ເກົາຫຼີໃຕ້ສັ່ງແບນການລະດົມທຶນແບບ ICO

ເກົາຫຼີໃຕ້ກຳລັງຈະກາຍເປັນປະເທດທີ 2 ຂອງໂລກຮອງຈາກຈີນ ທີ່ອອກມາປະກາດແບນການລະດົມທຶນແບບ Initial Coin Offerings (ICO).

ອີງຕາມການລາຍງານຂອງ Financial Times ໃຫ້ຮູ້ວ່າ ທາງ Financial Services Commission ຫຼື ຜູ້ອອກກົດໝາຍທາງດ້ານການເງິນໃນເກົາຫຼີໃຕ້ນັ້ນ ໄດ້ກ່າວວ່າ: “ການຊື້-ຂາຍ ICO ທັງໝົດຈະຖືກແບນ ແລະ ການຊື້-ຂາຍເງິນດິຈິຕອລນັ້ນກໍ່ຈະຕ້ອງຖືກຄວບຄຸມຢ່າງເຄັ່ງຄັດອີກດ້ວຍ”.

ດັ່ງທີ່ຮູ້ກັນດີແລ້ວວ່າການລະດົມທຶນແບບ ICO ນັ້ນກຳລັງເປັນທີ່ນິຍົມຫຼາຍໃນປັດຈຸບັນ ເພາະມີຄວາມຍືດຍຸ່ນສູງທີ່ບໍລິສັດສະຕາດອັບຜູ້ອອກຫຼຽນ ບໍ່ຈຳເປັນຕ້ອງໄປຂໍອະນຸຍາດຈາກຜູ້ອອກກົດໝາຍ ຂະນະດຽວກັນກໍ່ຍັງສາມາດລະດົມທຶນໄດ້ຈາກທົ່ວໂລກ ແລະ ສາມາດເຮັດໄດ້ໄວພາຍໃນໄລຍະເວລາອັນສັ້ນ ທັ້ງໆທີ່ໂຄງການນັ້ນໆຍັງບໍ່ທັນຖືກສ້າງອອກມາເປັນຮູບເປັນຮ່າງ.

ກ່ອນໜ້ານີ້, ປະເທດຈີນຖືເປັນປະເທດອຳອິດຂອງໂລກທີ່ອອກມາປະກາດແບນ ICO ເມື່ອຊ່ວງຕົ້ນເດືອນທີ່ຜ່ານມາ ໂດຍໃຫ້ເຫດຜົນວ່າການຂາຍຫຼຽນ ICO ນັ້ນໄດ້ລະເມີດກົດໝາຍດ້ານການລະດົມທຶນຂອງປະເທດ ແລະ ສັ່ງໃຫ້ບໍລິສັດທີ່ລະດົມທຶນມາໄດ້ແລ້ວທຳກນສົ່ງເງິນຄືນໃຫ້ແກ່ນັກລົງທຶນທັງໝົດບໍ່ໃຫ້ກາຍທ້າຍເດືອນຕຸລານີ້.

ສຳນັກຂ່າວທ້ອງຖິ່ນຂອງເກົາຫຼີໃຕ້ຢ່າງ News1 Korea ແລະ JoongAng ລາຍງານວ່າທາງ Financial Supervisory Service (FSS) ໄດ້ຕັດສິນໃຈແບນການລດົມທຶນແບບ ICO ຫຼັງການປະຊຸມຂອງໜ່ວຍງານທີ່ກ່ຽວຂ້ອງກັບ cryptocurrency ໂດຍສາເຫດຫຼັກໆແມ່ນມາຈາກຄວາມຕ້ອງກນທີ່ຈະປົກປ້ອງນັກລົງທຶນຈາກພວກສໍ້ໂກງ.

“ເຮົາຮູ້ສຶກເປັນຫ່ວງກ່ຽວກັບຜົນຂ້າງຄຽງ ເຊິ່ງກໍ່ຄືຄວາມສ່ຽງຈາກການສໍ້ໂກງ. ສະນັ້ນ, ICO ຈະຕ້ອງຖືກສັ່ງຫ້າມໃນທຸກໆກໍລະນີ” ກ່າວໂດຍທ່ານ Kim Young-bum ຮອງປະທານ Financial Services Commission

ເຖິງຢ່າງໃດກໍ່ຕາມ ສື່ທັງສອງແຫ່ງນີ້ກໍ່ໃຫ້ຂໍ້ມູນບາງສ່ວນທີ່ບໍ່ກົງກັນກ່ຽວກັບການແບນ ເປັນຕົ້ນແມ່ນການລາຍງານຂ່າວຈາກ News1 ນັ້ນ, ທາງ FSS “ສັ່ງຫ້າມ ICO ທຸກປະເພດໃນເກົາຫຼີໃຕ້” ຂະນະທີ່ທ່າງ JoongAng ບອກວ່າ: “ການແບນດັ່ງກ່າວນັ້ນນະມີສະເພາະບໍລິສັດສະຕາດອັບໃນເກົາຫຼີໃຕ້ທີ່ຕ້ອງການຈະປີດຂາຍເທົ່ານັ້ນ ສ່ວນນັກລົງມຶນທີ່ຢາກຈະຊື້ ICO ກໍ່ຍັງເຮັດໄດ້ປົກກະຕິ”.

Crypto Korean ສື່ດ້ານ cryptocurrency ທີ່ໜ້າເຊື່ອຖືທີ່ສຸດໃນເກົາຫຼີໃຕ້ເປັນຜູ້ນຳສະເໜີຂ່າວດັ່ງກ່າວກ່ອນເປັນຜູ້ທຳອິດ ແລະ ເຮັດໃຫ້ສຳນັກຂ່າວໃນຝັ່ງຕາເວັນຕົກ ລວມເຖິງເຂດອາຊີຕາເວັນຕົກສຽງໃຕ້ຕ້ອງຫັນມາລາຍງານຂ່າວດັ່ງກ່າວນຳ ໂດຍທີ່ Crypto Korean ກ່າວວ່າຂ່າວດັ່ງກ່າວນັ້ນ “ເຮັດໃຫ້ເກີດຄວາມສັບສົນໃນກຸ່ມຜູ້ໃຊ້ງານຫຼຽນດິຈິຕອລໃນເກົາຫຼີໃຕ້ເປັນຢ່າງສູງ”.

Be the first to comment

Leave a Reply

Your email address will not be published.


*