ອູແກຣນ ວາງເປົາໝາຍຕິດຕັ້ງຕູ້ ATM ສຳລັບ Bitcoin ຈຳນວນ 150 ເຄື່ອງທົ່ວປະເທດໃຫ້ສຳເລັດທ້າຍປີນີ້

ຖືໄດ້ວ່າເປັນອີກບາດກ້າວສຳຄັນກໍ່ວ່າໄດ້ທີ່ລັດທະບານຂອງປະເທດ ອູແກຣນ ຫຼື ຢູເຄຣນ ອະນຸຍາດໃຫ້ບໍລິສັດ Kuna Cryptocurrency Exchange ແລະ ຜູ້ກໍ່ຕັ້ງ Kuna Bitcoin Agency ນາມວ່າ Michael Chobanian ຕິດຕັ້ງຕູ້ ATM Bitcoin (Bitcoin Automatic Teller Machine: BTM) ພາຍໃນປະເທດເຖິງ 150 ເຄື່ອງໂດຍມີກຳນົດການຕິດຕັ້ງສຳເລັດໃນທ້າຍປີ 2017 ນີ້.

ອີງຕາມການລາຍງານຂ່າວຂອງສຳນັກຂ່າວແຫ່ງຊາດ ອູແກຣນ ໃຫ້ຮູ້ວ່າຈະມີ BTM ປະມານ 20-30 ເຄື່ອງຖືກຕິດຕັ້ງໃນເມືອງຫຼວງ Kiev ໃນຊ່ວງທ້າຍລະດູຮ້ອນນີ້. ທ່ານ Michael ໄດ້ຕັດສິນໃຈຕິດຕັ້ງ BTM ແມ່ນຍ້ອນຄວາມຕ້ອງການຂອງລູກຄ້າພຽງແຕ່ຄົນດຽວ ລວມໄປເຖິງການເພີ່ມຂຶ້ນຂອງນັກລົງທຶນນຳ ໂດຍໄດ້ກ່າວວ່າ:

“ພາຍໃນທ້າຍປີນີ້ຈະມີຕູ້ BTM  ປະມານ 150 ເຄື່ອງທີ່ຈະຖືກຕິດຕັ້ງໃນປະທດ ເຊິ່ງນີ້ຄືຄວາມຕ້ອງການຂອງລູກຄ້າຄົນໜຶ່ງທີ່ຕິດຕໍ່ເຮົາມາ ລວມເຖິງການທີ່ມີຄວາມຕ້ອງການຈາກນັກລົງທຶນທົ່ວປະເທດທີ່ສົນໃຈຈະເຂົ້າມາລົງທຶນໃນທຸລະກິດນີ້ອີກດ້ວຍ”

 

 

ຕາມແຜນການຂອງທ່ານ Michael ແມ່ນຈະເຮັດໃຫ້ BTM ສາມາດຮອງຮັບເງິນດິຈິຕອລຫຼາຍສະກຸນ ເຊັ່ນ: Ether, Waves, Golo ແລະ Bitcoin ອີກທັງລູກຄ້າພາຍໃນປະເທດຍັງສາມາດທີ່ຈະຊື້ຫຼຽນເງິນດິຈິຕອລດ້ວຍສະກຸນເງິນຫຼັກຂອງປະເທດໄດ້ ຍັງບໍ່ໝົດພຽງເທົ່ານັ້ນ BTM ທີ່ທ່ານ Michael ຈະທຳການຕິດຕັ້ງນີ້້ບໍ່ຈຳເປັນຕ້ອງມີການຢືນຢັນຕົວຕົນ ເຊິ່ງນັ້ນກໍ່ໝາຍຄວາມວ່າທຸກຄົນແມ່ນກະທັ້ງຊາວຕ່າງຊາດກໍ່ຍັງສາມາດໃຊ້ໄດ້ (ອັນນີ້ຄັກສຸດ).

 

Be the first to comment

Leave a Reply

Your email address will not be published.


*