ການອັບເກຣດ Ethereum ໃຫ້ເປັນເວີຊັ່ນ Metropolis ອາດຖືກເລື່ອນໄປບໍ່ມີກຳນົດ

ເວັບໄຊທ໌ຊື່ດັງ CoinDesk ໄດ້ລາຍງານຂ່າວກ່ຽວກັບຫຼຽນດິຈິຕອລ Ethereum ວ່າກຳນົດວັນເວລາທີ່ຈະທຳການ hard fork ນັ້ນຍັງບໍ່ທັນຊັດເຈນເທື່ອ

ເຖິງຢ່າງໃດກໍ່ຕາມ ຂັ້ນຕອນຂອງການທົດສອບຕົວອັບເດດຫຼ້າສຸດນັ້ນຖືກປະກາດໃນງານປະຊຸມຂອງນັກພັດທະນາມື້ວານນີ້ ເຊິ່ງກ່ອນໜ້າແຜນການທີ່ຈະ hard fork ນັ້ນໄດ້ຖືກກຳນົດໄວ້ເປັນຊ່ວງເດືອນສິງຫາ ຫຼື ເດືອນກັນຍາ 2017 ນີ້ ແຕ່ກໍ່ຕ້ອງມີການເລື່ອນເວລາອອກໄປຢ່າງບໍ່ມີກຳນົດ ເພາະຍັງພັດທະນາບໍ່ທັນແລ້ວສົມບູນ. ຕົວອັບເດດ Metropolis ຖືເປັນແຜນການອັບເດດຕົວທີ 3 ໃນ 4 ຂອງທີມພັດທະນາຫຼັກ ເຊິ່ງການອັບເດດນີ້ຈະມີການເພີ່ມຄວາມສາມາດໃໝ່ໆໃຫ້ແກ່ລະບົບໂດຍລວມຂອງ Ethereum ໂດຍການ hard fork ດັ່ງກ່າວຈະຖືກແບ່ງອອກເປັນ 2 ໄລຍະ, ໄລຍະທຳອິດມີຊື່ວ່າ: Byzantium ແລະ ໄລຍະທີ 2 ມີຊື່ວ່າ: Constantinople.

ໃນງານປະຊຸມຂອງນັກພັດທະນາມື້ວານນີ້ໄດ້ປະກາດວ່າທາງທີມພັດທະນານັ້ນ ໄດ້ກຳນົດສະເປັກຂອງຕົວ Ethereum Improvement Protocols ໄວ້ເປັນທີ່ຮຽບຮ້ອຍແລ້ວ ເຊິ່ງນັ້ນກໍ່ໝາຍຄວາມວ່ານັກພັດທະນາມີຄວາມພ້ອມສຳລັບການດຳເນີນການຂັ້ນຕໍ່ໄປ ລວມເຖິງການທົດສອບການ fork ເທິງເຄືອຂ່າຍ test network ສ່ວນກຳນົດວັນ ແລະ ເວລາທີ່ແນ່ນອນຈະຖືກແຈ້ງໃຫ້ຮູ້ອີກຄັ້ງຖ້າຫາກການທົດສອບສຳເລັດລົງດ້ວຍດີ.

Be the first to comment

Leave a Reply

Your email address will not be published.


*