ປະເທດການາດາ ເລີ່ມຕິດຕັ້ງຕູ້ ATM ສຳລັບ Ethereum ໃຫ້ຜູ້ຄົນທົ່ວໄປໃຊ້ງານແລ້ວ

ບໍລິສັດ LocalCoinATM ເຊິ່ງເປັນບໍລິສັດສັນຊາດ ການາດາ ມີສຳນັກງານໃຫຍ່ຕັ້ງຢູ່ເມືອງ Toronto ລັດ Ontario ເຊິ່ງເປັນຜູ້ຜະລິດຕູ້ ATM ສຳລັບເງິນດິຈິຕອລ (Cryptocurrency) ອັນດັບສອງຂອງໂລກ ຄື: “Ethereum” ໄດ້ທຳການຕິດຕັ້ງຕູ້ ATM ສຳລັບ Ethereum ໄປແລ້ວຫຼາຍເມືອງ.

ບັນດາເມືອງສຳຄັນຕ່າໆເຊັ່ນ: Toronto, Brampton ແລະ Etobicoke ໄດ້ກາຍເປັນຕົວເມືອງສຳຄັນສຳລັບ ບໍລິສັດ LocalCoinATM ທີ່ເລືອກຕິດຕັ້ງຕູ້ ATM ສຳລັບ Ethereum ໂດຍບັນດາຕູ້ ATM ເຫຼົ່ານັ້ນຈະຖືກຕິດຕັ້ງຕາມຮ້ານສະດວກຊື້ທີ່ມີຜູ້ຄົນໜາແໜ້ນ ແລະ ບັນດາສະຖານທີ່ທີ່ຜູ້ຄົນນິຍົມກັນໄປມາຫາສູ່ ເຊິ່ງ LocalCoinATM ໄດ້ອອກມາປະກາດຢ່າງເປັນທາງການວ່າ:

“ພວກເຮົາຮູ້ສຶກຍິນດີ ແລະ ຕື່ນເຕັ້ນເປັນຢ່າງຍິ່ງທີ່ຈະປະກາດວ່າ ບໍລິສັດພວກເຮົາໄດ້ເພີ່ມການຮອງຮັບຫຼຽນ Ethereum ໃນຕູ້ ATM Bitcoin ທີ່ເມືອງ Toronto ແລະ GTA ເຊິ່ງອາດເວົ້າໄດ້ວ່າ ພວກເຮົາເປັນຜູ້ໃຫ້ບໍລິການຕູ້ ATM Ethereum ເຈົ້າທຳອິດໃນເມືອງ Toronto ໂດຍຫຼຽນ Ethereum ທີີ່ວ່ານີ້ເປັນສະກຸນເງິນດິຈິຕອລທີ່ກຳລັງປະຕິວັດວົງການ Cryptocurrency ດ້ວຍຄວາມສາມາດດ້ານ Smart Contract ຂອງມັນ”

ຜູ້ໃຊ້ງານ Ethereum ແລະ ນັກລົງທຶນສາມາດທີ່ຈະຊື້ Ethereum ຜ່ານຕູ້ ATM ນີ້ໄດ້ດ້ວຍເງິນສົດ ເຊິ່ງກໍ່ຄ້າຍຄືກັນກັບການເຮັດວຽກຂອງຕູ້ ATM Bitcoin ທຸກປະການ ຂະນະດຽວກັນຜູ້ໃຊ້ງານທີ່ຕ້ອງການຈະຂາຍ Ethereum ກໍ່ສາມາດທີ່ຈະທຳການໂອນຫຼຽນ Ethereum ຂອງຕົນເອງຜ່ານ address ທີ່ຕູ້ກຳນົດໃຫ້, ຫຼັງຈາກນັ້ນຕູ້ ATM ກໍ່ຈະປ່ອຍເງິນສົດອອກມາໃຫ້ໃນສະກຸນເງິນໂດລາການາດາ (CAD).

Be the first to comment

Leave a Reply

Your email address will not be published.


*