CryptoCurrency ຫຼື ເງິນດິຈິຕອລ ແມ່ນຫຍັງ?

ຊົ່ວໂມງນີ້ ໃຜທີ່ບໍ່ຮູ້ຈັກ ຫຼື ບໍ່ສຶກສາກ່ຽວກັບ CryptoCurrency ຖືວ່າທ່ານນັ້ນພາດຢ່າງມະຫັນ ເພາະວ່າມັນເປັນວິທີການຫາເງິນທີ່ງ່າຍທີ່ສຸດໃນໂລກແລ້ວກໍ່ວ່າໄດ້ ແມ່ນແຕ່ເດັກນ້ອຍທີ່ບໍ່ໄດ້ຮໍ່າຮຽນທາງດ້ານການເງິນ-ການທະນາຄານມາກ່ອນກໍ່ຍັງກາຍເປັນເສດຖີມາແລ້ວຫຼາຍຕໍ່ຫຼາຍຄົນ.

ຖ້າທ່ານທີ່ເຄີຍອ່ານບົດຄວາມກ່ຽວກັບ ເສດຖີນ້ອຍມໍຕົ້ນທີ່ລໍ່າລວຍໝື່ນລ້ານຈາກບິທຄອຍນ໌ ທ່ານຈະເຂົ້ະເຂົ້າໃຈວ່າເສັ້ນທາງການຫຼຸດພົ້ນອອກຈາກຄວາມທຸກຍາກນັ້ນບໍ່ໄດ້ຢູ່ໄກເກີນເອື້ອມ ຂໍພຽງທ່ານມີຄວາມມຸ່ງມານະ, ໝັ່ນຄົ້ນຫາ, ໝັ່ນເຝິກຝົນ ແລະ ບໍ່ລົ້ມເລີກແນວຄິດງ່າຍໆ ແອດມີນເຊື່ອວ່າ “ທ່ານກໍ່ຈະກາຍເປັນອີກໜຶ່ງຄົນທີ່ປະສົບຄວາມສຳເລັດໃນຊີວິດ”.

ໃນບົດຄວາມນີ້ ແອດມີນຕັ້ງໃຈທີ່ຈະມາໃຫ້ຄວາມຮູ້ກ່ຽວກັບ CryptoCurrency (ອ່ານອອກສຽງວ່າ “ຄຣິບໂຕເຄີເຣນຊີ”) ເພື່ອທ່ານທີ່ມີຄວາມສົນໃຈ (ທ່ານໃດທີ່ຮູ້ແລ້ວກໍ່ຂ້າມບົດຄວາມນີ້ໄປໄດ້ເລີຍ) ວ່າ “CryptoCurrency” ນັ້ນມັນແມ່ນຫຍັງ? ແລະ ມັນມີຄວາມສຳຄັນຄືແນວໃດ?

CryptoCurrency ແປເປັນພາສາລາວວ່າ “ເງິນດິຈິຕອລ” ໝາຍເຖິງ:

  • ຄຳວ່າ “Crypto” ຫຍໍ້ມາຈາກ Cryptography ທີ່ໝາຍເຖິງການເຂົ້າລະຫັດ
  • ສ່ວນຄຳວ່າ Currency ນັ້ນກໍ່ໝາຍເຖິງ “ສະກຸນເງິນ”

ເມື່ເອົາ 2 ຄຳນີ້ມາລວມກັນເຮົນເຮົາຈະໄດ້ຄຳວ່າ: “CryptoCurrency” ທີ່ໝາຍເຖິງສະກຸນເງິນທີ່ມີການເຂົ້າລະຫັດ. ຄຳວ່າ: “ເຂົ້ົາລະຫັດ” ໃນທີ່ນີ້ບໍ່ແມ່ນການນຳເອົາເງິນເຈ້ຍໄປໃສ່ໃນຕູ້ເຊບແລ້ວໃສ່ລະຫັດລ໋ອກໄວ້ເພື່ອບໍ່ໃຫ້ຄົນມາລັກເອົາໄປ ມັນຄົນລະຢ່າງກັນ, ການເຂົ້າລະຫັດ (Encrypt) ທີ່ແອດມີນກຳລັງກ່າວເຖິງນີ້ເປັນການເຂົ້າລະຫັດທາງຄັອມພິວເຕີທີ່ຕ້ອງອາໃສການຄຳນວນດ້ວຍວິທີທາງຄະນິດສາດເຊິ່ງມີຄວາມຊັບຊ້ອນຫຼາຍ ແລະ ການຖອດລະຫັດ (Decrypt) ກໍ່ເຮັດໄດ້ລຳບາກເຖິງລຳບາກທີ່ສຸດເພາະຕ້ອງໃຊ້ເວລາ ອີກທັງຄວາມຮູ້ສະເພາະທາງເທົ່ານັ້ນຈິ່ງຈະເຮັດໄດ້.

ເທັກໂນໂລຢີການເຂົ້ົາລະຫັດທາງຄັອມພິວເຕີເຮົາເອີ້ນກັນວ່າ: “ດິຈິຕອລ” ເນື່ອງຈາກມັນຈຳເປັນທີ່ຈະຕ້ອງເຮັດວຽກຜ່ານເຄື່ອງຄັອມພິວເຕີ ຫຼື ອຸປະກອນພົກພາທີ່ເຊື່ອມໂຍງຜ່ານເຄືອຂ່າຍອິນເຕີເນັດເທົ່ານັ້ນ. ດ້ວຍເຫດນີ້, ເມື່ອເຮົານຳມັນມາໃຊ້ກັບ “ເງິນ” ມັນຈິ່ງຖືກຮຽກວ່າ: “ເງິນດິຈິຕອລ” ນັ້ນເອງ.

