Twitter ພົບບັນຊີຕ້ອງສົງໃສເກືອບ 200 ບັນຊີທີ່ຄາດວ່າມີຄວາມກ່ຽວຂ້ອງກັບການເລືອກຕັ້ງ Donald Trump

ຈາກກໍລະນີ ບັນຊີ Facebook ປອມປ່ອຍໂຄສະນາໃນຊ່ວງເລືອກຕັ້ງຂອງສະຫະລັດ ໄດ້ຈຸດຂະນວນກະແສຂ່າວປອມທີ່ຊ່ວຍໃຫ້ Donald Trump ຊະນະການເລືອກຕັ້ງໃຫ້ກັບມາອີກຄັ້ງ ແລະ ກໍ່ຄ້າຍກັບວ່າຈະຖືກຈັບຈ້ອງໄປທີ່  Facebook ຫຼາຍເປັນພິເສດ.

ຫຼ້າສຸດ Twitter ອອກມາເປີດເຜີຍວ່າໄດ້ເຂົ້າເຈລະຈາກັບຄະນະກຳມະການລັດຖະສະພາເລື່ອງການສືບສວນຫາຫຼັກຖານການແຊກແຊງຂອງລັດເຊຍໃນການເລືອກຕັ້ງປະທານາທິບໍດີສະຫະລັດ ປີ 2016 ເຊິ່ງທ່ານ Colin Crowell ຮອງປະທານຝ່າຍນະໂຍບາຍສາທາລະນະຂອງ Twitter ໄດ້້ເຂົ້າຫາລືກັບຄະນະກຳມະການຂ່າວກອງ ຫຼື House Permanent Select Committee on Intelligence ລວມທັງເຜີຍຂໍ້ສົງໃສຂອງຜົນການສືບສວນພາຍໃນເປັນຕົວເລກປະມານການ.

Twitter ກ່າວວ່າ ຈາກບັນຊີໜ້າສົງໃສໃນ Facebook ປະມານ 450 ບັນຊີ ມີປະມານ 22 ບັນຊີທີ່ກ່ຽວຂ້ອງກັບ Twitter ນຳ. ບັນຊີີເຫຼົ່ານັ້ນຖືກລະງັບການໃຊ້ງານເປັນທີ່ຮຽບຮ້ອຍແລ້ວ ແລະ ຈາກການສອບສວນຕໍ່ຍັງພົບວ່າມີອີກປະມານ 179 ບັນຊີທີ່ເຊື່ອມໂຍງກັນ ແລະ ມີການລະເມີດກົດຂອງ Twitter ແຕ່ທາງບໍລິສັດລະບຸວ່າບັນຊີກຸ່ມດັ່ງກ່າວບໍ່ໄດ້ຈົດທະບຽນເປັນຜູ້ຊື້ໂຄສະນາເທິງ Platform ໂຄສະນາຂອງບໍລິສັດ.

ຂະນະດຽວກັນ Twitter ຍັງໄດ້ໂພສຂໍ້ຄວາມຜ່ານ Blog ຕື່ມວ່າ ຄະນະກຳມະການຂ່າວກອງຂອງສະຫະລັດອອກລາຍງາເມື່ອຕອນຕົ້ນປີ ໂດຍເລັງໃສ່ກຸ່ມ RT (Russia Today) ເປັນພິເສດ ເນື່ອງຈາກຄາດວ່າມີສ່ວນກ່ຽວຂ້ອງກັບລັດທະບານລັດເຊຍ ແລະ ແຊກແຊງການເລືອກຕັ້ງສະຫະລັດໃນປີ 2016. ສ່ວນບັນຊີ Twitter ທີ່ອາດເຊື່ອມໂຍງກັບກຸ່ມ RT ຕາມທີ່ໄດ້ກວດສອບມາ ມີ 3 ບັນຊີຄື: @RT_com, @RT_America, ແລະ @ActualidadRT ເຊິ່ງທາງ Twitter ກ່າວວ່າທັງ 3 ບັນຊີດັ່ງກ່າວໄດ້ທຳການໂປຣໂມທຂໍ້ຄວາມເທິງ Twitter ຈຳນວນ 1,823 ລາຍການ ແລະ ໜ້າຈະມຸ່ງເປົ້າໄປທີ່ຕະຫຼາດຜູ້ໃຊ້ເຊິ່ງອາໃສຢູ່ໃນສະຫະລັດເປັນຫຼັກ ໂດຍກຸ່ມສື່ທີ່ເຊື່ອມໂຍງກັບລັດທະບານລັດເຊຍໄດ້ໃຊ້ເງິນໂຄສະນາ 274,100 ໂດລາເພື່ອປະຊາສຳພັນ ແລະ ເຜີຍແຜ່ຂ່າວສານ.

ດ້ານຄວາມປອດໄພ ແລະ Spam ນັ້ນທາງບໍລິສັດລະບຸວ່າເທັກໂນໂລຢີຂອງທາງ Twitter ສາມາດກວດຈັບບັນຊີຫຼອກລວງໄດ້ຫຼາຍກວ່າ 3.2 ລ້ານບັນຊີຕໍ່ອາທິດ ເພາະບໍລິສັດພັດທະນາລະບົບການກວດສອບຢ່າງຕໍ່ເນື່ອງ ພ້ອມກັບຢືນຢັນຂໍ້ມູນຕົວເລກໃຫ້ແກ່ຜູ້ຖືຮຸ້ນໂດຍບໍ່ໄດ້ລວມເອົາ “ບັນຊີຜີີ” ເຂົ້ານຳ.

Be the first to comment

Leave a Reply

Your email address will not be published.


*