ແອັພສົນທະນາຊື່ດັງຈາກເກົາຫຼີໃຕ້ KakaoTalk ຈັບມືກັບ Bittrex ເປີດເວັບເທຣດເງິນດິຈິຕອລໃນເດືອນໜ້າ

ຫຼັງການສັ່ງແບນເວັບເທຣດ Bitcoin ໃນຈີນ ສົ່ງຜົນໃຫ້ເວັບເທຣດລາຍໃຫຍ່ທຸກເວັບໃນປະເທດຕ້ອງປິດຕົວລົງພາຍໃນທ້າຍເດືອນໜ້າ ແລະ ການເກີດຂຶ້ນມາໃໝ່ຂອງເວັບເທຣດສັນຊາດເກົາຫຼີໃຕ້ລາຍນີ້ ຄ້າຍກັບຈະພິສູດໃຫ້ທາງລັດທະບານຈີນເຫັນວ່າການຊື້-ຂາຍເງິນດິຈິຕອລນັ້ນສາມາດທີ່ຈະມີຄວບຄູ່ໄປກັບກົດໝາຍໃນປະເທດໄດ້.

ເວັບເທຣດນາມວ່າ Upbit.com ຖືກກໍ່ຕັ້ງໂດຍຜູ້ໃຫ້ບໍລິການແອັພສົນທະນາລາຍໃຫຍ່ທີ່ສຸດໃນເກົາຫຼີໃຕ້ຢ່າງ KakaoTalk ຮ່ວມມືກັບ Bittrex ເວັບໃຫ້ບໍລິການຊື້-ຂາຍ cryptocurrency ທີ່ໃຫຍ່ທີ່ສຸດລາຍໜຶ່ງຂອງໂລກ.

ອີງຕາມການລາຍງານຂ່າວຂອງເກົາຫຼີໃຕ້ໃຫ້ຮູ້ວ່າ ທັງ 2 ບໍລິສັດໄດ້ທຳການເຊັນສັນຍາຮ່ວມມືກັນແບບພິເສດເພື່ອເປີດຕົວເວັບຊື້-ຂາຍເງິນດິຈິຕອລໃນເດືອນ ຕຸລາ 2017 ທີ່ຈະມາເຖິງນີ້ ເຖິງແມ່ນວ່າຈະບໍ່ມີການບອກເຖິງວັນເປີດຕົວຊັດເຈນກໍ່ຕາມ ແຕ່ປັດຈຸບັນຜູ້ໃຊ້ງານໃນປະເທດເກົາຫຼີໃຕ້ນັ້ນສາມາດທີ່ຈະເຂົ້າໄປລົງທະບຽນລໍຖ້າກ່ອນໄດ້.

ຄວາມໜ້າສົນໃຈຢູ່ທີ່ ໃນໜ້າເວັບ Upbit.com ນັ້ນຍັງໄດ້ມີການສະແດງໃຫ້ເຫັນເຖິງການເຮັດໃຫ້ບັນຊີຜູ້ໃຊ້ງານມີຄວາມປອດໄພດ້ວຍ OTP ແບບ 2-channel ຜ່ານລະບົບ Kakao Pay ເທິງແອັບ Kakao Talk ເຊິ່ງນັ້ນໝາຍຄວາມວ່າຜູ້ໃຊ້ງານໃນປະເທດເກົາຫຼີໃຕ້ສາມາດທີ່ຈະຝາກ ແລະ ຖອນເງິນຜ່ານແອັພດັ່ງກ່າວໄດ້ຢ່າງວ່ອງໄວອີກດ້ວຍ.

ອີກໜຶ່ງປະເດັນທີ່ໜ້າສົນໃຈເຊັ່ນດຽວກັນກໍ່ຄື ມີຜູ້ໃຊ້ງານຄົນໜຶ່ງໄດ້ທຳການ Tweet ຂໍ້ຄວາມຖາມ Crypto Korean  ເຊິ່ງເປັນຜູ້ລາຍງານຂ່າວກ່ຽວກັບ cryptocurrency ທີ່ໄດ້ມີການ “ຂໍຮ້ອງ” ໃຫ້ເວັບເທຣດ Upbit ເພີ່ມຫຼຽນ OmiseGO (OMG) ລົງໄປນຳ ເນື່ອງຈາກຫຼຽນ OmiseGO ນັ້ນກຳລັງເປັນທີ່ນິຍົມສູງໃນປັດຈຸບັນ.

Be the first to comment

Leave a Reply

Your email address will not be published.


*