ອົດສະຕາລີ ກຳລັງຈະເພີ່ມປະລິມານຕູ້ ATM Bitcoin ສູງເຖິງ 500 ເຄື່ອງ

ປະເທດອົດສະຕາລີ ອາດຈະມີຕູ້ ATM ສຳລັບຝາກ ແລະ ຖອນ Bitcoin ເພີ່ມຂຶ້ນປະມານ 500 ຕູ້ ຫຼັງຈາກການເຊັນສັນຍາຮຸ້ນສ່ວນຂອງ 2 ບໍລິສັດຮ່ວມກັນໃນໄວໆນີ້.

ໂດຍ 2 ບໍລິສັດທີ່ວ່ານີ້ ໄດ້ແກ່: Star Group ຜູ້ໃຫ້ບໍລິການຕູ້ ATM ແລະ Digital X ຜູ້ໃຫ້ບໍລິການດ້ານ software ກ່ຽວກັບ Bitcoin ແລະ cryptocurrency ເຊິ່ງທັງສອງບໍລິສັດນີ້ໄດ້ທຳການເຊັນສັນຍາຮຸ້ນສ່ວນກັນ ພ້ອມນັ້ນຍັງເປີດເຜີຍອີກວ່າທາງ Star Group ຈະໃຊ້ API ຂອງ Digital X ເພື່ອເຮັດໃຫ້ຕູ້ ATM ທີ່ມີຢູ່ແລ້ວ ສາມາດຮອງຮັບການຮັບຝາກ ແລະ ຖອນ Bitcoin ໄດ້.

ຫຼັງຈາກພັດທະນາສຳເລັດແລ້ວ Platform ດັ່ງກ່າວຈະຖືກປ່ອຍອອກມາເພື່ອອັບເດດຕູ້ ATM ຂອງທັງປະເທດ ທີ່ໃນປັດຈຸບັນມີຕູ້ ATM Bitcoin ໃນອົດສະຕາລີຢູ່ພຽງ 20 ຕູ້ເທົ່ານັ້ນ.

“ໃນການພັດທະນາແບບນີ້ ຈະຊ່ວຍໃຫ້ພວກເຮົາສາມາດເພີ່ມຫຼຽນ cryptocurrency ຕົວອື່ນໆ ແລະ ສາມາດທີ່ຈະສົ່ງຫາກັນທົ່ວໂລກໄດ້” ກ່າວໂດຍ CEO ຂອງ Star Group.

ເບິ່ງທ່າທາງຕູ້ ATM Bitcoin ໃນປະເທດອົດສະຕາລີນັ້ນ ເລີ່ມທີ່ຈະມີການເດີນຕາມຮອຍປະເທດສະຫະລັດແລ້ວ ເຊິ່ງໃນປັດຈຸບັນການຕິດຕັ້ງຕູ້ ATM Bitcoin ໃນປະເທດສະຫະລັດອາເມລິກາເປັນຈຳນວນນັບບໍ່ຖ້ວນແລ້ວໃນປີນີ້ປີດຽວ.

ກ່ອນໜ້ານີ້ ບໍລິສັດ Digital X ກໍ່ເຄີຍໄດ້ເງິນລົງທຶນມູນຄ່າກວ່າ 4.35 ລ້ານໂດລາສະຫະລັດຈາກບໍລິສັດ Blockchain Global ມາແລ້ວ ໂດຍສ່ວນໜຶ່ງຂອງການຊື້ຮຸ້ນນັ້ນຖືກຊື້ດ້ວຍ Bitcoin ເຊິ່ງຖືເປັນຄັ້ງທຳອິດຂອງຕະຫຼາດຮຸ້ນໃນປະເທດອົດສະຕາລີ.

ການເຄື່ອນໄຫວດັ່ງກາວ ເກີດຂຶ້ນຫຼັງຈາກທີ່ລັດທະບານປະເທດອົດສະຕາລີອອກມາປະກາດເຮັດໃຫ້ Bitcoin ເປັນສິ່ງທີ່ຖືກກົດໝາຍໃນປະເທດເມື່ອເດືອນທີ່ຜ່ານມາ.

Be the first to comment

Leave a Reply

Your email address will not be published.


*