WeChat ຄູ່ແຂ່ງທີ່ແທ້ຈິງຂອງ Apple

ນັກວິເຄາະຈາກສຳນັກຂ່າວສານລະດັບໂລກຢ່າງ Wall Street Journal ໄດ້ສະແດງຄວາມຄິດເຫັນກ່ຽວກັບຄູ່ແຂ່ງຂອງ Apple ໃນຕະຫຼາດຈີນວ່າ: “ຄູ່ແຂ່ງທີ່ Apple ຕ້ອງຢ້ານແທ້ຈິງແລ້ວບໍ່ແມ່ນມືຖືຈີນ ແຕ່ເປັນ WeChat ຕ່າງຫາກ”.

ຫຼາຍຄົນຄົງແປກໃຈ ແລະ ຄິດຕ່າງທັນທີເພາະໃນຕະຫຼາດຈີນ Apple ຕ້ອງຕໍ່ສູ້ກັບຄູ່ແຂ່ງລາຍສຳຄັນຫຼາຍເຈົ້າເຊັ່ນ: Huawei, Oppo, Vivo, Xiaomi ແລະ ແບຣນອື່ນໆອີກນັບບໍ່ຖ້ວນ ເນື່ອງຈາກຜູ້ຜະລິດເລີ່ມຫັນມາຈັບຕະຫຼາດມືຖືລະດັບເທິງ (High-End) ອີກທັງມີແນວໂນ້ມປ່ຽນແປງຈາກການຜະລິດມືຖືລາຄາຖືກເພື່ອຜູ້ມີລາຍໄດ້ນ້ອຍແລ້ວ ເຫດຜົນໜຶ່ງທີ່ນັກວິເຄາະຄາດວ່າ iPhone ລຸ້ນໃໝ່ທີ່ຈະເປີດຕົວໃນປີນີ້ນັ້ນຍອດຂາຍອາດຈະບໍ່ຖະຫຼົ່ມຖະລາຍໃນຕະຫຼາດຈີນກໍ່ຍ້ອນ WeChat ແອັພພຼິເຄຊັ່ນຊື່ດັ່ງຂອງຈີນເຈົ້າຖິ່ນ ເຊິ່ງນັກວິເຄາະເຫັນວ່າເປັນໂຈດຍາກສົມຄວນສຳລັບ Apple ທີ່ຈະຫາທາງກັບມາຍາດສ່ວນແບ່ງທາງການຕະຫຼາດຄືນໃນຈີນ ຫຼັງຈາກທີ່ບໍ່ດົນມານີ້ຫາກໍ່ຖືກ Xiaomi ປາດໜ້າເຄັກເຮັດໃຫ້ຕົກມາເປັນ Top Brand ອັນດັບ 5 ແລ້ວ.

ຈາກສະຖິຕິພົບວ່າ ຜູ້ໃຊ້ງານມືຖື ຫຼື ສະມາທໂຟນ ໃນປະເທດຈີນກວ່າ 60% ນັ້ນລ້ວນແຕ່ນິຍົມກັນໃຊ້ WeChat (ພາຍໃຕ້ການບໍລິງານໂດຍ Tencent) ເຊິ່ງມີໃຫ້ໃຊ້ງານເທິງລະບົບປະຕິບັດການແອນດຣອຍ ແລະ ກໍ່ມີຄວາມສາມາດທີ່ຄອບຄຸມຫຼາກຫຼາຍຢ່າງນອກເໜືອຈາກການເປັນແອັພແຊັດ ຍັງໃຊ້ເອີ້ນ Taxi ໄດ້, ຈ່າຍຄ່າອາຫານ, ຖ່າຍທອດສົດຄຼິບວິດີໂອ, ຫຼິ້ນເກມ ຫຼື ແມ່ນກະທັ້ງລົງແອັພໃໝ່ພາຍໃນ WeChat ກໍ່ຍັງໄດ້ພາຍໃນເຄື່ອງດຽວ ໂດຍທີ່ບໍ່ຕ້ອງງໍ້ App Store ເລີຍ.

ກ່ອນໜ້ານີ້ ເບັນ ທັອມສັນ ນັກວິເຄາະຊື່ດັງຈາກບໍລິສັດວິໄຈຕະຫຼາດ Stratechery ກໍ່ເຄີຍອອກມາເປີດເຜີຍຂໍ້ມູນວ່າ ມີລູກຄ້າຊາວຈີນພຽງ 50% ເທົ່ານັ້ນທີ່ເປັນແຟນຂອງ Apple ແລະ ຜົນຈາກການສຳຫຼວດຄວາມຄິດເຫັນຂອງຜູ້ໃຊ້ໃນຈີນນັ້ນພົບວ່າພວກເຂົາສາມາດປ່ຽນໃຈຈາກ ໄອໂຟນ ມາໃຊ້ມືຖືລຸ້ນອື່ນທີ່ມີ WeChat ໄດ້ຢ່າງງ່າຍດາຍ, ເຊິ່ງໃນຈຸດນີ້ກໍ່ຕ້ອງມາລຸ້ນນຳກັນວ່າ Apple ຈະຍຸດທະວິທີແນວໃດໃນການເຈາະຕະຫຼາດຈີນທີນັບມື້ເປັນໂຈດຍາກຂຶ້ນເລື້ອຍໆ.

Be the first to comment

Leave a Reply

Your email address will not be published.


*