ຈັດໜັກ FBI ຍຶດກະເປົາເງິນຂອງເວັບໄຊທ໌ຊື່ດັງ BTC-e.com

ລາຍງານຂ່າວຫຼ້າສຸດກ່ຽວກັບເວັບໄຊທ໌ຊື່ດັ່ງຢ່າງ BTC-e.com ໃຫ້ຮູ້ວ່າ ປັດຈຸບັນເວັບໄຊທ໌ດັ່ງກ່າວບໍ່ສາມາດໃຊ້ງານໄດ້ເນື່ອງຈາກຖືກ FBI ຫຼື ຕຳຫຼວດຈາກສຳນັກງານສອບສວນກາງຂອງສະຫະລັດ ໄດ້ເຂົ້າໄປກວດສອບ “Data Canter” ຂອງພວກເຂົາຢູ່.

ກຳລັງເປັນທີ່ກ່າວເຖິງຢ່າງກວ້າງຂວາງໃນ BitcoinTalk ກ່ຽວກັບການທີ່ BTC-e.com ຫຼົ້ມໄປເປັນອາທິດ, ເຮັດໃຫ້ລູກຄ້າທີ່ລົງທະບຽນກັບທາງເວັບໄຊທ໌ເກີດຄວາມວິຕົກກັງວົນວ່າເງິນທີ່ພວກເຂົາໄດ້ຝາກໄວ້ກັບທາງເວັບຈະສູນຫາຍ ແລະ ບໍ່ໄດ້ຄືນ.

“ໃນອະນາຄົດອັນໃກ້ນີ້ ພວກເຮົາຈະລາຍງານຂໍ້ມູນກ່ຽວກັບວິທີກູ້ເອົາເວັບ ແລະ ບໍລິການຂອງຂອງພວກເຮົາຄືນມາ” ກ່າວໂດຍ BTC-e.com ພ້ອມກັນນັ້ນກໍ່ຍັງມີການອ້າງອີງເຖິງ FBI ທີ່່ເຂົ້າໄປຍຶດກະເປົາ ບິດຄອຍນ໌ ຂອງພວກເຂົາໃນວັນທີ 25 ກໍລະກົດ ທີ່ຜ່ານມານຳອີກ.

“ຖ້າຫາກພາຍໃນເດືອນສິງຫານີ້ ເຮົາບໍ່ສາມາດເປີດໃຫ້ບໍລິການໄດ້ ເຮົາຈະຄືນເງິນທັງໝົດໃຫ້ກັບລູກຄ້າ ນັບແຕ່ວັນທີ 1 ກັນຍາ 2017 ເປັນຕົ້ນໄປ”

ຂະນະດຽວກັນ, SEC ກໍ່ໄດ້ປະກາດເມື່ອອາທິດທີ່ຜ່ານມາແລ້ວວ່າຈະທຳການປັບໄໝ BTC-e.com ເປັນຈຳນວນເງິນ 110 ລ້ານໂດລາສະຫະລັດໃນຂໍ້ຫາຟອກເງິນອີກດ້ວຍ ເຊິ່ງຂັດກັບການແຈ້ງການຂອງທາງ BTC-e.com ທີ່ຈະກັບມາເປີດໃຫ້ບໍລິການໃນວັນທີ 6 ສິງຫາ ນີ້ທັ້ງໆທີ່ໂອກາດດັ່ງກ່າວເບິ່ງເກືອບບໍ່ເຫັນ.

Be the first to comment

Leave a Reply

Your email address will not be published.


*