ລື Amazon ອາດຈະເລີ່ມຮັບ Bitcoin ໃນເດືອນຕຸລາທີ່ຈະມາເຖິງນີ້

ເວລັໄຊທ໌ລາຍງານຂ່າວກ່ຽວກັບ Cryptocurrency ຊື່ດັງຢ່າງ Coin Telegraph ໄດ້ອອກມາລາຍງານຂ່າວລືກ່ຽວກັບ Amazon ທີີ່ຄາດວ່າຈະຮັບ Bitcoin ພາຍໃນເດືອນຕຸລາ 2017 ທີ່ຈະມາເຖິງນີ້

ຂ່າວລືດັ່ງກ່າວມາຈາກກເວັບໄຊທ໌ squawker.org ທີ່ລາຍງານຂ່າວວ່າເວັບຂາຍສິນຄ້າອອນໄລນ໌ຂະໜາດໃຫຍ່ຢ່າງ Amazon ມີເຫດຜົນດ້ານການເງິນທີ່ຕ້ອງຮັບ Bitcoin, ເຖິງຢ່າງໃດກໍ່ຕາມຂະນະນີ້ຍັງບໍ່ທັນມີການອອກມາປະກາດຢືນຢັນຢ່າງເປັນທາງການຈາກທາງ Amazon ເທື່ອ.

ການປະກາດດັ່ງກ່າວນັ້ນອາດຈະຟັງຄືຫຼາຍເກີນໄປແຕ່ກໍ່ເຖິງຂັ້ນເກີນຈິງ ເນື່ອງຈາກປັດຈຸບັນຮ້ານຂາຍຍ່ອຍສ່ວນໃຫຍ່ເລີ່ມທີ່ຈະຮັບບິທຄອຍນ໌ເປັນໜຶ່ງໃນຊ່ອງທາງການຊຳລະສິນຄ້າແລ້ວ ແລະ ການທີ່ Amazon ຈະໂດດລົງມາຮ່ວມກັບຕະຫຼາດດັ່ງກ່າວກໍ່ອາດບໍ່ແມ່ນເລື່ອງເສຍຫາຍຫຍັງ. ກ່ອນໜ້ານີ້ CEO ຂອງ Overstock ທ່ານ Patrick Byrne ໄດ້ກ່າວໄວ້ດັ່ງນີ້:

“ພວກເຂົາຈະຕ້ອງເດີນຕາມກະແສ ເຊິ່ງຂ້າພະເຈົ້າຈະແປກໃຈຫຼາຍຖ້າພວກເຂົາບໍ່ເຮັດຕາມ ເພາະວ່າພວກເຂົາບໍ່ສາມາດທີ່ຈະຍາດແຍ່ງສ່ວນນັ້ນຂອງຕະຫຼາດອອກຈາກເຮົາໄປ ຖ້າຫາກເຮົາເປັນພຽງເວັບຂາຍສິນຄ້າທີ່ຮັບ Bitcoin”

ບໍລິສັດ Overstock ເປັນບໍລິສັດອັນດັບຕົ້ນໆຂອງໂລກທີ່ຮັບ Bitcoin ຕັ້ງແຕ່ຊ່ວງປີ 2013 ໂດຍໃນທ້າຍປີ 2014 ພວກເຂົາໄດ້ຈັດການຄຳສັ່ງ Bitcoin ມູນຄ່າກວ່າ 3ໂລລາລວມກັນໝົດປີ ແລະ ທີ່ໜ້າສົນໃຈຄືໃນປີ 2015 ບໍລິສັດນີ້ໃຫ້ສິດແກ່ພະນັກງານຮັບເງິນເດືອນເປັນ Bitcoin ໄດ້ນຳ.

ການເຄື່ອນໄຫວດັ່ງກ່າວອາດຈະເປັນການເດີນຕາມຫຼັງບໍລິສັດ Overstock ລວມເຖິງບໍລິສັດຂະໜາດໃຫຍ່ອື່ນໆທີ່ໄດ້ນຳໜ້າໄປກ່ອນຫຼາຍກ້າວ ເຊິ່ງກ່ອນໜ້ານີ້ຄວາມເຫັນເທິງສື່ຊ່ວຍສອນຢ່າງ Google API ໄດ້ເຮັດໃຫ້ຫຼາຍຄົນມີຄວາມເຊື່ອວ່າບໍລິສັດຍັກໃຫຍ່ດັ່ງກ່າວຈະເລີ່ມຮັບ Bitcoin ພາຍໃນ Google Store ແລະ PayPal ກໍ່ເຊັ່ນດຽວກັນ.

ຊ່ວງລະດູຮ້ອນທີ່ຜ່ານມາມີການຮຽກລົງນາມລາຍຊື່ໃຫ້ CEO ຂອງ Amazon ຄືທ່ານ Jeff Bezos ເລີ່ມຮັບ cryptocurrency ເປັນໜຶ່ງໃນຊ່ອງທາງການໃຊ້ຈ່າຍ ເຊິ່ງຖ້າຫາກເປັນຄວາມຈິງ ພວກເຂົາກໍ່ໜ້າຈະອອກມາປະກາດໃນຊ່ວງວັນທີ 26 ຕຸລາ 2017 ໃນລະຫວ່າງການປະຊຸມສະຫຼຸບລາຍໄດ້ຂອງບໍລິສັດທີ່ຈະເຖິງນີ້.

Be the first to comment

Leave a Reply

Your email address will not be published.


*