ຕະຫຼາດຫຼັກຊັບມົສກູ ກຽມເປີດບໍລິການຊື້-ຂາຍ ເງິນດິຈິຕອລ ໃນໄວໆນີ້

ເວັບໄຊທ໌ຊື່ດັງ Coin Telegraph ໄດ້ລາຍງານວ່າ “ຕະຫຼາດຫຼັກຊັບມົສກູ” (Moscow Stock Exchange) ຫຼື ຕະຫຼາດຫູກຊັບທີ່ໃຫຍ່ທີ່ສຸດໃນປະເທດລັດເຊຍກຳລັງວາງແຜນທີ່ຈະເປີດໃຫ້ບໍລິການຊື້-ຂາຍ-ແລກປ່ຽນ ສະກຸນເງິນດິຈິຕອລ.

ໂດຍທາງຕະຫຼາດຫຼັກຊັບຈະອອກກາສານອະນຸພັນ ແລະ ກອງທຶນ (ETF) ທີ່ມີການອ້າງອີງຈາກ cryptocurrency ອີກດ້ວຍ ເຊິ່ງໃນຂະນະນີ້ທາງຕະຫຼາດຫຼັກຊັບກຳລັງສ້າງ ແລະ ພັດທະນາລະບົບພາຍໃນເພື່ອໃຫ້ຮອງຮັບການເທຣດຫຼຽນ Bitcoin ແລະ ເງິນດິຈິຕອລສະກຸນອື່ນໆ.

ການລາຍງານນີ້ເກີດຂຶ້ນກ່ອນທີ່ລັດທະບານລັດເຊຍຈະໃຫ້ສຳພາດກັບສຳນັກຂ່າວແຫ່ງໜຶ່ງວ່າ: “ຈະແບນຄົນທີ່ບໍ່ຄູ່ຄວນຈາກການຊື້ຫຼຽນ cryptocurrency.

ອີງຕາມການລາຍງານຂອງສຳນັກຂ່າວລັດວິສາຫະກິດແຫ່ງໜຶ່ງນາມວ່າ Tass ນັ້ນ ທາງຕະຫຼາດຫຼັກຊັບໄດ້ຢືນຢັນວ່າ Platform ສຳລັບການຊື້-ຂາຍເງິນດິຈິຕອລ cryptocurrency ແບບ post-trading ໃຊ້ງານໄດ້ແລ້ວ.

ແຜນການດັ່ງກ່າວຂອງທາງ Moscow Stock Exchange ຄ້າຍກັບວ່າຈະສອດຄ່ອງກັບການທີ່ຮອງຜູ້ວ່າການກະຊວງການເງິນຂອງລັດເຊຍ ທ່ານ Alexei Moiseev ອອກມາກ່າວໄວ້ກ່ອນໜ້ານີ່ວ່າຈະເຮັດໃຫ້ Bitcoin ຖືກກົດໝາຍ ແລະ ມີສະຖານະເປັນຊັບສິນດ້ານການເງິນຮູບແບບໜຶ່ງ.

ຕະຫຼາດເງິນດິຈິຕອລໃນລັດເຊຍນັ້ນ ມີແນວໂນ້ມທີ່ຈະພັດທະນາໄປໃນທາງບວກເປັນສ່ວນຫຼາຍ ໂດຍຍັງມີຕະຫຼາດຫຼັກຊັບອີກສາຂາໜຶ່ງກໍ່ຄື St. Petersburg Stock Exchange ທີ່ມີແຜນຈະນຳເອົາສະກຸນເງິນດິຈິຕອລຂຶ້ນສູ່ຕະຫຼາດແລກປ່ຽນຂອງຕົນເອງອີກເຊັ່ນດຽວກັນ. ຕະຫຼາດດັ່ງກ່າວນັ້ນຖືເປັນອັນດັບ 3 ໃນປະເທດດ້ານປະລິມານການຊື້-ຂາຍ ແລະ ຍັງຖືໄດ້ວ່າເປັນຕະຫຼາດຫຼັກຊັບທີ່ໃຫຍ່ທີ່ສຸດນອກເມືອງຫຼວງຂອງລັດເຊຍນຳອີກ. ນອກຈາກນັ້ນ, ທາງລັດທະບານລັດເຊຍກໍ່ກຳລັງມີຄວາມພະຍາຍາມໃນການຜັກດັນຮ່າງກົດໝາຍກ່ຽວກັບສະກຸນເງິນດິຈິຕອລທີ່ພວກເຮົາທຸກຄົນອາດຈະໄດ້ເຫັນຜົນສະຫຼຸບໃນອີກບໍ່ດົນ.

Be the first to comment

Leave a Reply

Your email address will not be published.


*