Warren Buffett ຢືນຢັນ! ເສດຖະກິດຂອງສະຫະລັດຟື້ນຕົວດີຂຶ້ນ

Warren  Buffett (ວໍເຣັນ ບັບເຟັທ) ນັກທຸລະກິດ ແລະ ຍັງເປັນມະຫາເສດຖີອັນດັບ 2 ຂອງໂລກ ຊີອີໂອຂອງບໍລິສັດ ເບີກໄຊ ຮາທາເວ ອິ້ງຄ໌ (Berkshire Hathaway Inc.)

ໄດ້ເປີດເຜີຍວ່າ, ທ່ານໄດ້ລົງທຶນຊື້ຮຸ້ນຂອງບໍລິສັດ Apple Inc. ຈຳນວນ 120 ລ້ານຮຸ້ນຕັ້ງແຕ່ຕົ້ນປີນີ້ ຂະນະດຽວກັນທ່ານກໍ່ຍັງໄດ້ຢັ້ງຢືນວ່າເສດຖະກິດ ແລະ ຕະຫຼາດຮຸ້ນຂອງສະຫະລັດບໍ່ມີພາວະຟອງສະບູ່ (Bubble Economy) ອີກທັງຮຸ້ນຍັງມີລາຄາຖືກ ໂດຍນັກລົງທຶນສາມາດໄວ້ວາງໃຈເຂົ້າມາລົງທຶນ ແລະ ເສດຖະກິດຂອງສະຫະລັດມີທ່າຟື້ນຕົວດີຂຶ້ນຫຼັງ ປະທານາທິບໍດີ ໂດນັລ ທຣັມພ໌ ຂຶ້ນຮັບຕຳແໜ່ງ.

ພ້ອມກັນນັ້ນ. ທາງຝັ່ງເອີຣົບ ຫຼື ເອີໂຣໂຊນ (ຢູໂຣໂຊນ) ປະກາດໃຫ້ຮູ້ວ່າ ດັດສະນີເຊື່ອໝັ້ນຜູ້ບໍລິໂພກກຸ່ມເອີໂຣໂຊນໃນເດືອນກຸມພານີ້ ແຕະ 108 ຈຸດ, ເປັນສະຖິຕິສູງສຸດໃນຮອບ 6 ປີ, ຍ້ອນຜູ້ບໍລິໂພກ 19 ປະເທດໃນກຸ່ມເອີໂຣໝັ້ນໃຈພາວະເສດຖະກິດຟື້ນຕົວ, ພາວະການຈ້າງງານຕໍ່າລົງ ແລະ ຍັງເບິ່ງວ່າການເລືອກຕັ້ງຂອງຜູ້ນຳສູງສຸດຂອງຫຼາຍປະເທດໃນກຸ່ມ ແມ່ນບໍ່ມີຜົນກະທົບຕໍ່ກັບເສດຖະກິດມະຫາພາກ.

ກົງກັນຂ້າມ, ທາງຝັ່ງລາຊະອານາຈັກ ຫຼື ອັງກິດ, ສຳນັກຂ່າວກາງຂອງອັງກິດໄດ້ລາຍງານຈາກນະຄອນຫຼວງລອນດອນໃຫ້ຮູ້ວ່າ ນັບຕັ້ງແຕ່ທີ່ອັງກິດປະກາດຖອນຕົວອອກຈາກການເປັນສະມາຊິກກຸ່ມເອີໂຣ ເຮັດໃຫ້ສະກຸນເງິນປອນຂອງອັງກິດເມື່ອທຽບກັບເງິນໂດລາສະຫະລັດ ແລະ ທຽບກັບເງິນເອີໂຣຕໍ່າຄາລົງ ແລະ ຖືກເທຂາຍຢ່າງໜັກໃນຄືນທີ່ຜ່ານມາ ຕົກຈາກ 0.7% ມາເປັນ 0.5% ຕາມລຳດັບ ເຊິ່ງເປັນສະຖິຕິທີີ່ຕ່ຳສຸດໃນຮອບ 2 ອາທິດ. ສາເຫດແມ່ນມາຈາກປະຊາຊົນຊາວສະກ໋ອດແລນ ຮຽກຮ້ອງໃຫ້ມີປະຊາມະຕິແຍກຕົວອອກຈາກອັງກິດນັ້ນເອງ.

Be the first to comment

Leave a Reply

Your email address will not be published.


*