ຫວຽດນາມ ກຳລັງວາງແຜນທີ່ຈະເຮັດໃຫ້ Bitcoin ຖືກກົດໝາຍ

ສຳນັກຂ່າວທ້ອງຖິ່ນ Vietnamnet ຂອງຫວຽດນາມ ລາຍງານວ່າ: ນາຍົກລັດຖະມົນຕີຂອງຫວຽດນາມ ທ່ານ Nguyễn Xuân Phúc (ຫງວຽນ ຊວນ ຟຸກ) ໄດ້ອະນຸມັດຮ່າງກົດໝາຍກ່ຽວກັບການຈັດການ cryptocurrency ໂດຍສະເພາະແມ່ນ Bitcoin ໄປແລ້ວເມື່ອຕົ້ນອາທິດທີ່ຜ່ານມາ.

ໝາຍຄວາມວ່າ ເງິນດິຈິຕອລສະກຸນດັ່ງກ່າວຈະຖືກກົດໝາຍໃນຫວຽດນາມຫຼັງຈາກນນັ້ ໂດຍທາງນາຍົກລັດຖະມົນຕີໄດ້ຮຽກຮ້ອງໃຫ້ກະຊວງຍຸດຕິທຳປະສານງານກັບບັນດາກະຊວງທີ່ກ່ຽວຂ້ອງລວມເຖິງສະຖາບັນຕ່າງໆ ແລະ ທະນາຄານກາງຂອງຫວຽດນາມ, ກະຊວງ ICT, ກະຊວງສາທາລະນະສຸກ, ກະຊວງອຸດສະຫະກຳ-ການຄ້າ ແລະ ກະຊວງການເງິນ ເພື່ອຊ່ວຍກັນກວດສອບ-ກັ່ນກອງກົດໝາຍ ເພື່ອໃຫ້ມີການປະເມີນການຢ່າງຄອບຄຸມພ້ອມທັງສະເໜີທາງອອກທີ່ເໝາະສົມ ຈົນເຖິງການແກ້ໄຂບັນຫາໃນຂອບເຂດຂອງລັດທະບານ.

ການຕັດສິນໃຈຂອງນາຍົກລັດຖະມົນຕີຫວຽດນາມນັ້ນໄດ້ມີການລະບຸວ່າ ການປະເມີນຜົນຈະຕ້ອງເຮັດໃຫ້ສຳເລັດກ່ອນເດືອນສິງຫາ ປີ 2018 ທີ່ຈະເຖິງນີ້ ລວມທັງເອກະສານທາງດ້ານກົດໝາຍກ່ຽວກັບສະກຸນເງິນອື່ນໆກໍ່ຈະຕ້ອງຖືກຮ່າງໃຫ້ແລ້ວກ່ອນທ້າຍປີນີ້.

ຄວາມໜ້າສົນໃຈຢູ່ທີ່ ທາງລາຍງານໄດ້ມີການອ້າງອີງເຖິງກະຊວງຕ່າງໆທີ່ກ່ຽວຂ້ອງນັ້ນຈະຕ້ອງຮ່າງເອກະສານກົດໝາຍວ່າດ້ວຍການເກັບພາສີສະກຸນເງິນດິຈິຕອລ (cryptocurrency) ໃຫ້ສຳເລັດກ່ອນເດືອນມິຖຸນາ ປິ 2019 ແລະ ພາຍໃນຊ່ວງເດືອນກັນຍາຂອງປີດຽວກັນ ຂໍ້ສະເໜີກ່ຽວກັບການບັງຄັບໃຊ້ກົດໝາຍ, ການປາບປາມ ແລະ ບົດລົງໂທດຈະຕ້ອງຮ່າງໃຫ້ສຳເລັດເຊັ່ນດຽວກັນ.

ກ່ອນໜ້ານີ້ທາງລັດທະບານຫວຽດນາມເຄີຍຕົກເປັນເຫຍື່ອຂອງການປອມເອກະສານ ແລະ ການແອບອ້າງຂອງທຸລະກິດທີ່ເຂົ້າຂ່າຍຫຼອກລວງ ເຊັ່ນ: Onecoin ເຊິ່ງບາງທີການຜັກດັນກົດໝາຍດັ່ງກ່າວຂ້າງເທິງທີ່ມີການກ່າວເຖິງ “ການປົກປ້ອງສິດ ແລະ ຜົນປະໂຫຍດ” ຂອງປະເທດຫວຽດນາມອາດຈະໝາຍເຖິງການບັງຄັບໃຊ້ກົດໝາຍເພື່ອປາບປາມການແອບອ້າງດັ່ງກ່າວກໍ່ເປັນໄດ້.

ຢ່າງໃດກໍ່ດີ ນີ້ກໍ່ເປັນພຽງໜຶ່ງສົມມຸດຖານເທົ່ານັ້ນ ແຕ່ສິ່ງທີ່ສຳຄັນຄືຖ້າຫາກລັດທະບານຫຽວດນາມເຮັດໄດ້ສຳເລັດ ກໍ່ເທົ່າກັບວ່າຫວຽດນາມຈະກາຍເປັນປະເທດທຳອິດໃນກຸ່ມອາຊຽນທີ່ອອກມາປະກາດໃຫ້ Bitcoin ເປັນສະກຸນເງິນທີ່ຖືກກົດໝາຍ ແລະ ອີກບໍ່ດົນຂ້າງໜ້າກໍ່ອາດຈະມີທຸລະກິດກ່ຽວກັບ Blockchain ແລະ Cryptocurrency ເພີ່ມຫຼາຍຂຶ້ນ. ປັດຈຸບັນຫວຽດນາມມີເວັບຊື້-ຂາຍ Bitcoin ຫຼັກໆ 2 ແຫ່ງໄດ້ແກ່: Bitcoin.vn ທີ່ມີສະມາຊິກໃຊ້ງານປະມານ 41,638 ຄົນ ເຊິ່ງມີການຊື້ຂາຍ Bitcoin ກັນໄປແລ້ວກວ່າ 5,096 BTC ແລະ ອີກເວັບໄຊທ໌ໜຶ່ງກໍ່ຄື: VBTC.Exchange ທີ່ເປັນເວັບໄຊທ໌ເກີດໃໝ່ ມີປະລິມານການຊື້-ຂາຍໂດຍລວມຫຼ່າສຸດຢູ່ທີ່ 4 BTC ກວ່າເທົ່ານັ້ນ.

Be the first to comment

Leave a Reply

Your email address will not be published.


*