ໃນທີ່ສຸດ ຫວຽດນາມ ຍອມເປີດໄຟຂຽວໃຫ້ນັກພະນັນພາຍໃນປະເທດເຂົ້າຫຼິ້ນ

ລັດຖະບານຫວຽດນາມວາງແຜນທີ່ຈະເປີດໂຄງການ ຄາຊີໂນ (Casino) ທົດລອງໃນປະເທດເປັນຄັ້ງທໍາອິດ ທາງພາກຕາເວັນອອກສຽງເໜືອຂອງນະຄອນຫຼວງຮ່າໂນ້ຍ.

ຄາດວ່າຈະສາມາດດຶງເມັດເງິນຈາກນັກພະນັນຊາວຫວຽດນາມກັບເຂົ້າປະເທດຄືນໄດ້ປະມານປີລະ 800 ລ້ານໂດລາສະຫະລັດ. ທັງນີ້ກໍ່ເພື່ອແກ້ໄຂບັນຫາໜີ້ສາທາລະນະສະສົມຂອງລັດຖະບານທີ່ສູງເຖິງ 64% ຂອງ GDP.

ໂດຍປົກກະຕິແລ້ວ ຄາສິໂນ ໃນຫວຽດນາມຈະບໍ່ອະນຸຍາດໃຫ້ຊາວຫວຽດນາມເຂົ້າໄປຫຼິ້ນ ຈິ່ງເຮັດໃຫ້ຊາວຫວຽດນາມບາງສ່ວນຈຳຕ້ອງຂ້າມໄປຫຼິ້ນຢູ່ ຄາຊີໂນ ເຂດຊາຍແດນຂອງປະເທດທີ່ຕິດກັບກຳປູເຈຍ. ຜູ້ທີ່ໄດ້ຮັບອະນຸຍາດໃຫ້ເຂົ້້າຫຼິ້ນໄດ້ ຈະຕ້ອງມີອາຍຸຢ່າງໜ້ອຍ 21 ປີຂຶ້ນໄປ ແລະ ມີລາຍໄດ້ຢ່າງຕໍາ່ 10 ລ້ານດົ່ງຕໍ່ເດືອນ ເຊິ່ງ ຄາສິໂນ ເຫຼົ່ານັ້ນຈະຕ້ອງໄດ້ຮັບອະນຸຍາດ ແລະ ຕ້ອງເປັນສ່ວນໜຶ່ງຂອງໂຄງການໂຮງແຮມ ແລະ ສູນການບັນເທີງ ທີ່ມີມູນຄ່າການລົງທຶນຢ່າງໜ້ອຍ 2,000 ລ້ານໂດລາ. ນະໂຍບາຍນີ້ ແມ່ນມີຜົນບັງຄັບໃຊ້ເລີ່ມຕັ້ງແຕ່ວັນທີ 15 ມີນາ 2016 ເປັນຕົ້ນມາ. ຫຼັງຈາກນັ້ນ 3 ປີ ຂອງໂຄງການທົດລອງ, ລັດຖະບານຈະທົບທວນກົດໝາຍຄືນອີກເທື່ອໜຶ່ງ ເພື່ອຕັດສິນໃຈວ່າຈະຍັງຄົງໃຊ້ກົດໝາຍສະບັບເດີມຢູ່ ຫຼື ບໍ່.

ໂຄງການນີ້ຈະເຮັດໃຫ້ຫວຽດນາມກາຍເປັນສະຖານທີ່ ທີ່ຫນ້າສົນໃຈສໍາລັບບໍລິສັດພະນັນຈາກຕ່າງປະເທດທີ່ຈະເຂົ້າມາລົງທຶນ ເຊັ່ນ:Las Vegas Sands Genting Bhd Nagacorp ແລະ Penn Nation Gaming ເປັນຕົ້ນ.

Be the first to comment

Leave a Reply

Your email address will not be published.


*