DigitalCurrency = Cryptocurrency=ເງິນດິຈິຕອລ

ເງິນດິຈິຕອລ ຖືກຄົ້ນຄວ້າ ແລະ ພັດທະນາຂຶ້ນໂດຍນັກຄະນິດສາດຊື່ດັງນາມວ່າ “ຊາໂຕຊິ ນາກາໂມໂຕະ” ໃນປີ 2009 ເຊິ່ງເງິນດິຈິຕອລສະກຸນທຳອິດຂອງໂລກຖືກເອີ້ນວ່າ: “ບິທຄອຍນ໌” ນັ້ນເອງ. ບິທຄອຍນ໌ (Bitcoin: BTC) ຖືກສ້າງຂຶ້ນມາດ້ວຍແນວຄິດຫຼັກໆຄືສູ້ຢັນກັບທະນາຄານ ເນື່ອງຈາກການໂອນເງິນຂ້າມປະເທດແມ່ນຈຳເປັນທີ່ຈະຕ້ອງເຮັດຜ່ານທະນາຄານຢ່າງດຽວ ເຊິ່ງຈຸດນີ້ລູກຄ້າທີ່ຕ້ອງການໂອນເງິນໄປຕ່າງປະເທດຈະຕ້ອງຈ່າຍຄ່າທຳນຽມສູງຫຼາຍ. ສະນັ້ນ, ບິທຄອຍນ໌ ຈິ່ງເປັນແນວຄິດທີ່ຈະມາຕໍ່ສູ້ກັບຄ່າທຳນຽມນັ້ນ ເຮັດໃຫ້ຜູ້ໃຊ້ງານບິທຄອຍນ໌ສາມາດສົ່ງເງິນຫາກັນໄປໄດ້ທົ່ວໂລກດ້ວຍຄ່າທຳນຽມທີ່ຕາໍ່ສຸດໆ ອີກທັງຍັງໃຊ້ເວລາພຽງໜ້ອຍດຽວກໍ່ເຖິງມືຜູ້ຮັບປາຍທາງແລ້ວ.

ຂໍ້ດີຂອງບິທຄອຍນ໌ ຄືມັນມີຄວາມສະດວກ, ວ່ອງໄວ, ປອດໄພ ເນື່ອງຈາກມັນເຮັດວຽກຢູ່ເທິງລະບົບ ບຼ໋ອກເຊນ (Blockchain) ທີ່ມີຄວາມເຊື່ອມໂຍງກັນທົ່ວໂລກໂດຍອາໃສຄັອມພິວເຕີ ຫຼື ອິນເຕີເນັດເປັນຕົວປະມວນຜົນ. ສະນັ້ນ, ຈິ່ງເຮັດໃຫ້ບິທຄອຍນ໌ກາຍເປັນຕົ້ນແບບທາງແນວຄວາມຄິດໃຫ້ກັບເງິນດິຈິຕອລສະກຸນອື່ນໆເກີດຂຶ້ນປານດອກເຫັດກວ່າ 1065 ສະກຸນໃນປັດຈຸບັນ (ອ້າງອີງຈາກ Coinmarketcap) ແລະ ເຮັດໃຫ້ບິທຄອຍນ໌ກາຍເປັນເງິນດິຈິຕອລອັນດັບ 1 ຂອງໂລກດ້ວຍມູນຄ່າຕໍ່ 1 ບິທ ຢູ່ທີ່ 4,297 ໂດລາສະຫະລັດ.

ແຕ່ເຖິງຢ່າງໃດກໍ່ຕາມບິທຄອຍນ໌ນັ້ນກໍ່ມີຂໍ້ຈຳກັດຢູ່ຫຼາຍດ້ານເຊັ່ນ: ມັນຖືກກຳນົດໃຫ້ມີພຽງ 21 ລ້ານບິທເທົ່ານັ້ນ (ເຊິ່ງໃນການໃຊ້ງານຕົວຈິງແມ່ນບໍ່ພຽງພໍກັບຄວາມຕ້ອງການ), ຂະໜາດຂອງ Block ມີໜ້ອຍເຊິ່ງເຮັດໃຫ້ການໂອນບິທອອກຫາກັນນັ້ນໃຊ້ເວລາດົນຂຶ້ນເລື້ອຍໆ, ມັນມີມູນຄ່ານັບມື້ນັບສູງຂຶ້ນຍ້ອນປະລິມານອຸປະສົງມີເກີນກວ່າອຸປະທານທີ່ຈະສາມາດສະໜອງໃຫໄດ້.

ໝາຍເຫດ: ຫົວໜ່ວຍນ້ອຍສຸດຂອງບິທຄອຍນ໌ເອີ້ນວ່າ: “ຊາໂຕຊິ” ຕາມຊື່ຂອງບິດາແຫ່ງບິທຄອຍນ໌

Be the first to comment

Leave a Reply

Your email address will not be published.


*