ສິງກະໂປ ຄອງອັນດັບປະເທດທີ່ມີຄ່າຄອງຊີບສູງທີ່ສຸດໃນໂລກ 4 ປີຊ້ອນ

ສຳນັກຂ່າວ ຣອຍເຕີ ລາຍງານຜົນການສຳຫຼວດຂອງ Economist Intelligence Unit ຫຼື EIU ໃນບົດລາຍງານຫົວຂໍ້ “Worldwide Cost of Living” ທີ່ແປເປັນພາສາລາວວ່າ “ຕົ້ນທຶນຄ່າໃຊ້ຈ່າຍໃນການດຳລົງຊີວິດປະຈຳວັນຂອງປະຊາຊົນທົ່ວໂລກ”

ເຫັນວ່າໃນປີ 2017 ນີ້ມີຫຼາຍປະເທດທີ່ຕິດອັນດັບເມືອງທີ່ມີຄ່າຄອງຊີບສູງທີ່ສຸດໃນໂລກ ໂດຍອັນດັບຕົ້ນໆແມ່ນບັນດາເປັນປະເທດໃນແຖບອາຊີເຮົາ.

ຜົນການສຳຫຼວດຂອງ EIU ໄດ້ຈັດອັນດັບເມືອງທີ່ມີຄ່າຄອງຊີບແພງທີ່ສຸດໃນໂລກ ໂດຍຄຳນວນຈາກປັດໃຈລາຄາສິນຄ້າຢ່າງໜ້ອຍ 160 ລາຍການ ລວມເຖິງຄ່າບໍລິການຕ່າງໆບໍ່ວ່າຈະເປັນອາຫານການກິນ, ເຄື່ອງດື່ມ, ທີ່ພັກພາອາໃສ ຕະຫຼອດເຖິງການດູແລສ່ວນຕົວ. ໃນປີ 2017 ນີ້ 10 ປະເທດ ທີ່ມີຄ່າຄອງຊີບສູງທີ່ສຸດໄດ້ແກ່:

  1. ສິງກະໂປ
  2. ເຂດປົກຄອງພິເສດ ຮົ່ງກົງ ປະເທດຈີນ
  3. ຊູຣິກ (ສະວິດເຊີແລນ)
  4. ໂຕກຽວ (ຍີປຸ່ນ)
  5. ໂອຊາກ້າ (ຍີປຸ່ນ)
  6. ເຊອຸນ (ເກົາຫຼີໃຕ້)
  7. ເຈນີວາ (ສະວິດເຊີແລນ)
  8. ປາຣີສ (ຝຣັ່ງ)
  9. ນິວຢອກ (ສະຫະລັດອາເມລິກາ)
  10.  ໂຄເປນເຮເກນ (ເດັນມາກ)

ເຖິງຢ່າງໃດກໍ່ຕາມ ລາຍງານຜົນການສຳຫຼວດໃນຄັ້ງນີ້ຍັງໄດ້ເຕືອນວ່າ ເສດຖະກິດໂລກຍັງມີຄວາມຜັນຜວນຈາກການປ່ຽນແປງລາຄານ້ຳມັນ ແລະ ສິນຄ້າອຸປະໂພກອື່ນໆ ເຊິ່ງໜ້າຈະກະທົບຕໍ່ລາຄາສິນຄ້າໂດຍທົ່ວໄປ ແລະ ຍັງສົ່ງຜົນກັບການໃຊ້ຈ່າຍຂອງພາກຄົວເຮືອນໃນບາງແຫ່ງ ແລະ ການແກວ່ງໄປມາຂອງຄ່າເງິນຍັງອາດເຮັດໃຫ້ລາຄາສິນຄ້າ ແລະ ບໍລິການໃນແຕ່ລະເມືອງເພີ່ມຂຶ້ນ ຫຼື ຫຼຸດລົງໄດ້ຢ່າງໄວວາອີກດ້ວຍ.

Be the first to comment

Leave a Reply

Your email address will not be published.


*