AMD ເປີດຕົວ “ກາດຈໍລຸ້ນໃໝ່” ຂາຍກ້ຽງພາຍໃນ 5 ນາທີ

ຜູ້ຜະລິດກາດຈໍຍີ່ຫໍ້ AMD ໄດ້ເປີດຕົວກາດຈໍລຸ້ນໃໝ່ (GPU) ຕົ້ນອາທິດນີ້ ແລະ ຜະລິດຕະພັນດັ່ງກ່າວກໍ່ຂາຍໝົດກ້ຽງພຽງ “ບໍ່ເທົ່າໃດນາທີ”.

ລູກຄ້າຂອງ AMD ຫຼາຍຄົນຕ່າງກໍ່ລໍຄອຍການເປີດຕົວຂອງ Vega 56 (ຊື່ລຸ້ນກາດຈໍ) ທີ່ກ່ອນໜ້ານີ້ເຄີຍເປີດຕົວໃນຕະຫຼາດອອນໄລນ໌ຢ່າງ Newegg ແລະ Ebay ເມື່ອວັນທີ 28 ສິງຫາທີ່ຜ່ານມາ ເຊິ່ງກໍ່ເປັນໄປຕາມທີ່ຄາດໄວ້ ເນື່ອງຈາກຄວາມນິຍົມຂອງມັນເຮັດໃຫ້ກາດຈໍລຸ້ນດັ່ງກ່າວຂາຍໝົດພາຍໃນເວລາພຽງ 5 ນາທີີທຳອິດທີ່ເປີດຕົວເທົ່ານັ້ນ.

ເຖິງນີ້ຈະເປັນຂ່າວດີ ແຕ່ມັນກໍ່ເປັນຂ່າວດີທີ່ມາພ້ອມກັບຂ່າວຮ້າຍ ເພາະວ່າທາງຜູ້ຜະລິດນັ້ນກຳລັງເກີດບັນຫາໃນຂະບວນການຜະລິຄື ວັດຖຸດິບທີ່ນຳມາໃຊ້ໃນການຜະລິດ Vega ນັ້ນມີບໍ່ພຽງພໍ (ກາດຈໍທີ່ເປີດຕົວໃໝ່ມີ 2 ລຸ້ນ ໄດ້ແກ່ Vega ແລະ Vega 56) ຂະນະດຽວກັນກໍ່ມີຂ່າວລືວ່າຮ້ານຄ້າຍ່ອຍອາດຈະໃຊ້ໂອກາດນີ້ໃນການກັກຕຸນສິນຄ້າແລ້ວຂຶ້ນລາຄາເພື່ອຫາສ່ວນຕ່າງຈາກກຳໄລອັນເກີດຈາກປະລິມານອຸປະສົງທີ່ມີຢ່າງລົ້ນເຫຼືອໃນເວລານີ້.

ວິກິດການ “ກາດຈໍຂາດຕະຫຼາດ” ຫຼື ກາດຈໍມີລາຄາສູງຂຶ້ນນັ້ນແມ່ນຍ້ອນກະແສການຂຸດເງິນດິຈິຕອລນັ້ນພຸ່ງສູງຂຶ້ນ ຍິ່ງລາຄາຕໍ່ໜ່ວຍຂອງສະກຸນເງິນດິຈິຕອລປະເພດຕ່າງໆສູງຂຶ້ນຫຼາຍເທົ່າໃດ ຄວາມເປັນໄປໄດ້ທີ່ລາຄາກາດຈໍຈະສູງຂຶ້ນກວ່ານີ້ກໍ່ຍິ່ງມີຫຼາຍ.

 

Be the first to comment

Leave a Reply

Your email address will not be published.


*