ເສດຖີນ້ອຍມໍຕົ້ນ ທີ່ລໍ່າລວຍໝື່ນລ້ານ ຈາກ ບິທຄອຍນ໌

Erick Finman ກາຍເປັນທີ່ສົນໃຈຂອງສື່ມວນຊົນທົ່ວໂລກ ເນື່ອງຈາກເຂົາກາຍເປັນເສດຖີນ້ອຍໜ້າໃໝ່ໃນໄວພຽງ 12 ປີ. Erick Finman ໄດ້ເປີດເຜີຍຊີວິິດສ່ວນຕົວເມື່ອ 6 ປີກ່ອນ ຫຼື ປະມານປີ 2011 ເຂົາມີອາຍຸພຽງ 12 ປີ ເຊິ່ງຕອນນັ້ນກໍາລັງຮຽນມັດທະຍົມຕົ້ນຢູ່ເລີຍ, ເຂົາກ່າວວ່າພໍ່ແມ່ຂອງເຂົາທີ່ຮຽນຈົບປະລິນຍາເອກຈາກມະຫາວິທະຍາໄລສະແຕນຟອດ ໄດ້ຕົກລົງອະນຸຍາດໃຫ້ Erick ບໍ່ຕ້ອງເຂົ້າຮຽນຕໍ່ໃນລະດັບມະຫາວິທະຍາໄລຕາມທີ່ລູກຊາຍຕ້ອງການ ແຕ່ມີເງື່ອນໄຂວ່າເຂົາຕ້ອງປ່ຽນເງິນ 1,000 ໂດລາ ທີີ່ແມ່ໃຫ້ ໃຫ້ກາຍເປັນເງິນ 1 ລ້ານໂດລາໃຫ້ໄດ້ເສຍກ່ອນ.

Erick ຕອບຕົກລົງ ແລ້ວຮັບເອົາເງິນຈາກມືຂອງແມ່ພ້ອມກັບຮັບປາກວ່າ ດ້ວຍເງິນ 1,000 ໂດລາທີ່ແມ່ໃຫ້ມານີ້ເຂົາຈະເຮັດໃຫ້ແມ່ຍອມຮັບໃນການຕັດສິນໃຈທີ່ຈະບໍ່ເຂົ້າຮຽນຕໍ່ໃນລະດັບມະຫາວິທະຍາໄລຂອງເຂົາໃຫ້ໄດ້. Erick ໄດ້ນຳເງິນຈໍານວນນັ້ນໄປຊື້ ບິທຄອຍນ໌ (Bitcoin) ດ້ວຍມູນຄ່າໃນຕອນນັ້ນພຽງ 12 ໂດລາ/ບິທຄອຍນ໌. ເວລາຜ່ານໄປພຽງ 6 ປີ ມູນຄ່າຂອງບິທຄອຍນ໌ໄດ້ເພີ່ມສູງຂຶ້ນ ກວ່າ 3,000 ໂດລາ/ບິທຄອຍນ໌ ແລະ ໃນຕອນນີ້ Erick ມີປະລິມານບິທຄອຍນ໌ໃນມືເຖິງ 600 ບິທຄອຍນ໌ ເຊິ່ງຕົກເປັນເງິນນມູນຄ່າກວ່າ 1 ລ້ານໂດລາແລ້ວ (ປະມານ 16 ພັນລ້ານກວ່າກີບ)

Erick ໄດ້ຄົ້ນຫາ ແລະ ເດີນທາງຕາມທີ່ເຂົາຄິດວ່າມັນເໝາະສົມກັບຕົວເອງ ພ້ອມກັບເຮັດມັນໃຫ້ດີທີ່ສຸດ ເນື່ອງຈາກມັນເປັນເລື່ອງທີ່ສຳຄັນຫຼາຍທີ່ທຸກຄົນສາມາດຄົ້ນພົບລະບົບການສຶກສາທີ່ເໝາະສົມກັບການຮຽນຮູ້ຂອງຕົນເອງ ເພາະ “ສຳລັບບາງຄົນແຫຼ່ງຄວາມຮູ້ແມ່ນໄດ້ມາຈາກໂຮງຮຽນ ແຕ່ບາງຄົນກໍ່ບໍ່ໄດ້ມາຈາກໂຮງຮຽນ”

 

Be the first to comment

Leave a Reply

Your email address will not be published.


*