ອູແກຣນ ຈະເຮັດໃຫ້ເງິນດິຈິຕອລ ຫຼື “Cryptocurrency” ຖືກກົດໝາຍໃນໄວໆນີ້

ທະນາຄານກາງແຫ່ງປະເທດອູແກຣນໄດ້ເປີດເຜີຍວ່າພວກເຂົາ “ອາດຈະ”ເຮັດໃຫ້ເງິນດິຈິຕອລຢ່າງບິທຄອຍນ໌ ແລະ Altcoins ອື່ນໆຖືກກົດໝາຍໃນໄວໆນີ້

ເຖິງຈະຍັງບໍ່ເປັນທາງການ ແຕ່ປະກາດຫຼ້າສຸດຈາກທາງທະນາຄານກາງປະເທດອູແກຣນ (ຢູເຄຣນ) ໄດ້ມີການກ່າວເຖິງຮ່າງກົດໝາຍກ່ຽວກັບ Cryptocurrency ນັ້ນຈະຖືກນຳເຂົ້ຳເຂົ້າຫາລືໃນກອງປະຊຸມ Financial Stability Board of Ukraine ທ້າຍເດືອນນີ້.

ການຕັດສິນໃຈດັ່ງກ່າວເກີດຂຶ້ນເມື່ອປະຊາຊົນໃນປະເທດອູແກຣນມີການເຄື່ອນໄຫວກ່ຽວກັບບິທຄອຍນ໌ກັນຫຼາຍຂຶ້ນ ບໍ່ວ່າຈະເປັນການຂຸດຫຼຽນ, ການໃຊ້ຈ່າຍເພື່ອຊື້ສິນຄ້າ ແລະ ການໃຊ້ເພື່ອພັດທະນາລະບົບ Blockchain ເຊິ່ງນັ້ນຍັງລວມເຖິງຄວາມບໍ່ແນ່ນອນທາງກົດໝາຍທີ່ເຮັດໃຫ້ທາງລັດທະບານບໍ່ສາມາດປາບປາມຜູ້ທີ່ນຳມັນໄປໃຊ້ໃນທາງທີ່ຜິດກົດໝາຍໄດ້ນຳອີກ.

ເມື່ອບໍ່ດົນມານີ້ເຈົ້າໜ້າທີ່ຕຳຫຼວດຂອງອູແກຣນໄດ້ທຳການຈັບກຸມຜູ້ຕ້ອງຫາທີ່ສົງໃສວ່າມີການຕິດຕັ້ງຄັອມພິວເຕີເພື່ອຂຸດ Bitcoin ເປັນຈຳນວນເຖິງ 200 ໜ່ວຍ ທີ່ສະລອຍນ້ຳຮ້າງໃນສະຖາບັນແຫ່ງໜຶ່ງໃນເມືອງ Kiev ເຊິ່ງເຫດການນີ້ສານໄດ້ຕັດສິນຜູ້ກ່ຽວວ່າມີຄວາມຜິດຂໍ້ຫານຳເອົາຊັບສິນສ່ວນລວມມາໃຊ້ເພື່ອຜົນປະໂຫຍດສ່ວນຕົວໂດຍສະເພາະແມ່ນເພື່ອຜະລິດເງິນ ເຊິ່ງຂັດກັບກົດໝາຍທີ່ລະບຸຢ່າງຊັດເຈນວ່າມີພຽງທະນາຄານກາງເທົ່ົານັ້ນທີ່ມີສິດອຳນາດໃນການຜະລິດເງິນ ອີກທັງຍັງອະນຸຍາດໃຫ້ສະກຸນເງິນ Hryvnia ພຽງສະກຸນດຽວທີ່ສາມາດໃຊ້ຊໍາລະໜີ້ສິນໄດ້ຖືກຕ້ອງຕາມກົດໝາຍ.

ປະເດັນທີ່ໜ້າສົນໃຈບໍ່ໄດ້ຢູ່ທີ່ກົດໝາຍຂອງອູແກຣນລະບຸແນວໃດກ່ຽວກັບເງິນຕາຂອງປະເທດ ແຕ່ຖ້າທ່ານໄດ້ຕິດຕາມຂ່າວກ່ອນໜ້ານີ້ທີ່ ອູແກຣນວາງເປົາໝາຍຕິດຕັ້ງຕູ້ ATM ສຳລັບ Bitcoin ຈຳນວນ 150 ເຄື່ອງທົ່ວປະເທດໃຫ້ສຳເລັດທ້າຍປີນີ້ ນັ້ນກໍ່ໝາຍຄວາມວ່າທາງການຂອງອູແກຣນບໍ່ໄດ້ປະຕິດເສດ Cryptocurrency ແຕ່ຫາກກຳລັງມີແຜນການທີ່ຈະເຮັດໃຫ້ມັນຖືກກົດໝາຍຢ່າງເປັນຮູບປະທຳແນ່ນອນ.

Be the first to comment

Leave a Reply

Your email address will not be published.


*