ເກົາຫຼີເໜືອ ຍິງຂີປະນາວຸດຂ້າມເກາະຮ໋ອກໄກໂດ ເຮັດໃຫ້ເງິນ “ເຢນ” ແຂງຄ່າທີ່ສຸດໃນຮອບ 4 ເດືອນ

ເກົາຫຼີເໜືອໄດ້ສ້າງຄວາມຕົກໃຈໃຫ້ກັບຊາວໂລກອີກຄັ້ງ ເປັນຕົ້ນແມ່ນກັບຍີ່ປຸ່ນ ໂດຍການຍິງຂີປະນາວຸດອອກຈາກບໍລິເວນເຂດ “ຊູນັນ” ຕອນເຊົ້າມື້ນີ້ (29 ສິງຫາ 2017) ຜ່ານນ່ານຟ້າເໜືອເກາະຮ໋ອກໄກໂດຂອງຍີ່ປຸ່ນ.

ຫຼັງຈາກນັ້ນ ຈະຫຼວດໄດ້ແຕກອອກເປັນ 3 ສ່ວນ ແລະ ຕົກລົງສູ່ທະເລຫ່າງຈາກແຫຼມ “ອິຣິໂມະ” ເທິງເກາະຮ໋ອກໄກໂດ ປະມານ 1,180 ກິໂລແມັດ.

ນາຍົກລັດທະມົນຕີ ທ່ານ ຊິນໂຊ ອາເບະ ໄດ້ກ່າວປະນາມເກົາຫຼີເໜືອຢ່າງໜັກວ່າມີເຈດຕະນາຄຸກຄາມອະທິປະໄຕເຂດນາໍ້ແດນດິນຂອງຍີ່ປຸ່ນຢ່າງຮ້າຍແຮງ ແລະ ຍັງຮຽກຮ້ອງໃຫ້ປະຊາຄົມໂລກ ໂດຍສະເພາະສະຫະລັດອາເມລິກາເພີ່ມທະວີແຮງກົດດັນຕໍ່ລັດທະບານພຽງຢາງ.

ຄວາມວິຕົກກັງວົນໃນຄັ້ງນີ້ ໄດ້ສົ່ງຜົນໃຫ້ເງິນ “ເຢນ” ຂອງຍີ່ປຸ່ນແຂງຄ່າທີ່ສຸດນັບຕັ້ງແຕ່ເດືອນເມສາ ທີ່ຜ່ານມາ, ດ້ານເງິນຟຣັງສະວິດທີ່ຖືເປັນໜຶ່ງໃນສິນຊັບທີ່ປອດໄພທີ່ສຸດກໍ່ສ້າງສະຖິຕິແຂງຄ່າທີ່ສຸດໃນຮອບ 1 ເດືອນ ເມື່ອທຽບກັບເງິນໂດລາສະຫະລັດ.

ສ່ວນລາຄາຄຳກໍ່ມີການປັບຕົວເພີ່ມຂຶ້ນ 0.9% ມາຢູ່ທີ່ 1,324 ໂດລາສະຫະລັດຕໍ່ 1 ອອນຊ໌ ສູງທີ່ສຸດນັບແຕ່ວັນທີ 9 ພະຈິກ ປີຜ່ານມາ.


ແຫຼ່ງທີ່ມາ: http://thehill.com/policy/international/348337-north-korea-fires-missile-toward-japan-reports ແລະ https://www.cnbc.com/2017/08/28/asia-markets-focus-on-north-korean-missile-launch-gold-yen.html

Be the first to comment

Leave a Reply

Your email address will not be published.


*