ເວັບເທຣດ Cryptocurrency ບາງແຫ່ງໃນສິງກະໂປຖືກລະງັບບັນຊີທະນາຄານ

ທະນາຄານໃນສິງກະໂປໄດ້ທຳການລະງັບບັນຊີທະນາຄານຂອງເວັບເທຣດເງິນດິຈິຕອລ ແລະ ລະບົບຊ່ອງທາງການຊຳລະເງິນອື່ນໆ.

ປະເດັນທີ່ໜ້າສົນໃນຄື ກ່ອນໜ້ານີ້ທາງເວັບເທຣດດັ່ງກາວມີບັນຫາກັບທະນາຄານທີ່ພວກເຂົາໃຊ້ບໍລິການໃນປະເທດອື່ນມາແລ້ວ ໂດຍຫົວໜ້າສະມາຄົມ Cryptocurrency ແລະ ອຸດສະຫະກຳ Blockchain ແຫ່ງສິງກະໂປ ໄດ້ຮຽກຮ້ອງໃຫ້ລັດທະບານເຂົ້າມາຊ່ວຍແກ້ໄຂ.

“ຈາກການວິິິເຄາະຂອງເຮົານັ້ນ ຄ້າຍກັບວ່າມັນຈະເປັນເລື່ອງທຳມະດາທີ່ເກີດຂຶ້ນກັບບໍລິສັດດ້ານ FinTech” ກ່າວໂດຍທ່ານ Anzon Zeall ປະທານສະມາຄົມ  Cryptocurrency ແລະ ອຸດສະຫະກຳ Blockchain ແຫ່ງສິງກະໂປ “ແຕ່ໃນກໍລະນີນີ້ ເຮົາຕ້ອງໄດ້ຮ້ອງຂໍໃຫ້ລັດທະບານເຂົ້າມາແຊກແຊງ ແລະ ຄອຍຄວບຄຸມ ເພື່ອຫາວິທີແກ້ໄຂບັນຫາທີດີກວ່າສຳລັບທຸກຝ່າຍ”.

ທ່ານ Zeall ກ່າວວ່າຕົນເອງໄດ້ຮັບການຮ້ອງຮຽນມາຈາກບໍລິສັດເຫຼົ່ານີ້ປະມານ 10 ແຫ່ງ ທີ່ກຳລັງພົບກັບບັນຫາດ້ານຄວາມສຳພັນລະຫວ່າງທະນາຄານໃນສິງກະໂປ ໂດຍທີ່ທາງທະນຄານນັ້ນບໍ່ໄດ້ໃຫ້ເຫດຜົນວ່າເປັນຍ້ອນສາເຫດຫຍັງຈິ່ງຕ້ອງລະງັບບັນຊີ.

ການລະງັບບັນຊີທະນາຄານນັ້ນ ພວມເກີດຂຶ້ນໃນຂະນະທີ່ວົງການ cryptocurrency ທົ່ວໂລກກຳລັງຕົກເປັນເປົ້າໝາຍສາຍຕາຂອງລັດທະບານປະເທດຕ່າງໆທົ່ວໂລກ ໂດຍສະເພາະປະເທດຈີນທີ່ກ່ອນໜ້ານີ້ເຄີຍອອກມາປະກາດແບນການຊື້-ຂາຍ cryptocurrency ພາຍໃນປະເທດພ້ອມທັງສັ່ງປິດເວັບເທຣດທັງໝົດມາແລ້ວ.

ທະນາຄານກາງແຫ່ງປະເທດສິງກະໂປ (MAS) ກ່າວໃນການປະກາດວ່າພວກເຂົາບໍ່ສາມາດເຂົ້າມາແຊກແຊງການຕັດສິນໃຈຂອງທະນາຄານພານິດຕ່າງໆໄດ້ຕະຫຼອດເຖິງຜູ້ທີ່ມີສ່ວນກ່ຽວຂ້ອງໃນການປິດບັນຊີທະນາຄານຂອງບັນດາເວັບເທຣດຕ່າງໆນຳ.

ທ່ານ Chia Hock Lai ປະທານສະມາຄົມເທັກໂນໂລຢີດ້ານການເງິນ (FinTech) ທີ່ມີສະມາຊິກຫຼາຍກວ່າສະມາຄົມ Cryptocurrency ແລະ ອຸດສະຫະກຳ Blockchain ແຫ່ງສິງກະໂປ (Access) ໄດ້ກ່າວວ່າບໍລິສັດໃນສະມາຄົມຂອງຕົນເອງນັ້ນກໍ່ພົບກັບບັນຫາການຖືກລະງັບບັນຊີທະນາຄານເຊັ່ນກັນ ເຖິງແມ່ນວ່າຈະບໍ່ໃຫ້ລາຍລະອຽດຫຼາຍປານໃດກໍ່ຕາມ.

ເວັບເທຣດ CoinHako ໜຶ່ງໃນເວັບຜູ້ໃຫ້ບໍລິການຊື້-ຂາຍ-ແລກປ່ຽນ cryptocurrency ໃນສິງກະໂປນັ້ນກໍ່ໄດ້ອອກມາປະກາດວ່າພວກເຂົາບໍ່ສາມາດເຂົ້າເຖິງບັນຊີທະນາຄານຂອງຕົນເອງ ຫຼື ແມ່ນແຕ່ຖອນເງິນໂດລາສິງກະໂປອອກມາໄດ້.

“ພວກເຮົາເຂົ້າໃຈວ່າທາງທະນາຄານມີຄວາມກັງວົນກ່ຽວກັບເລື່ອງບັນຫາການຟອກເງິນ ແລະ ເລື່ອງການເຮັດ KYC ເຊິ່ງຖ້າເບິ່ງໃນຂໍ້ກົດໝາຍປັດຈຸບັນແລ້ວ ມັນບໍ່ຮອງຮັບບໍລິສັດແບບພວກເຮົາເລີຍ”

Be the first to comment

Leave a Reply

Your email address will not be published.


*