Ford Motor ກຽມປົດພະນັກງານຈຳນວນ 1000 ກວ່າຄົນ ໃນ 5 ປີຂ້າງໜ້າ

ຟອດ ມໍເຕີ (Ford Motor) ຜູ້ຜະລິດລົດລາຍໃຫຍ່ຊື່ດັງຈາກສະຫະລັດ ປະກາດກຽມປົດພະນັກງານຈຳນວນ 1,100 ຄົນ ໃນ 5 ປີຂ້າງໜ້າທີ່ໂຮງງານຜະລິດລົດໃນເມືອງ ເວລ (Wales) ປະເທດອັງກິດ

ເພື່ອໃຫ້ເຫຼືອພະນັກງານພຽງ 600 ຄົນເທົ່ານັ້ນ. ສາເຫດກໍ່ແມ່ນເນື່ອງມາຈາກການທີ່ອັງກິດໄດ້ຖອນຕົວອອກຈາກກຸ່ມເອີໂຣ (ອີຢູ) ເຮັດໃຫ້ພາບພົດ ແລະ ຄວາມໜ້າເຊື່ອຖືຕໍ່ກັບສັກກະຍະພາບຂອງເຄື່ອງຈັກໃນຕະຫຼາດລົດໃຫຍ່ເສື່ອມຖອຍ.

ໃນຂະນະດຽວກັນ, ທາງຝັ່ງຄູ່ແຂ່ງຄື ໂຕໂຍຕາ (TOYOTA Motor Corporation) ບໍລິສັດຍັກໃຫຍ່ອັນດັບ 2 ຂອງໂລກເຊື້ອສາຍຍີ່ປຸ່ນ ກໍ່ປະກາດປັບຫຼຸດຈຳນວນກຳມະການໃນຄະນະກຳມະການບໍລິຫານຈາກ 11 ຄົນ ເຫຼືອພຽງ 9 ຄົນ ເພື່ອຫວັງຈະໃຫ້ຂອດການບໍລິຫານເປັນໄປໄດ້ໄວຂຶ້ນກວ່າເກົ່າ ແລະ ກໍ່ເພື່ອເປັນການຮອງຮັບກັບການແຂ່ງຂັນໃນຕະຫຼາດລົດໃຫຍ່ທົ່ວໂລກທີ່ນັບມື້ນັບຮຸນແຮງຂຶ້ນ.

Be the first to comment

Leave a Reply

Your email address will not be published.


*