ອະດີດຜູ້ບໍລິຫານຂອງ Google ຍອມຮັບວ່າ ກ້ອງມືຖື iPhone 7 Plus “ດີທີ່ສຸດ”

ອະດີດຜູ້ບໍລິຫານຝ່າຍວິສະວະກຳຂອງບໍລິສັດໄອທີຍັກໃຫຍ່ Google ໄດ້ໂພສຂໍ້ຄວາມຂຶ້ນ Facebook ສ່ວນຕົວວ່າ iPhone 7 Plus ຖືເປັນສະມາທ໌ໂຟນທີ່ມີຄຸນນະພາບດີ ແລະ ມັນດີພຽງພໍທີ່ຈະສາມາດໃຊ້ແທນກ້ອງ DSLR ໄດ້ເລີຍ.

ທ່ານ Vic Gundotra ອະດີດຜູ້ບໍລິຫານຝ່າຍວິສະວະກຳຂອງ Google ໄດ້ໃຫ້ທັດສະນະຕໍ່ກ້ອງມືຖື iPhone 7 Plus ວ່າ: “ມັນດີກວ່າກ້ອງຂອງ Galaxy S8 ອີກ” ບໍ່ຮູ້ວ່າງານນີ້ ເຈົ້າຂອງແບຣນຢ່າງ Samsung ຈະຮູ້ສຶກແນວໃດ. ນອກຈາກນັ້ນ, Vic Gundotra ຍັງກ່າວເສີມວ່າ: “ລະບົບປະຕິບັດການຂອງ Android ເປັນລະບົບເປີດ ເຖິງແມ່ນວ່າຈະມີຂໍ້ດີຫຼາຍ ແຕ່ມັນກໍ່ມາພ້ອມກບຈຸດອ່ອນ, ເຄີຍສັງເກດບໍ່ວ່າ ເປັນຫຍັງມືຖືຂອງ ຊໍາຊຸງ ຫຼື ແມ່ນກະທັ້ງແບຣນອື່ນໆຈິ່ງຕ້ອງມີຫຼາຍໆຕົວເລືອກໃຫ້ມາໃນຊອຟແວຮ໌ປະຕິບັດການຂອງເຂົາ ເຊັ່ນ: ການໃຫ້ເລືອກລະຫວ່າງກ້ອງມືຖືຂອງຊໍາຊຸງເອງ (Samsung Camera) ຫຼື ກ້ອງຂອງລະບົບປະຕິບັດການແອນດຣອຍ (Android Camera) ລວມໄປເຖິງໃຫ້ຜູ້ໃຊ້ເລືອກລະຫວ່າງຈະເປີດຮູບພາບດ້ວຍ Samsung gallery ຫຼື Google Photos ເປັນຕົ້ນ. ທີ່ເປັນແບບນີ້ກໍ່ຍ້ອນວ່າ ເມື່ອຊໍາຊຸງພັດທະນາ Hardware ທີ່ດີຂຶ້ນມາກໍ່ຍ່ອມຢາກໃຊ້ຂອງຕົນເອງຢູ່ແລ້ວ. ດ້ວຍເຫດນີ້, ບໍລິສັດຈິ່ງຕ້ອງຫາວິທີເພື່ອໂນ້ມນ້າວໃຫ້ Google ອະນຸຍາດໃຫ້ Hardware ນັ້ນໆປະກົດໃນລະບົບປະຕິບັດການ Android ໃຫ້ໄດ້ ເຊິ່ງລວມເຖິງ API ທີ່ເໝາະສົມນໍາອີກ ຈິ່ງເຮັດໃຫ້ມັນໃຊ້ເວລາເປັນປີ”.

 

 ເຫັນໄດ້ວ່າ ບັນຫາຫຼັກໆຂອງລະບົບເປີດ ກັບ ຜູ້ຜະລິດຫຼາຍລາຍໃນຕະຫຼາດຄືຄວາມເຂົ້າກັນໄດ້ລະຫວ່າງ Hardware ກັບ Software ເຊິ່ງນັ້ນ Vic Gundotra ເຂົ້າໃຈໃນຈຸດນີ້ດີເນື່ອງຈາກເຄີຍເປັນຜູ້ບໍລິຫານມາກ່ອນ. ຂະນະດຽວກັນກໍ່ຍັງກ່າວວ່າ: “Apple ບໍ່ມີບັນຫາໃນເລື່ອງນີ້ ເພາະບໍລິສັດເປັນຜູ້ຄວບຄຸມທຸກຢ່າງເອງບໍ່ວ່າຈະເປັນ Hardware ຫຼື Software ເຮັດໃຫ້ມັນເຮັດວຽກຮ່ວມກັນໄດ້ດີກວ່າ ພຽງແຕ່ Software ກໍ່ໄດ້ຄຸນສົມບັດໃໝ່ແລ້ວ ເຊັ່ນ Portrait Mode”.
ສຸດທ້າຍ Vic Gundotra ຍັງກ່າວອີກວ່າ: “ຖ້າທ່ານສົນໃຈໃນເລລລື່ອງຂອງການຖ່າຍຮູບຫຼາຍເປັນພິເສດ ຄວນເລືອກ iPhone ແຕ່ຖ້າບໍ່ສົນໃຈໃນເລື່ອງຂອງຄວາມທັນສະໄໝ ເລືອກ Android ກໍ່ໄດ້”.

 

Be the first to comment

Leave a Reply

Your email address will not be published.


*