Walmart ຈັບມືກັບ Google ບຸກຕະຫຼາດ e-commerce ຜ່ານບໍລິການ Google Express

Walmart ໄດ້ບັນລຸຂໍ້ຕົກລົງກັບ “Google Express” ບໍລິການ Shopping ອອນໄລນ໌ຂອງກູເກິ້ລ ຕັ້ງແຕ່ເດືອນໜ້າເປັນຕົ້ນໄປ

Walmart ຮ້ານຂາຍເຄື່ອງຍ່ອຍລາຍໃຫຍ່ຊື່ດັງຂອງອາເມລິກາທີ່ມີສາຂາຢູ່ຫຼາຍປະເທດ ປະກາດຮ່ວມມືທາງທຸລະກິດກັບ Google ເພື່ອໃຊ້ບໍລິການ Google Express ເປັນຕົວຍົກລະດັບການຂັບເຄື່ອນທຸລະກິດໄປອີກຂັ້ນ ເຊິ່ງຂໍ້ຕົກລົງທີ່ໄດ້ເຮັດກັບ  Google ນັ້ນແມ່ນເຮັດໃຫ້

  • Walmart ສາມາດບັນຈຸສິນຄ້າຫຼາຍແສນລາຍການເຂົ້າໄປໃນ Google Express ແລະ ສາມາດເຂົ້າເຖິງເທັກໂນໂລຢີການສັ່ງຊື້ດ້ວຍສຽງຜ່ານ Platform ຂອງກູເກິ້ລນຳ.
  • ຜູ້ບໍລິໂພກສາມາດສັ່ງຊື້ສິນຄ້າຈາກຫ້າງ Walmart ໄດ້ໂດຍການເວົ້າຜ່ານ “ຕົວຊ່ວຍສະເໝືອນຈິງ” (Google Assistant) ທີ່ຕິດຕັ້ງໃນໂທລະສັບ ລວມເຖິງລຳໂພງທີ່ຄວບຄຸມດ້ວຍສຽງຂອງ Google ຕະຫຼອດເຖິງອຸປະກອນອື່ນໆອີກໃນອະນາຄົດ.
  • ສຳລັບ Google ແມ່ນຈະໄດ້ຮັບ “ປະຫວັດການສັ່ງຊື້ຂອງລູກຄ້າ” ຂອງທາງ Walmart ທັງນີ້ກໍ່ເພື່ອອຳນວຍຄວາມສະດວກໃຫ້ແກ່ຜູ້ໃຊ້ທີ່ຕ້ອງການສັ່ງຊື້ສິນຄ້າປະເພດເກົ່າອີກຄັ້ງ.

ປັດຈຸບັນ ພຶດຕິກຳການຊື້ເຄື່ອງອອນໄລນ໌ດ້ວຍສຽງກຳລັງໄດ້ຮັບຄວາມນິຍົມຢ່າງໄວວາ ແລະ ມີຄວາມສຳຄັນຫຼາຍຂຶ້ນເລື້ອຍໆໃນໂລກ e-commerce ຍຸກໃໝ່ ສົ່ງຜົນໃຫ້ Walmart ແລະ Google ຈຳເປັນຕ້ອງຮ່ວມແຮງຮ່ວມໃຈກັນເພື່ອແຂ່ງຂັນກັບ Amazon ທີ່ມີອຸປະກອນສະເໝືອນຈິງໄວ້ເປັນຕົວຊ່ວຍຢ່າງ “ອາເລັກຊາ” (Alexa) ແລະ ລຳໂພງອັດສະລິຍະ “ເອໂຄ່” (echo).

Be the first to comment

Leave a Reply

Your email address will not be published.


*