ສານສະຫະລັດ ສັ່ງປັບ Vinnik ແຮັກເກີ້ທີ່ລັກບິດຄອຍນ໌ໄປ ຈໍານວນ 12 ລ້ານໂດລາ

ອົງກອນເຄືອຂ່າຍຕ້ານກາານຟອກເງິນຂອງສະຫະລັດ ຫຼື FinCEN (Financial Crimes Enforcement Network) ທີ່ເຮັດໜ້າທີ່ສືບສວນອາດຍາກຳດ້ານການຟອກເງິນໄດ້ປະກາດຖະແຫຼງການວ່າໄດ້ທຳການປັບໄໝເວັບເທຣດຫຼຽນເງິນດິຈິຕອລຊື່ດັງ BTC-e.com ເຊິ່ງມີຊື່ເຕັມໆຄື: Canton Business Corporation (BTC-e) ໃນຂໍ້ຫາ “ເຈດຕະນາຝ່າຝືນກົດໝາຍປ້ອງກັນການຟອກເງິນ (AML)”

FinCEN ນັ້ນໄດ້ຮ່ວມງານກັບທາງໄອຍະການສານເຂດເໜືອຂອງລັດ ຄາລິຟໍເນຍ ໂດຍອ້າງອີງຈາກເອກະສານທາງການຂອງ Alexander Vinnik ຫຼື ແອດມີນເວັບເທຣດ BTC-e.com (ຕອນນີ້ໄດ້ປິດຕົວໄປຊົ່ວຄາວ) ທີ່ຫາກໍ່ຖືກຈັບກຸມຕົວໄດ້ໃນປະເທດເກຣັກ ແລະ ຖືກຕັ້ງຂໍ້ສົງໃສວ່າເປັນຜູ້ຢູ່ເບື້ອງຫຼັກການ Hack ບິດຄອຍນ໌ຈາກເວັບໄຊທ໌ Mt Gox ຈໍານວນຫຼາຍກວ່າ 630,000 BTC ເຊິ່ງ Vinnik ໄດ້ຖືກສານທາງຕອນເໜືອງຂອງລັດ ຄາລິຟໍເນຍ ຕັດສິນວ່າເຂົາໄດ້ເຮັດຜິດກົດໝາຍໃນຂໍ້ 8 U.S.C. ສະບັບປີ 1956, 1957 ແລະ 1960 ວ່າດ້ວຍການຟອກເງິນ, ສົມຮູ້ຮ່ວມຄິດເພື່ອກະທຳການຟອກເງິນ, ມີສ່ວນກ່ຽວຂ້ອງກັບກິດຈະກຳທາງດ້ານການເງິນທີ່ຜິດກົດໝາຍ ແລະ ເປີດບໍລິການໂອນຍ້າຍເງິນແບບບໍ່ມີໃບອະນຸຍາດ ເຊິ່ງທາງ FinCEN ໄດ້ທຳການປັບໄໝ Vinnik ດ້ວຍຈຳນວນເງິນສູງເຖິງ 12 ລ້ານໂດລາສະຫະລັດ ພ້ອມກັບຍຶດເງິນຂອງບໍລິສັດທີ່ໃຫ້ບໍລິການທາງດ້ານການໂອນເງິນ ຫຼື ຊໍາລະເງິນລະຫວ່າງປະເທດແບບຜິດກົດໝາຍນຳອີກ.

BTC-e ຍັງຖືກຕັ້ງຂໍ້ຫາວ່າເປັນຜູ້ຊ່ວຍຟອກເງິນທີ່ຖືກ Hack ມາຈາກ Mt Gox ໃນລະຫວ່າງປີ 2011-2014 ລວມເຖິງບິດຄອຍນ໌ຈໍານວນ 300,000 BTC ທີ່ສາມາດນໍາຄືນໄດ້ຈາກ Blockchain ຈົນສາວໄປເຖິງຕົວຜູ້ກະທຳການ Hack ໄດ້ອີກດ້ວຍ. FinCEN ໄດ້ກວດພົບທຸລະກຳທາງການເງິນທີ່ມີມູນຄ່າປະມານ 3 ລ້ານໂດລາທີ່ຖືກເຊື່ອມໂຍງໄປເຖິງການໂຈມຕີຂອງ RANSOMWARE ເຊັ່ນກັນ ໂດຍສະເພາະຂອງ Cryptolocker ແລະ Locky ອີກທັງ BTC-e ນັ້ນຍັງມີສ່ວນກ່ຽວຂ້ອງກັບການທຳທຸລະກຳຜ່ານໜ້າເວັບໃຫ້ບໍລິການທາງດ້ານການຟອກເງິນທີ່ຖືກປິດຕົວໄປແລ້ວຢ່າງ  Liberty Reserve ເພາະເວັບນີ້ມີເຈົ້າຂອງດຽວກັນກັບເວັບໄຊທ໌ BTC-e.com.

 

ນອກນັ້ນ, FinCEN ຍັງໄດ້ລາຍງານເພີ່ມເຕີມອີກວ່າ BTC-e ໄດ້ທຳທຸລະກຳທີ່ມິມູນຄ່າຫຼາຍກວ່າ 296 ລ້ານໂດລາ ທັງໃນບິດຄອຍນ໌ ແລະ ຫຼຽນເງິນດິຈິຕອລອື່ນໆ (Altcoins) ອີກໝື່ນກວ່າຫຼຽນໂດຍບໍ່ໄດ້ຄຳນຶງເຖິງປະເທດທີ່ພວກເຂົາໃຫ້ບໍລິການ, ພ້ອມນັ້ນ FinCEN ໄດ້ກ່າວວ່າ BTC-e ຈະຕ້ອງປະຕິບັດຕາມກົດໝາຍຕ້ານການຟອກເງິນຂອງສະຫະລັດຢ່າງເຄັ່ງຄັດ ເຊິ່ງໃນຂະນະນີ້ເວັບໄຊທ໌ BTC-e.com ກຳລັງຖືກປິດໃຫ້ບໍລິການຢູ່.

 

ການກະທຳດັ່ງກ່າວນີ້ໜ້າຈະເປັນຕົວຢ່າງອັນດີໃຫ້ກັບໃຜກໍ່ແລ້ວແຕ່ທີ່ຄິດຈະເຮັດ RANSOMWARE, ຄ້າຂາຍຢາເສບຕິດໃນຕະຫຼາດມືດຜ່ານ  DARK NET ຫຼື ເຮັດເລື່ອງຜິດກົດໝາຍຕ່າງໆທີ່ກ່ຽວຂ້ອງກັບຫຼຽນເງິນດິຈິຕອລ.

Be the first to comment

Leave a Reply

Your email address will not be published.


*