໌ກໍ່ໄດ້ທະຍານຂຶ້ນໄປແຕະ 4,200+ ໂດລາສະຫະລັດ ແລະ ກໍ່ໄດ້ເຮັດໃຫ້ນັກລົງທຶນຈາກຫຼາຍພາກສ່ວນທີ່ເຄີຍປະຕິເສດບິທຄອຍນ໌ຕ້ອງຫັນກັບມາຄິດຄືນອີກຄັ້ງ.

ສຳນັກຂ່າວຊື່ດັ່ງຢ່າງ Bloomberg ໄດ້ລາຍງານຂ່າວກ່ຽວກັບສາເຫດການພຸ່ງຂຶ້ນຂອງລາຄາ ບິທຄອຍນ໌ ນັ້ນບໍ່ໄດ້ມີພຽງແຕ່ຕົວແປທາງເທັກໂນໂລຢີເທົ່ານັ້ນ ແຕ່ມັນຍັງມີປັດໃຈທາງທຸລະກິດເຂົ້າມາກ່ຽວຂ້ອງນຳອີກ.

 

Be the first to comment

Leave a Reply

Your email address will not be published.


*