ຍີປຸ່ນ ລ້ຳອີກຂັ້ນ ອອກພັນທະບັດເປັນ Bitcoin ໃຫ້ຊື້ແລ້ວ

ສະຖາບັນການເງິນຂອງປະທດຍີ່ປຸ່ນຖືເປັນວ່າເປັນຕົ້ນແບບທາງຄວາມຄິດໃນການລິເລີ່ມສິ່ງໃໝ່ໆທາງດ້ານນະວັດຕະກຳຢູ່ສະເໝີ ແລະ ຫຼ້າສຸດ  Fisco ເຊິ່ງເປັນບໍລິສັດດ້ານການເງິນສັນຊາດຍີ່ປຸ່ນກໍ່ໄດ້ອອກກາສານໜີ້ (ພັນທະບັດ) ເປັນ Bitcoin ມາໃຫ້ເຫັນແລ້ວ.

ປັດຈຸບັນ ຍີ່ປຸ່ນ ກຳລັງນຳໜ້າຫຼາຍໆປະເທດ ໃນການເຮັດໃຫ້ Bitcoin ກາຍເປັນເລື່ອງທີ່ຖືກກົດໝາຍ ເຊິ່ງແອດມີນເຄີຍລາຍງານຂ່າວກ່ຽວກັບເລື່ອງນີ້ໄປແລ້ວ ຍັງບໍ່ພໍເທົ່ານັ້ນກົດໝາຍຂອງຍີ່ປຸ່ນຍັງໄດ້ສັ່ງຍົກເລີກພາສີຜູ້ບໍລິໂພກ 8% ອີກດ້ວຍ ຖ້າຫາກມີການນຳໃຊ້ Bitcoin ເປັນຊ່ອງທາງໃນການຊຳລະເງິນແທນສະກຸນເງິນຫຼັກ (ເຢນ) ແລະ ດ້ວຍສາເຫດເຫຼົ່ານີ້ເອງເຮັດໃຫ້ ຍີ່ປຸ່ນ ກາຍເປັນປະທດໜຶ່ງທີ່ມີປະລິມານການຊື້-ຂາຍ (Volume) Bitcoin  ສູງກວ່າໝູ່ໃນໂລກ.

ຄວາມຈິງແລ້ວກໍ່ບໍ່ແມ່ນເລືອກແປກໃໝ່ແຕ່ຢ່າງໃດທີ່ ບໍລະສັດ Fisco ກຳລັງນຳໜ້າສະຖາບັນການເງິນອື່ນໆດ້ວຍການທົດສອບການອອກພັນທະບັດ Bitcoin ເຊິ່ງອ້າງອີງຈາກສຳນັກຂ່າວ Bloomberg ນັ້ນ  Fisco ໄດ້ອອກກາສານໜີ້ແບບ 3 ປີ ເປັນມູນຄ່າເຖິງ 200 ບິທຄອຍນ໌ ໃຫ້ກັບບໍລິສັດອີກແຫ່ງໜຶ່ງ ໂດຍພັນທະບັດດັ່ງກ່າວນັ້ນມີອັດຕາດອກເບ້ຍ 3% ຂະນະດຽວກັນບໍລິສັດກໍ່ຍັງມີແຜນການຈັດການໜີ້ສຳລັບ Bitcoin ໃຫ້ແກ່ລູກຄ້າຂອງພວກເຂົາຖ້າຫາກວ່າຕະຫຼາດ Bitcoin ເຕີບໃຫຍ່ຂຶ້ນໃນອະນາຄົດອີກດ້ວຍ.

ທ່າມກາງຄວາມສົນໃຈຂອງນັກລົງທຶນໃນສະຫະລັດທີ່ເລີ່ມຫັນມາໃຫ້ຄວາມສຳຄັນກັບ Bitcoin ກັນຫຼາຍຂຶ້ນ ແຕ່ກໍ່ຍັງບໍ່ທັນມີບໍລິສັດທາງດ້ານການເງິນໃດເລີຍທີ່ມີຜະລິດຕະພັນກ່ຽວກັບ Bitcoin ອອກມາໃຫ້ເຫັນ ທັ້ງໆທີ່ກໍ່ເປັນຕະຫຼາດໃຫຍ່ອັນດັບຕົ້ນໆຂອງໂລກ ເຖິງແມ່ນວ່າກ່ອນໜ້ານີ້ຈະມີຄວາມພະຍາຍາມໃນການອອກກອງທຶນ Bitcoin ETF ຂອງພາກເອກະຊົນກໍ່ຕາມ ແຕ່ກໍ່ຖືກ SEC ໃຫ້ການປະຕິເສດຢ່າງບໍ່ປານີ.

Be the first to comment

Leave a Reply

Your email address will not be published.


*