ຈີນ ເປີດຕົວສານໄຊເບີ້ (Cyber Court) ເພື່ອແກ້ໄຂຄະດີຄວາມອອນໄລນ໌

ເມື່ອວັນສຸກທີ່ຜ່ານມານີ້ (18 ສິງຫາ 2016) ລັດທະບານຈີນໄດ້ເປີດຕົວສານໄຊເບີ້ (Cyber Court) ໃຫ້ເລີ່ມດຳເນີນການເປັນຄັ້ງທຳອິດທີ່ເມືອງຫາງໂຈວ ມົນທົນເຈີ້ຈຽງ (Hangzhou Court of the Internet) ຫຼັງຈາກທີ່ມີປະເດັນຂໍ້ຂັດແຍ້ງໃນໂລກອອນໄລນ໌ເກີດຂຶ້ນເປັນຈຳນວນຫຼາຍ.

ຄະດີທີ່ສານນີ້ໃຫ້ຄວາມສຳຄັນຄືຂໍ້ຂັດແຍ້ງລະຫວ່າງພົນລະເມືອງໃນໂລກອອນໄລນ໌, ການລະເມີດລິຂະສິດ ແລະ ການຄ້າອອນໄລນ໌ (E-Commerce).

ຄະດີທຳອິດຫຼັງເປີດສານໄຊເບີ້ຄືການພິຈາລະນາຂໍ້ພິພາດໃນຄະດີການລະເມີດລິຂະສິດລະຫວ່າງນັກຂຽນອອນໄລນ໌ກັບບໍລິສັດທີ່ເຮັດເວັບໄຊທ໌ ເຊິ່ງການພິຈາລະນາຄະດີນີ້ໃຊ້ເວລາພຽງ 20 ນາທີເທົ່ານັ້ນ. ຖືໄດ້ວ່າເປັນການຮັກສາເວລາ ແລະ ຕົ້ນທຶນ ເນື່ອງຈາກທັງໂຈດ ແລະ ຈຳເລີຍບໍ່ຕ້ອງເສຍເວລາເດີນທາງມາສານແຕ່ຕ້ອງດຳເນີນການຜ່ານ Video Chat ໂດຍຈີນເລີ່ມທົດລອງການໄກ່ເກ່ຍຄະດີລັກສະນະນີ້ເມື່ອປີ 2016 ທີ່ຜ່ານມາ.

No Description

ເຖີງຢ່າງໃດກໍ່ຕາມນັກກົດໝາຍທາງດ້ານສິດທິມະນຸດ ນາມວ່າ ຫຼຽງ ສ່ຽວຈຸນ (Liang Xiaojun) ໃຫ້ທັດສະນະວ່າຖ້າຈະຖ່າຍທອດສົດຄະດີແບບນີ້ເທິງໂລກອອນໄລນ໌ອາດເປັນການບໍ່ເໝາະສົມ ເພາະຜູ້ທີ່ກ່ຽວພັນກັບຄະດີຕ່າງໆອາດບໍ່ຕ້ອງການເຜີຍແຜ່ຂໍ້ມູນສ່ວນຕົວຂອງຕົນເອງຕໍ່ສາທາລະນະ.

ເວັບໄຊທ໌ Phys.org ລະບຸວ່າ ຈີນ ເປັນແຫຼ່ງທີ່ຜູ້ໃຊ້ອິນເຕີເນັດສູງທີ່ສຸດໃນໂລກ, ເມື່ອປີທີ່ຜ່ານມາມີຜູ້ໃຊ້ງານອິນເຕີເນັດສູງເຖິງ 731 ລ້ານຄົນ ແລະ ການຄ້າອອນໄລນ໌ກໍ່ເປັນຕົວຂັບເຄື່ອນເສດຖະກິດຂອງຈີນອີກດ້ວຍ ໂດຍສະເພາະແມ່ນ Alibaba ທີ່ມີລຸກຄ້າໃຊ້ຈ່າຍອອນໄລນ໌ເຖິງ 1.7 ໝື່ນລ້ານໂດລາສະຫະລັດ.

ເຫດຜົນທີ່ເລືອກເມືອງຫາງໂຈວເປັນທີ່ຕັ້ງສານໄຊເບີ້ແຫ່ງທຳອິດນັ້ນ ແມ່ນຍ້ອນຫາງໂຈວຖືເປັນຫົວໃຈສຳຄັນຂອງ E-Commerce ຈີນ ທັງເປັນທີ່ຕັ້ງສຳນັກງານໃຫຍ່ຂອງ Alibaba ແລະ NetEase. ຕາມຫຼັກກົດໝາຍການພິຈາລະນາຄະດີແພ່ງຂອງຈີນນັ້ນ ການດຳເນີນຄະດີຄວາມຈະໃຊ້ສະຖານທີ່ອັນເປັນແຫຼ່ງທີ່ຢູ່ອາໃສຂອງຜູ້ຖືກຫາ ສານທີ່ຫາງໂຈວເຄີຍພິຈາລະນາຄະດີກ່ຽວກັບ E-Commerce ມາແລ້ວນັບບໍ່ຖ້ວນຕັ້ງແຕ່ປີ 2013 ຈາກ 600 ຄະດີ ເພີ່ມຂຶ້ນເປັນ 10,000 ຄະດີໃນປີ 2016.

Be the first to comment

Leave a Reply

Your email address will not be published.


*