ມາຣິຊຊາ ເມເຢີ CEO ຂອງເວັບໄຊທ໌ຊື່ດັງ Yahoo ກຽມຕົວຖືກຖອດອອກຈາກຕຳແໜ່ງ

ສຳນັກຂ່າວສະຫະລັດລາຍງານວ່າ ນາງ ມາຣິຊຊາ ເມເຢີ (Marissa Mayer) ຈະບໍ່ໄດ້ດຳລົງຕໍາແໜ່ງໃນຖານະປະທານບໍລິສັດ (CEO) ອີກຕໍ່ໄປສຳລັບສ່ວນຂອງກິດຈະການເວັບໄຊທ໌ຊື່ດັງ ຢາຮູ (Yahoo) ທີ່ຍັງບໍ່ທັນຂາຍໃຫ້ກັບ ເວີໄຣຊອນ (Verizon)

ບໍລິສັດເຄືອຂ່າຍໂທລະຄົມຍັກໃຫຍ່ໃນສະຫະລັດ, ເຖິງແມ່ນວ່າທຸລະກິດການຄົ້ນຫາ ແລະ ທຸລະກິດຂ່າວນັ້ນຈະຍັງບໍ່ທັນຖືກຂາຍໄປກໍ່ຕາມ. ມາຣິຊຊາ ເມເຢີ ຈະໄດ້ຮັບເງິນຊົດເຊີຍເປັນຈຳນວນ 23 ລ້ານໂດລາສະຫະລັດ ຖ້າຫາກຍິນຍອມອອກຈາກບໍລິສັດໄປແຕ່ໂດຍດີ. ສາເຫດຂອງການຕັດສິນໃຈໃນຄັ້ງນີ້ຂອງຄະນະບໍລິຫານແມ່ນເນື່ອງມາຈາກ ມາຣິຊຊາ ເມເຢີ ເປັນເຖິງ CEO ແຕ່່ກັບບໍ່ສາມາດບໍລິຫານກິດຈະການເວັບໄຊທ໌ ຢາຮູ ໃຫ້ປະສົບຜົນສຳເລັດຕາມເປົ້າໝາຍ ຈົນຕ້ອງຂາຍກິດຈະການໃຫ້ກັບ ເວີໄຣຊອນ ໄປໃນທີ່ສຸດ.

ປັດຈຸບັນສ່ວນຂອງກິດຈະການທີ່ຖືກ ເວີໄຣຊອນ ຊື້ໄປນັ້ນແມ່ນໄດ້ປ່ຽນຊື່ໃໝ່ເປັນ ອັລທາບາ (Altaba) ເຊິ່ງຈະຖືກນຳພາພາຍໃຕ້ການບໍລິຫານຂອງ ໂທມັສ ແມັກຊິນເນີນີ (Thomas McInerney). ຍ້ອນກັບໄປເມື່ອຕອນຕົ້ນປີ ຄືເດືອນ ມັງກອນ 2017 ທີ່ຜ່ານມາ, ຢາຮູ ໄດ້ປະກາດໃຫ້ ນາງ ມາຣິຊຊາ ເມເຢີ ລົງຈາກຕຳແໜ່ງ ແລະ ອອກຈາກສະພາຜູ້ບໍລິຫານຂອງບໍລິສັດ ຫຼັງຈາກການຂາຍກິດຈະການສຳເລັດລົງ ເຊິ່ງເບື້ອງຕົ້ນຄາດວ່າ ຢາຮູ ຈະຖືກຂາຍດ້ວຍມູນຄ່າສູງເຖິງ 4,48 ຕື້ໂດລາສະຫະລັດໃນໄຕມາດ 2 ຂອງປີນີ້, ແຕ່ກົງກັນຂ້າມ ລາຄາດັ່ງກ່າວໄດ້ຖືກທາງ ເວີໄຣຊອນ ຕໍ່ລອງໃໝ່ໃຫ້ຫຼຸດລົງອີກ 350 ລ້ານໂດລາ ສາເຫດກໍ່ແມ່ນຍ້ອນການຮົ່ວໄຫຼຂອງຂໍ້ມູນບັນຊີຜູ້ໃຊ້ລູກຄ້າທົ່ວໂລກຫຼາຍຮ້ອຍລ້ານບັນຊີ (ຖືກແຮັກລະບົບ).

Be the first to comment

Leave a Reply

Your email address will not be published.


*