ອາເມລິກາ ຍື່ນຂໍ້ສະເໜີສຸດພິເສດທາງການຄ້າ ເພື່ອບໍ່ໃຫ້ຈີນສະໜັບສະໜູນເກົາຫຼີເໜືອ

ສຳນັກຂ່າວເອພີ ລາຍງານວ່າ ທ່ານ ຈອນ ແຄຣີ່ ລັດຖະມົນຕີກະຊວງການຕ່າງປະເທດຂອງສະຫະລັດ ໄດ້ໂອ້ອົ້ມທາງໂທລະສັບກັບ ທ່ານ ຫວັງຍີ່ ລັດຖະມົນຕີກະຊວງການຕ່າງປະເທດຂອງຈີນ ເພື່ອຂໍໃຫ້ຈີນຍຸດຕິການຄ້າ ຕະຫຼອດເຖິງການດຳເນີນທຸລະກິດທຸກປະເພດໃນກັບເກົາຫຼີເໜືອ

ພາຍຫຼັງທີ່ເກົ່ເກົາຫຼີເໜືອໄດ້ທຳການທົດສອບອາວຸດນິວເຄຼຍເປັນຄັ້ງທີ 4 ພ້ອມນັ້ນຍັງລະບຸວ່າ ສະຫະລັດໄດ້ຮ່ວມຫາລືກັບຈີນກ່ຽວກັບບັນຫາຂອງເກົງເກົາຫຼີເໜືອມາໂດຍຕະຫຼອດ ໂດຍຢໍ້າວ່າຕົນເອງໃຫ້ຄວາມເຄົາລົບຕໍ່ວິທີການທີ່ຈີນໃຊ້ເພື່ອເຂົ້າເຖິງເກົາຫຼີເໜືອຜ່ານການເຮັດທຸລະກິດ.

ແຕ່ໃນຂະນະດຽວກັນ, ສຳນັກຂ່າວບີບີຊີ ກັບລາຍງານວ່າ ຈີນ ເຊິ່ງເປັນພັນທະມິດທີ່ໃກ້ຊິດທີ່ສຸດກັບເກົບເກົາຫຼີເໜືອ ຖືກສະຫະລັດກົດດັນຢ່າງໜັກໃຫ້ສະແດງບົດບາດທີ່ເຂັ້ມແຂງຕໍ່ກັບເກົາຫຼີເໜືອໃຫ້ຫຼາຍກວ່ານີ້. ເນື່ອງຈາກສະຫະລັດອາເມລິກາມີຄວາມກັງວົນເລິກໆວ່າຈີນຈະໃຫ້ຄວາມຮ່ວມມືທາງການທະຫານແກ່ເກົາຫຼີເໜືອ ເພາະເຫັນວ່າປະທານາທິບໍດີ ປູຕິນ ຂອງລັດເຊຍແມ່ນສະແດງທ່າທີຊັດເຈນແລ້ວວ່າບໍ່ຢູ່ຂ້າງຕົນເອງ ຈິ່ງພະຍາຍາມຫາທຸກວິທີທາງເພື່ອປ້ອງກັນບໍ່ໃຫ້ຈີນຮ່ວມມືກັບເກົາຫຼີເໜືອອີກ ເນື່ອງຈາກຈີນເປັນປະເທດສັງຄົມນິຍົມທີ່ມີລະບອບການປົກຄອງຄ້າຍຄືກັນ, ມີສັກກະຍະພາບທາງເສດຖະກິດ ແລະ ກຳລັງທະຫານທີ່ພ້ອມປະຈຳການໄດ້ທຸກເວລາເມື່ອມີຄຳສັ່ງ ຖ້າເມື່ອໃດກໍ່ຕາມທີ່ເກົາຫຼີເໜືອໄດ້ຮັບການສະໜັບສະໜູນຈາກຈີນ ແລະ ລັດເຊຍ ໂອກາດທີ່ອາເມລິກາຈະເອົາຊະນະເກົາຫຼີເໜືອໄດ້ແມ່ນຍິ່ງຍາກຂຶ້ນໄປອີກ.

ສະນັ້ນ, ສະຫະລັດອາເມລິກາຈິ່ງໄດ້ຍື່ນຂໍ້ສະເໜີພິເສດທາງການຄ້າໃຫ້ກັບຈີນ ໂດຍອ້າງວ່າ ຖ້າຈີນຍອມຮັບປາກວ່າຈະບໍ່ຫຍຸ້ງກ່ຽວ ແລະ ບໍ່ໃຫ້ການສະໜັບສະໜູນເກົາຫຼີເໜືອທຸກຮູບແບບ ຍອດການສົ່ງອອກສິນຄ້າຂອງຈີນກັບສະຫະລັດຈະເພີ່ມຂຶ້ນຢ່າງແນ່ນອນ (ກຳແພງພາສີທີ່ສະຫະລັດວາງອອກຕໍ່ຈີນແມ່ນເຂັ້ມງວດຫຼາຍ) ເຊິ່ງແນ່ນອນວ່າຖ້າຈີນຍອມຮັບຂໍ້ສະເໜີດັ່ງກ່າວ GDP ຂອງຈີນຈະສູງຂຶ້ນຫຼາຍເທົ່າຕົວ.

ຕໍ່ກັບຂໍ້ສະເໜີນີ້ ເຮັດໃຫ້ຫຼາຍປະເທດຈັບຕາເບິ່ງຈີນວ່າ ປະທານາທິບໍດີ ສີຈິ້ນຜິງ ຂອງຈີນ ຈະຕັດສິນໃຈແນວໃດ.

Leave a Reply

Your email address will not be published.


*